2 Tihosi 9:6 - Tshwa Bible

⁶ Jehu i lo suka a enghena lomu kwarutwini, a jaha gi lo chela mafura hlokweni yakwe, aku: Jehova Nungungulu wa ka Israeli i ngalo: Mina nzi ku totile a kuva hosi ya ka Israeli, a vanhu va Jehova.

2 Tihosi 9:6 교차 참조

1 Tihosi 1:34

Mupristi Zadoke, na muprofeti Natani ngha va mu wumbela a kuva hosi hehla ka Israeli. Zonake muba mpunzu, muku: Hosi Solomoni, hanya kala kupinzuka!

1 Tihosi 10:9

A ku khesiwe Jehova Nungungulu wa wena, loyi a xaleleko ha wena, a ku ku yimisa xitshanwini xa wuhosi xa ka Israeli! Jehova i ku yimisile a kuva hosi, u lamula ni ku tsema timhaka, hakuva wa ranza va ka Israeli kala kupinzuka.

1 Tihosi 14:7

Tlhela u famba ka Jeroboamu u yaku kakwe: Jehova Nungungulu wa ka Israeli i ngalo: Mina nzi ku tlakusile xikari ka vanhu, nzi ku yimisa akuva murangeli wa vanhu va mina va ka Israeli;

1 Tihosi 16:2

Mina nzi ku tlakusile lomu tshurini, nzi ku yimisa a kuva murangeli wa vanhu va mina va ka Israeli; kanilezi wena u lanzele a ndlela ya Jeroboamu u onhisa a vanhu va mina, a va ka Israeli, va nzi zangarisa hi zionho zabye.

1 Tihosi 19:16

u ta ya tota na Jehu nʼwana Nimxi a kuva hosi ya ka Israeli. U ta ya tota na Elixa nʼwana Xafate wa le Abela-Mehola, a tava muprofeti wutshanwini ga wena.

1 Tihosi 3:8

A nanza ga wena gi lomu xikari ka vanhu va wena, lava u va hlawulileko, a vanhu va teleko, va tsanza-vahlayi hi kota ya ku tala kabye. Gen. 13:16; 1 Tih. 1:20

2 Tihosi 9:3

Zonake u ta teka a limhonzo la mafura, u mu chela laha hlokweni yakwe, uku: Jehova i ngalo: Mina nzi ku totile a kuva hosi ya ka Israeli. Zonake u vulula livati u tsutsuma, u nga yimi.

2 Tihosi 9:5

A xikhati a nga chikela i lo kuma a tinduna timbiri ta yimpi na ti tshamile, aku: Nzi na ni mahungu nzi ma nehako ka wena hosi! Jehu i lo hlamula, aku: U wula mani xikari ka hina laha? Yena aku: Nzi wula wena hosi.

2 Kronekele 22:7

Makunu a kulobyiswa ka Ahazia ku wa hi kuranza ka Nungungulu, hi kota ya kuya ka Joramu, hakuva a xikhati a nga chikela i lo hloma yimpi na Joramu valwa na Jehu nʼwana Nimxi, loyi Jehova a mu totileko ku lovisa a yindlu ya Ahabi.

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Tisimu 75:6

Hakuva a kutlakusiwa a kuti hi le Mutsuwuka-gambo, Ge hambu hi le Muhlwa-gambo, kutani hi le xiwuleni.

Isaya 45:1

Jehova i wula ka a totilweko wakwe Kurusi, Loyi nzi mu khomileko hi canja gakwe ga xinene, Lezaku nzi hlula matiko mahlweni kakwe, Nzi tlhatlha a tifunga ta tihosi; A vululelwa tivati, ti nga valiwi, aku:

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Danieli 4:17

A tsanziselo leyi yita hi le hubyeni ya tingelosi, a mhaka yi leletelwe hi vabasileko, kasi lava va hanyako va ta zi tiva lezaku Loyi a Hunzeleleko Kutlakuka wa fumela a mifumo ya vanhu, ni lezaku i yi nyika ka wihi a mu ranzako, a yimisa hehla ka yona a munhu a nga wa nyalidede nguvu.

Danieli 4:32

U ta hlongolwa xikari ka vanhu, u ya tshama ni zihari za khwati; u taga byanyi ku fanana ni tihomu kala ku hunza a ntlhanu wa zikhati ni zimbiri; kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

1 Samueli 10:1

Zonake Samueli i lo teka a xikudzana xa mafura a xi chulula laha hlokweni ka Saule, a mu pswopswa, aku: Hakunene Jehova i ku totile hi mafura lezaku u maha hosi hehla ka tshomba yakwe!

1 Samueli 2:7

Jehova wa vanga wusiwana, wa fumisa; Jehova wa tsongahata, ni kambe wa tlakusa.

1 Samueli 2:8

Wa humesa xisiwana lomu tshurini, Wa tsawula muvumali lomu maropeni, A va tshamisa zinwe ni tihosi, Ni ku va nyika a tshomba ya xitshamu xa wukosi. Hakuva a ziseketelo za misava za Jehova, I yimisile misava hehla ka zona.