Danieli 11:40 - Tshwa Bible

⁴⁰ A xikhatini xa magumo a hosi ya le Dzongeni yi talwa naye; a hosi ya le Nwalungu yi ta mu hlongolisa kota a xipupuri hi tikareta ta yimpi ni vakhileli va mahaxi ni mataru yo tala. I ta enghena lomu matikweni a kukuleta khwatsi i ntalo, a hunza.

Danieli 11:40 교차 참조

Isaya 21:1

A xiprofeto xungetano ni xiwula xa bimbi. Khwatsi xipupuri xi hunzako le Dzongeni, Zinghaho wata hi le xiwuleni, a tikweni ga ku tshisa.

Isaya 5:28

A tigalala tabye ta kariha, ni mawura yabye wontihe ma kondlilwe, A makhanzo ya mahaxi yabye ma fanana ni maribye, Ni tinghonghwani ta tikareta tabye ti khwatsi xipupuri.

Isaya 66:15

Hakuva Jehova i tata hi nzilo, Ni tikareta takwe ti ta fanana ni xipupuri; Kasi ku neha zanga yakwe yi hisa, A kawuka hi malangavi ya nzilo. 2 Tes. 1:8; 2 Ped. 3:7

Jeremia 4:13

A nala i tata kota refu, Ni tikareta takwe ti kota xipupuri; A mahaxi yakwe ma hatlisa ku hunza magama. I khombo ka hina, hakuva hi Iovile! Isa. 5:28; Hab. 1:8

Ezekieli 38:4

Nzi ta ku humesa, nzi vekela a zimemba tihlayeni ta wena, nzi ku humesa wena ni yimpi ya wena yontlhe, ni mahaxi ni vakhileli va wona, vontlhe na va ambele za yimpi; a ntlawa wa hombe wu khomileko tingenge ni zitlhangu, vontlhe na va hi ni tisupado mandleni: 2 Tih. 19:28; Ezek. 29:4

Ezekieli 38:9

U ta kanziha, u tata kukotisa a bhubhutsa, u fanana ni refu gi fenengetako misava, wena ni mitlawa ya wena yontlhe ni matiko yo tala ma nga zinwe na wena.

Danieli 11:10

A vana Vakwe va talwa, va ha tsombanyisa a mabutho yo tala; a munwe wabye i ta gobhoza a fenengeta a hunza, a tlhela a wuya a ta vimbezela a khokhola ga hosi ya le Dzonga.

Danieli 11:11

A hosi ya le Dzongeni yi ta zangara, yi huma ku yalwa naye loyi a nga hosi ya le Nwalungu. I ta tsombanyisa a xidlemo xa hombe, kanilezi a xidlemo lexi xi ta nyikelwa mandleni ya hosi ya le Dzongeni.

Danieli 11:13

A hosi ya le Nwalungu yi ta tlhela, yi ta tsombanyisa a xidlemo xa hombe xo hunza leʼxo ranga; anzhako ka malembe yo kari i tata ni yimpi ya hombe ni nhunzu yo tala.

Danieli 11:22

A tiyimpi leʼtinyingi ti ta kukuletwa mahlweni kakwe, ti hangalaswa, zinwe ni hosana ya xivumelwano.

Danieli 11:25

I ta ti tiyiseta a tiyisa mbilu yakwe a ku yalwa ni hosi ya le Dzongeni hi yimpi ya hombe. A hosi ya le Dzongeni na yonawu yi ta hloma yimpi ya hombe nguvu yi talwa nayo; kanilezi yi nga ta humelela hakuva va ta mu mahela gujeguje.

Danieli 11:35

A vanwani lava va tlharihileko va ta dawa, kasi vanhu va fela ku ringiwa ni ku hlaziwa, va basiswa kala xikhatini xa kugumesa, hakuva magumo ma nga ta chikela kala xikhatini xi yimisilweko.

Danieli 11:39

I ta hlula a makhokhola ma tiyileko nguvu hi xivuno xa nungungulu a nga tibyiwiko; ni wihi a ta nga mu tirela i ta mu dzunza; i tava maha vafumeli hehla ka vo tala, a va avela a tiko hi ku rengelelwa.

Danieli 11:7

Kanilezi a ginwe ga mahluke ya mitsu yakwe, i ta teka xikhundla xakwe, loyi a ta ngata ni yimpi a ta enghenela makhokholeni ya hosi ya le Nwalungu, alwa navo a va hlula.

Danieli 12:4

Kanilezi wena Danieli, hlayisa a timhaka leti, u lema a bhuku kala xikhatini xa magumo. Vanyingi va ta gi hlotisisa, kasi wutivi gi enzeleka.

Danieli 12:9

Yena aku: Famba Danieli, hakuva a timhaka leti ti hlayisilwe, ti lemiwa kala xikhatini xa kugumesa.

Danieli 8:17

I lo tshinela laha nzi nga yimile, laha a ngata nzi lo chava, nziwa hi nghohe ya mina. Kanilezi aku ka mina: Xiyisisa, nʼwana wa munhu, hakuva a muwoniso wu xungeta a xikhati xa kugumesa.

Habakuka 3:14

Hi tigalala takwe u tlhavile a nduna ya tinhenha takwe, Lava va tako khwatsi xipupuri a ku ta nzi hangalasa, Na va bhuma khwatsi hi loku vaga a zisiwana kufihlaleni.

Zakaria 9:14

Jehova i ta woneka hehla kabye, a ligalala lakwe li ta phandiwa li ku khwatsi xingwalangwanza. Hosi Jehova i taba a mpunzu, a famba hi xipupuri xa Dzonga.

Kuvululelwa 16:12

Leʼya wuntlhanu ni yinwe yi lo halata mukhelo wa yona le congweni lowu wa hombe Eufrate; ni mati ya wona ma lopswha, lezaku ku longiselwa ndlela ya tihosi ta le Mutsuwuka-gambo. Isa. 41:2, 25; Xip. 9:14

Kuvululelwa 9:16

A ntsengo wa mitlawa ya lava va khileleko mahaxi wu wa hi 200,000,000, nzi zwile a ntsengo wabye. Tis. 68:17; Ezek. 38:4; Xip. 7:4