2 Timote 3:15 - Tshwa Bible

¹⁵ ni lezaku a kusukela wuhlangini ga wena u tivile a mitsalo yo basa, leyi yi nga ni ntamu a ku ku maha u tlhariha, u kala u hanyiswa hi kukholwa loku ku nga ka Kristu Jesu. Tis. 119:11; Joh. 20:31; Rom. 10:17

2 Timote 3:15 교차 참조

2 Kronekele 34:3

Hakuva hi lembe ga wu 8 ga kufuma kakwe, na ha hi muswa, i lo sangula ku hlota Nungungulu wa dadani wakwe Davida. Hi lembe ga wu 12 ga kufuma kakwe i lo sangula ku basisa va ka Juda ni va le Jerusalema, a susa a tiyindlu ta matshamu ma tlakukileko, ni zifananiso za Axtarte, ni zifananiso zi vatlilweko ni lezi zi wumbilweko.

Tisimu 19:7

A nayo wa Jehova wu mbhelele, wu humuta muhefemulo; A wukustumunyu ga Jehova gi nene, gi tlharihisa xipumbu. Rom. 15:4; 2 Tim. 3:15; 2 Ped. 1:19

Tisimu 71:17

Nungungulu, u nzi gonzisile kusukela wusweni ga mina, Kala lezi nza tlhatlhambutela a mitiro ya wena yi hlamalisako.

Mavingu 22:6

Gonzisa nwanana lomu ndleleni leyi a ta nga famba ha yona, ambu loku a hi wa kale a nga ta yi tsika.

Mavingu 8:17

Nzi ranza lava va nzi ranzako; ava va nzi lavisisako va nzi kuma.

Mutshawuteli 12:1

Alakanya Muvangi wa wena masikwini ya wuswa ga wena, na ku nga se kuta a masiku ya kubiha, na ma nga se ku chikela malembe lawa u ta nga wula ha wona, aku; A nzi tsakiswi ha wona; Tis. 71:17; 119:9

Danieli 10:21

Kanilezi nzi ta ku byela lezi zi tsalilweko bhukwini ga zinene. A nga kona a nzi vunako kulwa ni lavaya, ahandle ka Mikaeli a hosana ya nwina.

Mateu 22:29

Jesu i lo hlamula, aku ngalo kabye: Nwina mu lahlekile, lezi mu nga tiviko mitsalo, hambu ni ntamu wa Nungungulu. Joh. 20:9

Luka 1:15

hakuva i tava wa hombe mahlweni ka Hosi. A nga tanwa a vinya ni byala, kanilezi i ta tala hi Moya wa ku Basa kusukela na hi lomo rumbyini ga nyine wakwe. Mitse. 6:3; Jer. 1:5; Gal. 1:15

Luka 2:40

A nwanana i lo kula, a ngangamukelana hi ntamu, na a tele hi kutlhariha; ni tipswalo ta Nungungulu ti wa hi ka yena. vesi 52; Xip. 1:80

Luka 24:27

Zonake i lo sangula hi ka Mosi, ni vaprofeti vontlhe, a va tlhamusela hi ka mitsalo yontlhe a timhaka leti ti kuengetilweko yena. Vesi 45; Gen. 3:16; Isa. 7:14

Luka 24:32

Zonake va lo byelana vaku: Kasi a timbilu ta hina ti wa nga vuri nzeni ka hina, laha a nga kanela ka hina ndleleni, a hi vululela mitsalo ke?

Luka 24:45

Zonake i lo vulula a kupima kabye, lezaku kasi va fela ku pima mitsalo; Miti. 16:14

Johani 5:47

Kanilezi loku mu nga kholwi a kutsala kakwe, mu ta kholwisa kuyini a timhaka ta mina ke?

Mitiro 10:43

Hi yena loyi a vaprofeti vontlhe va mu mahelako wukustumunyu, lezaku munwe ni munwani a kholwako ka yena, i ta amukela a kurivalelwa ka zionho. Isa. 53:11; Jer. 31:34; Gal. 3:22

Mitiro 13:29

Laha va nga wa tatisile zontlhe lezi zi nga wa tsalilwe ha yena, va lo mu chisa sinyeni, va mu lahla xilahleni.

