2 Timote 2:15 - Tshwa Bible

¹⁵ Chela kota ku ti kombisa mahlweni ka Nungungulu u hi loyi a hlolilweko u kheseka, a xitiri xi nga luko na tingana, loyi a avelako a mhaka ya zinene hi kululama.

2 Timote 2:15 교차 참조

Mateu 13:52

Aku ngalo kabye: Makunu kani hi wihi mutsali loyi a gonzisilweko hi za mufumo wa tilo i fanana ni munhu loyi a nga nwinyi wa yindlu, loyi a humesako mabakweni yakwe a zilo ziswa ni zilo za kale.

Marku 4:33

Hi mifananiso yo tala ya kunghahi i lo kanela a mhaka ka vona, kota lezi va nga zi kota ku yizwa. Mat. 13:34; Joh. 16:12

Luka 12:42

A Hosi yi te ngalo: Himani a nekwa yi kholekileko, leʼyo tlhariha, leyi a hosi ya yona yi ta nga yi yimisa hehla ka malanza ya yona, kasi ku va avela zakuga hi xikhati xa kona ke? Mat. 24:45; 25:21; 1 Kor. 4:2

Mitiro 2:22

Nwina madota ya ka Israeli, ingisani leti timhaka: Jesu wa le Nazareta, loyi a nga mahelwa wumboni mahlweni ka nwina hi Nungungulu, hi mitiro ya ntamu, ni zirewukiso ni ziwoniso, lezi Nungungulu a nga zi maha ha yena xikari ka nwina, kota lezi mu zi tivako nwina wutsumbu; Maheb. 2:4

Mitiro 20:27

Hakuva a nzi lovangi a kuba hungu ka nwina hi khungo gontlhe ga Nungungulu. Lu. 7:30; Joba 15:15; Efe. 1:11

Va le Roma 14:18

Hakuva loyi a tirelako Kristu kota lezi wa tsakisa Nungungulu, a ranzeka ka vanhu. 2 Kor. 8:21

Va le Roma 16:10

Rungulani Apelesi loyi a tiyileko ka Kristu. Mu rungula ni va ka Aristubulusi.

Va le Roma 6:13

Hambu ni ku nyikela a ziro za nwina kuonheni ziva matlhari ya kungalulami; kanilezi ti nyikeleni ka Nungungulu, khwatsi hi lava va humileko kufeni va hanya, ni ziro za nwina ziva matlhari ya kululama ya ku tirela Nungungulu.

1 Va le Korinte 2:6

Ahembalokoke, hina ha wulawula a wutlhari xikari ka lava va mbheleleko; kanilezi na ku nga hi wutlhari ga nguva leyi, hambu ni ga tihosi ta nguva leyi leti ti hunzako. Efe. 4:13; Jak. 3:15

2 Va le Korinte 10:18

Hakuva yena loyi a ti dzunzako a hi yena a amukelekako, kanilezi sine loyi a dzunziwako hi Hosi. Mav. 27:2; Lu. 18:10; Rom. 2:29; 1 Kor. 4:5

2 Va le Korinte 3:6

loyi a nga hi maha a kuva hi ringana a ku maha zitiri za xivumelwano xiswa; na ku nga hi lexi xa kutsala, kanilezi xa Moya; hakuva a nayo wu tsalilweko wa daya, kanilezi a Moya wa hanyisa. Jer. 31:31; Joh. 6:63; Mat. 26:28; Rom. 2:27; 3:20; 7:6; 8:2

2 Va le Korinte 4:2

kanilezi hi tsikile a zilo zi fihlilweko za tingana, a hi fambi hi mano, hambu ku bihisa a mhaka ya Nungungulu; kanilezi hi humesa zinene ziku dlunya, na hi ti yimela ka livalo la munhu munwe ni munwani mahlweni ka Nungungulu. 1 Tes. 2:3, 5

2 Va le Korinte 5:9

Hikwalaho ha xuva nguvu a ku yi tsakisa, hambu hi hi kona mirini kutani hi humele ka wona.

Va le Galatia 1:10

Xana makunu nzi lava ku kholwisa vanhu kutani Nungungulu ke? Kutani nzi lava ku xalalisa vanhu ke? Loku nza ha ranza ku xalalisa vanhu nzi wa ta ngha nzi nga hi nanza ga Kristu. 1 Tes. 2:4; Jak. 4:4; 1 Joh. 3:19

Va le Efesusi 1:13

Nwina kambe laha na mu zwile a mhaka ya zinene, yi nga ivangeli ya kuhanyiswa ka nwina, na mu kholilwe mu lo fungiwa hi Moya wa ku Basa lowu wu tsumbisilweko, 2 Kor. 1:22

1 Va le Tesalonika 2:4

Kanilezi kota lezi hi kumilweko hi Nungungulu, hi hi ni fanelo a kuva hi nyikwa a ntiro wa ivangeli, hina ha yi kanela, na ku nga hi ku xalalisa vanhu, kanilezi kasi ku xalalisa Nungungulu, loyi a hlolako timbilu ta hina. Mav. 17:3; 1 Kor. 7:25; 1 Tim. 1:11; Tit. 1:3

1 Va le Tesalonika 5:14

Ha mu khongotela, vamakabye, hiku: Lulekani lava va vilinganya, mu tiyisa-hlana lava va timbilu ti rerekileko, mu vuna lava va nga ni gome, mu hi ni lihlaza-mbilu ka vanhu vontlhe.

1 Timote 4:6

Loku u byela a vamakabye timhaka leti, u tava nanza gi nene ga Kristu Jesu, legi gi wundlilweko timhakeni ta kukholwa, ni ka gonzo yi nene leyi u yi lanzeleko. 2 Tim. 3:14

Maheberu 4:11

Hikwalaho a hi pinyameleni a ku enghena kuhumuleni loku, kasi ku ngavi ni munwe loyi a wako hi kungaingisi ka kunghaho. Xip. 3:12, 18, 19

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

Jakobe 1:18

Hi kuranza kakwe i hi belekile hi mhaka ya zinene, kasi hi tava a mihanzu yo rangula ya zivangwa zakwe. Kuv. 14:4; Jer. 2:3; Joh. 1:13

2 Pedro 1:10

Hikwalaho, vamakabye, pinyameleni nguvu hi ku tiyisa a kuvitanwa ni kuhlawulwa ka nwina; hakuva loku mu maha lezo, cima mu nga ta khunguvanyeka; 1 Joh. 3:19

2 Pedro 1:15

Ina, nzi ta pinyama ha zona kasi ni ka xihi xikhati anzhako ka kuva nzi file mu ta zi kota ku alakanya timhaka leti.

2 Pedro 3:14

Hikwalaho, varanzekako, kota lezi nwina mu langutelako lezi zilo, chelani kota lezaku mu ta kumiwa hi yena na mu hi ni kurula, mu nga hi na bala na khwanga mahlweni kakwe. 1 Kor. 1:8; Fil. 1:10; 1 Tes. 5:23