Deuteronome 1:16 - Tshwa Bible

¹⁶ Ka xona xikhati lexo nzi wa leletele Valamuli va nwina, nziku: Zwanani timhaka ta vamakabye va nwina, mu lamula hi kululama timhaka tabye, hambu ni wamatiko loyi a akileko xikari ka nwina.

Deuteronome 1:16 교차 참조

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

2 Samueli 23:3

Nungungulu wa ka Israeli i wulile, A Ribye ga ka Israeli gi te ngalo ka mina: Loyi a fumelako vanhu hi kululama, A mufumeli loyi a chavako Nungungulu,

Tisimu 58:1

Loku mu rutisa, mu wulawula kululama ke? Nwina vana va vanhu, mu lamula hi nongameto ke?

Eksodusi 22:21

U nga xanisi muluveli, hambu ku mu tsimbeketa, hakuva nwinawu mu wa hi valuveli tikweni ga le Gipite. Levi 19:33; Deut. 24:17

Mavingu 31:9

Vulula nomu wa wena u lamula hi nongameto, yimela zisiwana ni vavumali.

Levi 19:15

Mu nga hambanyisi nongameto laha kulamuleni ka nwina; u nga cuwuki a nghohe ya xisiwana, hambu ku yimela a wahombe; kanilezi lamula muakelani wa wena hi nongameto.

Levi 24:22

Nwina nwentlhe mu tava ni nayo munwe; ka muluveli ni ka xisumbulwa ku tava kota yinwe; hakuva hi mina Jehova, Nungungulu wa nwina.

Mitsengo 27:19

Zonake u ta mu yimisa mahlweni ka mupristi Eliazare ni mahlweni ka tlhangano wontihe, u mu wumbela mahlweni kabye.

Johani 7:24

Mu nga lamuli hi kota ya lezi zi wonekako, kanilezi lamulani hi nongameto. Deut. 1:16; Mav. 24:23

Deuteronome 1:15

Hikwalaho mina nzi tekile a madota lomu ka tinyangwa ta nwina, a vavanuna va kupima, va tibyiwako, nzi va yimisa hehla ka nwina a kuva tinduna ta 1,000, ni tinduna ta 100, ni tinduna ta 50, ni tinduna ta 10, kasi va maha vahlayisi lomu ka tinyangwa ta nwina.

Deuteronome 24:14

U nga kalaveli xitiri loyi a nga muvumali xikari ka vamakabye va wena, kutani xikari ka valuveli lava va akileko lomu tikweni ga wena ni lomu mitini ya wena; Levi 19:13; Mal. 3:5

Deuteronome 25:1

Loku vavanuna va holovisana, zonake vaya mahlweni ka Valamuli kasi va fela ku ya lamulwa, a Valamuli va ta tlhatlha loyi a lulamileko ni ku kona loyi a nga ni nanzu.

Deuteronome 27:11

Gwalego siku Mosi i lo laya vanhu, aku:

Deuteronome 31:14

Jehova i te ngalo ka Mosi: A masiku ya wena ya kufa ma tshinele kusuhani! Vitana Joxua, uta naye lomu ka tenda ga mutlhangano, nzi ta ta mu wumbela lomo. Zonake Mosi na Joxua va lo ya yima lomu ka tenda ga mutlhangano.

1 Va le Tesalonika 2:11

Na nwina ma zi tiva lezaku hi wa mu layile munwe ni munwani, hi mu luleka ni ku mu layisisa khwatsi hi raru loyi a layako vanana vakwe.

1 Timote 5:21

Nza ku laya mahlweni ka Nungungulu na Kristu Jesu, ni ka tingelosi leti ti hlawulilweko, lezaku u ingisa zileletelo lezi, kasi u nga lamuli mhaka hi kupima ka wena, hambu ku maha nchumu hi xihlawulela.

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.