Mitiro 16:1

Zonake i lo chikela le Derbe ni le Listra. Laho ku wa hi kona a mupizani wo kari, a vitwako Timote, loyi a nyine wakwe a nga hi muJuda a kholilweko, kanilezi a raru wakwe i wa hi muGreki. Xip. 14:6; Rom. 16:21; Fil. 2:19

Mitiro 17:2

Paule hi kutolovela kakwe, i lo enghena kabye a masabado manharu, a wulawulisana navo hi timhaka ta Mitsalo, Lu. 4:16; Xip. 9:20; 13:5

Mitiro 26:24

Na a ha ti hlamulela kota lezo, Festu aku ngalo hi gezu ga hombe: Paule, u hungukile, a wutivi ga wena ga hombe ga ku hungukisa. Joh. 10:20; 1 Kor. 1:23; 2:13, 14

Va le Roma 1:2

leyi Nungungulu a nga yi tsumbisile a kaleloko hi vaprofeti vakwe lomu Mitsalweni yo basa; Tit. 1:2

Va le Roma 16:26

kanilezi makunu yi wonekelisilwe hi Mitsalo ya vaprofeti, khwatsi hi kulaya ka Nungungulu wa pinzukelwa, yi tibyisilwe ka matiko wontihe kuva kuingisa ka kukholwa; 2 Tim. 1:10

Va le Roma 2:27

Loyi a nga khuna hi kupswalwa, loku yena a hlayisa nayo, a nga ta ku kona wena loyi u hambunyetako nayo, hambu lezi u nga ni nayo wu tsalilweko, ni wukwera ke? Mat. 12:41

1 Va le Korinte 1:21

Hakuva lezi a kutlhariheni ka Nungungulu a misava yi nga kala ku mu tiva Nungungulu hi wutlhari ga yona, zi lo mu xalalisa Nungungulu a ku hanyisa lava va kholwako hi wupumbu ga kukanela ka hina. Lu. 10:21

Va le Efesusi 6:4

Na nwinawu vararu, mu nga zangarisi a vana va nwina; kanilezi va wundleni hi kululeka ni kulaya ka Hosi. Gen. 18:19; Deut. 6:7; Kol. 3:21

Deuteronome 4:6

Mu ta yi hlayisa ni ku yi maha, hakuva legi gi tava wutlhari ni kupima ka nwina le kuwoneni ka matiko lawa ma ta ngazwa hi milayo leyi yontlhe, va taku ngalo: Kunene, legi i tiko ga hombe, gi nga ni wutlhari ni kupima!

1 Timote 4:13

Pinyamela ku gonzela vanhu a mitsalo, ni ku luleka ni ku gonzisa, nzi kala nzita.

2 Timote 1:1

Paule, a mupostoli wa Kristu Jesu hi kuranza ka Nungungulu, a rumelweko a ku kanela a xitsumbiso xa wutomi legi gi nga ka Kristu Jesu, Joh. 5:24, 39, 40; Rom. 5:21; Tit. 1:2

2 Timote 1:5

hakuva nzi alakanya a kukholwa ka wena loku ku nga xengeteliko, loku a nga hi nako kuranga a kokwani wa wena Loisi, ni nyine wa wena Eunike; nza kholwa lezaku ku kona ni ka wena kambe. Miti. 16:1

2 Pedro 3:16

i maha lezo mapapilweni yakwe wontihe, loku a wulawula hi timhaka leti. A xikari ka wona ti kona timhaka tinwani leti ti tsanzako ku pimiwa, leti lava va nga gonzangiko ni va nga tiyangiko va ti hunzuluselako va lahleka, kota lezi va mahako hi yinwani mitsalo. Rom. 8:19; 1 Tes. 4:15

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

1 Samueli 2:18

Kanilezi Samueli i wa khozela mahlweni ka Jehova na a ha hi nwanana, a ambala a efode ya wukene. Ekso. 28:4, 6