Amosi 8:2 - Tshwa Bible

² Yena aku ka mina: Amosi, xini u xi wonako? Mina nziku: Xirunzu xo tala hi mihanzu yi buvileko. Zonake Jehova aku ka mina: A kugumelwa ka vanhu va mina va Israeli ku chikele. Nzi nga ta ha va tsetselela kambe. Am. 7:8

Amosi 8:2 교차 참조

Genesisi 6:13

Jehova aku ngalo ka Noa: Nzi ta lovisa a nyama yontlhe, hakuva a misava yi tele hi tihanyi ta vanhu, languta, nzi ta va lovisa zinwe ni misava.

Isaya 28:4

Ni xitsangi xi wunileko xa wu mbhuri gakwe, Lexi xi nga le hehla ka nkova wu nonileko, Xi ta fanana ni nkuwu lowu wu rangelako ximumu, Lowu ange loku a muhunzi a wu wona a khaya a gi mita.

Jeremia 40:10

Mina, bo, nzi ya aka le Mizpa, kasi ku yima mahlweni ka maKaldea lawa ma ta ngata ka hina. Kanilezi nwina, hlengeletelani a vinya ni mihanzu ya ximumu ni mafura, mu zi veka lomu zibyeni za nwina, mu aka lomu mitini leyi mu yi tekileko.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Mikosi 4:18

Va xiya kufamba ka hina, lezaku hi nga dzuki hi fambafamba maruweni ya hina. A kugumelwa ka hin, ku tshinele, a masiku ya hina ma mbhelile, hakuva a kugumelwa ka hina ku chikele.

Ezekieli 12:23

Hikwalaho va byele, uku: Hosi Jehova i ngalo: Nzi ta fuvisa a vingu legi, va nga ha ta gi tirisa lomu tikweni ga ka Israeli. Kanilezi va byele uku: A masiku ma tshinele, a ziprofeto zontlhe zi ta tatiseka.

Ezekieli 29:8

Hikwalaho Hosi Jehova i ngalo: Nzi ta ku nehela supado, nzi hihirita vanhu ni zihari lomu ka wena.

Ezekieli 3:10

I lo engeta aku ka mina: Nʼwana wa munhu, amukela a mbilwini ya wena a magezu wontihe lawa nzi wulako ka wena, u tizwa hi tindleve ta wena.

Ezekieli 3:7

Kanilezi a yindlu ya ka Israeli yi nga ta ku ingisa, hakuva a va ranzi ku nzi ingisa; yontlhe a yindlu ya ka Israeli mbanhu va tihloko to nonoha ni timbilu to sihalala.

Ezekieli 7:6

A kugumelwa ku chikele, a kugumelwa ku chikele; ku tela wena, languta, ka hata.

Ezekieli 8:12

Zonake aku ka mina:. Nʼwana wa munhu, wa zi wona lezi a masingalakati ya yindlu ya ka Israeli ma zi mahako lomu munyameni, munwe ni munwani lomu ndlwini yakwe ya zifananiso ke? Hakuva ve ngalo: Jehova a nga hi woni; Jehova i tsikile a tiko.

Ezekieli 8:17

Zonake i te ngalo ka mina: Nʼwana wa munhu, wa zi wona lezi ke? Xilo xo hehuka ka yindlu ya ka Juda a ku maha manyalataniso khwatsi hi lezi va zi mahako laha ke? Hakuva va tatile a tiko hi tihanyi, va tlhela va vuxa a zanga ya mina; languta, va tshineta a ravi tinhovini tabye.

Ezekieli 8:6

I te ngalo ka mina: Nʼwana wa munhu, wa zi wona lezi va mahako ke? Nja hombe a manyalataniso lawa a yindlu ya ka Israeli yi mahako laha, lezaku nzi fela ku Suka lomu ndlwini ya mina yo basa. Kanilezi wa ha ta wona a manwani manyalataniso ya hombe yo tlula lawa.

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Amosi 7:8

Jehova aku ka mina: Amosi, xini u xi wonako? Mina nziku: Lingoti la xiringaniso. Zonake a Hosi yiku: Languta, nzi ta hayeka a lingoti la xiringaniso xikari ka vanhu va mina va ka Israeli; nzi nga ta ha va tsetselela kambe.

Amosi 8:1

Hosi Jehova i nzi kombisile lezi: Nzi lo wona a xirunzu na xi tele hi mihanzu yi buvileko.

Mika 7:1

I khombo ka mina! hakuva nzi kotisa a simu legi a mihanzu ya gona yi phophilweko, ni xivina lexi a mauva ya xona ma kolelweko; a ka hi na xitata xa mauva lexi xi nga giwako, hambu ni mihanzu yo ranga ya kuwu leyi nzi yi ranzako. Mat. 21:19

Zakaria 5:2

A ngelosi yiku ka mina: Xini u xi wonako? Nziku ka yona: Nzi wona a papilo gi hahako, ga 20 wa mikono kuleha ka gona, ni 10 wa mikono kuanama.