Deuteronome 1:11 - Tshwa Bible

¹¹ Jehova Nungungulu wa nwina a mu enzelekise kambe hi ka khume ga mazana, a mu katekisa kota lezi a mu tsumbisileko!

Deuteronome 1:11 교차 참조

Genesisi 15:5

Yena i lo mu humesa lahandle aku ngalo: Cuwuka le tilweni, u hlaya tinyeleti, loku u zi kota ku ti hlaya. Yena i te ngalo kakwe: Zi tava nghaho ni pswalo wa wena. Deut. 10:22; Maheb. 11:12

Genesisi 22:17

nzi ta ku katekisa nguvu, ni ku anzisa a pswalo wa wena, wu kota tinyeleti ta tilo, ni ku kotisa a seke ga le fungwini wa bimbi; ni pswalo wa wena wu ta fumela a nyangwa ya valala vabye.

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Genesisi 49:25

Hi ntamu wa Nungungulu wa raru wa wena, loyi a ta nga ku vuna; Ni wa Ntamu-Wontlhe loyi a ta nga ku katekisa Hi Xikatekiso za le tilweni le hehla, Ni zikatekiso za lomu kueteni laha hasi, Ni zikatekiso za mavele ni za nyimba.

2 Samueli 24:3

Joabe i te ngalo ka hosi: Jehova Nungungulu wa wena a engetele a vanhu lomu tikweni hi ka zana ni mahlo ya hosi ya mina a ma zi wone! Makunu hi kuyini a hosi ya mina a ha lavako ku maha lezo ke?

1 Kronekele 21:3

Joabe i te ngalo: Jehova a engetele a vanhu vakwe hi ka zana a tsengweni wabye! Kanilezi, hosi yanga, vona a hi malanza ya hosi ya mina ke? Hikuyini a hosi ya mina yi lavako a xilo xa kunghahi ke? Hikuyini hi ta nga vangela Israeli a nanzu?

Tisimu 115:14

Jehova a mu enzelekise kambe ni kambe, Nwina ni vanana va nwina. Deut. 1:11

Eksodusi 32:13

Alakanya Abrahama, na Isaka, na Israeli, a malanza ya wena, lava u nga hlambanya ka vona uku ngalo: Nzi ta anzisa a pswalo wa nwina; wu ta kota tinyeleti ta tilo; nzi ta nyika ka pswalo wa nwina gontlhe tiko legi nzi gi wulileko, va ta gi fumela kala kupinzuka, Gen. 12:7; 15:5; Maheb. 6:13

Ezekieli 16:7

Nzi ku anzisile ku fanana ni byanyi ga khwati; kunene u lo kula u maha wa hombe, u maha lipswitla; a mavele ya wena ma wa tlekula ni misisi ya wena yi lo kula, kanilezi u wa hi ximbyiri u nga ambalangi nchumu.

Mitsengo 22:12

Nungungulu i te ngalo ka Balaami: U nga fambi navo. U ngayi u ya phunga lavo vanhu, hakuva va katekisilwe.

Mitsengo 6:27

Va ta vekisa lezo a vito ga mina hehla ka vanana va ka Israeli, zonake mina nzi ta va katekisa.

Deuteronome 1:10

Jehova Nungungulu wa nwina i mu enzelekisile, zonake inyamutlha mu tele kota tinyeleti ta tilo.

Deuteronome 1:12

Nzi ta rwalisa kuyini na nzi hi nzoce a minzhwalo ya nwina, ni kubinza ka nwina, ni kukanetisana ka nwina ke?

Deuteronome 1:8

Langutani, nzi mu nyikile tiko; fambani mu ya teka tiko lego Jehova a hlambanyileko ka vararu va nwina, Abrahama, na Isaka, na Jakobe, a ku va nyika gona, ni zizukulwana zabye anzhako ka vona. Gen. 12:7; 15:18

Deuteronome 10:22

Vararu va wena va relele vaya Gipite na va hi 70, makunu lezi Jehova Nungungulu wa wena i ku anzisile khwatsi hi tinyeleti ta tilo. Gen. 15:5; 22:17; 46:27

Deuteronome 28:62

Mu ta sala mu hi tsengo wutsongwani, kasi lezo nwinawu mu wa ku khwatsi mu tinyeleti ta tilo hi wunyingi ga nwina, hakuva wena a ku zwisi-sangi a gezu ga Jehova Nungungulu wa wena.