2 Timote 2:24 - Tshwa Bible

²⁴ A zi faneli lezaku a nanza ga Hosi gi holova, kanilezi a gi rule ka vontlhe, na gi tiva ku gonzisa, gi timisela.

2 Timote 2:24 교차 참조

2 Kronekele 24:6

Zonake a hosi yi lo vitana a mupristi wa hombe Jehoiada, aku kakwe: Hi kuyini u nga kala ku laya a vaLevi ku neha a nzuvo yi leletelweko tlhanganweni wa va ka Israeli hi Mosi nanza ga Jehova, yi humako tikweni ga ka Juda ni le Jerusalema, kasi ku yi maha ya tenda ga mutlhangano ke?

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Danieli 6:20

Loku yi chikele nkeleni yi lo vitana Danieli hi gezu ga kukarateka, yi ku: Danieli, nanza ga Nungungulu a hanyako, a Nungungulu loyi u mu khozelako xontlhe xikhati i zi kotile ku ku ponisa tinghaleni ke?

Mateu 12:19

A nga ta holova, ne ni ku kanyuluka; A gezu gakwe gi nga ta zwiwa maphangweni.

Johani 6:52

A vaJuda va lo kanetana vaku: A munhu loyi i ta hi nyikisa kuyini a nyama yakwe a kuva hi yiga ke?

Mitiro 15:2

Laha Paule na Barnabasi va nga hambana navo, va kanetisana navo, a vamakabye va lo yimisa Paule na Barnabasi, ni vanwani vabye, a ku kanziha vaya Jerusalema, ku ya wutisa hi mhaka leyi ka vapostoli ni masingalakati.

Mitiro 23:9

Ku lo vuka a woyonga ga hombe; a vatsali vanwani va ntlawa wa vaFarisi va yima va tiyisa hi ntamu vaku: A hi kumi kubiha ka munhu loyi; kutani a moya wu wulile kakwe, hambu a ngelosi. Xip. 5:39; 22:17, 18

Mitiro 7:26

Hi siku gi gamelako i lota kabye na va kari va holova, a lava ku va lamula, aku: Madota, mu vamakabye; hi yini mu vukelanako ke?

2 Va le Korinte 10:1

Mina Paule wutsumbu nza mu khongotela hi wunene ni kurula ka Kristu, mina loyi nzi ti koramisako loku nzi hi xikari ka nwina, kanilezi loku nzi hi hava nzi maha wurena ka nwina. Rom. 12:1

2 Va le Korinte 10:4

Hakuva a matlhari ya hina a hi ya nyama, kanilezi nja ntamu mahlweni ka Nungungulu a ku hahlula makhokhola. Jer. 1:10; Efe. 6:13; 1 Tes. 5:8

2 Va le Korinte 6:4

Kanilezi ka zilo zontlhe hi ranza ku kombisa lezaku hi malanza ya Nungungulu: hi kutimisela ka hombe, hi kuxaniseka, le makhombyeni, ni timhangweni, 1 Kor. 4:1

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Va le Efesusi 4:2

muva ni kutikoramisa kontlhe, ni lihlaza-mbilu, mu timiselana hi liranzo, Gal. 5:22

Deuteronome 34:5

Zinghaho Mosi, a nanza ga Nungungulu, i lofa leyo tikweni ga Moabi, khwatsi hi kuwula ka Jehova.

Va le Filipi 2:14

Mahani zontlhe hi ku nga kalali ni kukanetisana;

Va le Filipi 2:3

mu nga mahi nchumu hi mubango ni kutikukumukisa, kanilezi ngha munwe ni munwani a ti koramisa a wula munwani aku i chukwana ku hunza yena. Jak. 3:14; 1 Ped. 5:5

Va le Kolosi 3:13

Honiselanani ni ku tsetselelana; loku munhu a hi ni xisolo ka munwani, kota lezi Hosi yi nga mu tsetselela, nwinawu mahani zalezo.

1 Va le Tesalonika 2:7

Kanilezi hi lo rula xikari ka nwina, kota a muanwisi loku a hlayisa a vanana vakwe.

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

Titusi 1:1

Paule, a nanza ga Nungungulu, tlhelo mupostoli wa Jesu Kristu, a rumelweko hi kota ya kukholwa ka vahlawulilweko va Nungungulu, ni kutiva kabye a zinene lezi zi xungeteneko ni ku khozela Nungungulu, 1 Tim. 6:3; 2 Tim. 2:25

Titusi 1:7

Hakuva a murisi ngha a nga soleki, kota lezi a nga nekwa ya Nungungulu; na a nga hi na xikanikani, na a nga hi na xizangazangani, a nga ti nyikeliko kunweni ka byala, na a nga hi mubi, na a nga naveli bhinzu go biha; Levi 10:9; Mat. 24:45

Titusi 1:9

loyi a namarelako ka mhaka yi tsumbekako ya gonzo, kasi a fela ku zi kota ku luleka hi gonzo leyi yi hanyisako, ni ku kada lava va kanetako. 1 Tim. 1:10

Titusi 3:2

va nga lumbeti munhu, va nga holovi, va hi va nene, va kombisa kuolova ka vanhu vontlhe. Ekso. 20:16; Efe. 4:31

Jakobe 1:1

Mina Jakobe, a nanza ga Nungungulu, ni ga Hosi Jesu Kristu, nza rungula ka khume ga tixaka ni timbiri leti ti hangalakileko. Miti. 12:17; 26:7; Juda 1

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

Jakobe 4:2

Mu tele hi kumbilukela, kanilezi a mu na nchumu; ma daya, mu navela, kanilezi a mu na ku zi kuma; ma kanetisana ni ku holova, kanilezi a mu na nchumu, hakuva a mu kombeli.

Joxua 1:1

Makunu laha Mosi a nanza ga Jehova a nga file, Jehova i lo wulawula ka Joxua nʼwana Nuni, a nanza ga Mosi, aku: Ekso. 24:13; 33:11

1 Pedro 3:8

Hi kugumesa, ngha nwina nwentlhe mu hi ni mbilu yinwe, mu zwelana, mu ranzana ni vamakabye, mu hi ni wuxinji, mu ti koramisa. Rom. 12:10; Fil. 3:16; Kol. 3:12

Juda 1:3

Varanzekako, kota lezi nzi pangamileko a ku mu tsalela hi mhaka ya kukholwa ka hina hontlhe, nzi yimelwe hi ku mu tsalela nzi mu khongotela lezaku mu lwela a kukholwa loku ku nyikilweko kanwe ka vobasa. Fil. 1:27; Tit. 1:4