2 Tihosi 9:1 - Tshwa Bible

¹ Muprofeti Elixa i lo vitana a munwe wa vapizani va vaprofeti, aku kakwe: Ti bohe xiwunu xa wena u teka limhonzo leli la mafura uya le Ramote-Gileade.

2 Tihosi 9:1 교차 참조

1 Tihosi 1:39

Zonake mupristi Zadoke i lo ya teka limhonzo la mafura lomu Tabernakelini ga Jehova, a tota Solomoni; zonake va loba mimpunzu, a vanhu vontlhe vaku: Hosi Solomoni, hanya kala kupinzuka!

1 Tihosi 18:46

Ni canja ga Jehova gi wa hi hehla ka Elija; na yena i lo ti boha xiwunu a tsutsuma mahlweni ka Ahabi kala nyangweni ya Jezreeli.

1 Tihosi 19:16

u ta ya tota na Jehu nʼwana Nimxi a kuva hosi ya ka Israeli. U ta ya tota na Elixa nʼwana Xafate wa le Abela-Mehola, a tava muprofeti wutshanwini ga wena.

1 Tihosi 20:35

Zonake a mupizani wo kari wa vaprofeti i te ngalo ka nakulobye hi gezu ga Jehova: Nzi khuvaze! Kanilezi a munhu loye i lo ala ku mu daya.

1 Tihosi 22:20

Jehova na ku ngalo: Himani a ta nga ya kupeta Ahabi, kasi a fela ku kanziha le Ramote-Gileade a ya ti tokometa kona ke? Zonake munwe i lo wula lezi munwani a wula leziya.

1 Tihosi 22:4

Aku ka Jehoxafate: U nga ta hloma zinwe na mina hi ya hlazela le Ramote-Gileade ke? Jehoxafate i lo hlamula a hosi ya ka Israeli aku: Mina nzi munwe na wena; a vanhu va mina va zinwe ni vanhu va wena, ni mahaxi ya mina ma zinwe ni mahaxi ya wena.

2 Tihosi 2:15

Laha a vapizani va vaprofeti, lava va nga wa hi le Jeriko, na va mu wonile, va te ngalo: A moya wa Elija wu le hehla ka Elixa. Va lo mu khinga va mu khizamela,

2 Tihosi 2:3

A vapizani va vaprofeti lava va nga wa hi le Beteli va lo huma vata ka Elixa va taku kakwe: Wa zi tiva lezaku inyamutlha Jehova i ta ku tekela a hosi ya wena yiya hehla ke? Yena aku: Nza zi tiva, miyelani!

2 Tihosi 2:5

A vapizani va vaprofeti lava va nga wa hi le Jeriko va lo tshinela ka Elixa, ya taku kakwe: Wa zi tiva lezaku inyamutlha Jehova i ta ku tekela a hosi ya wena yiya le hehla ke? Yena aku: Nza zi tiva, miyelani!

2 Tihosi 2:7

Zonake a 50 wa vanhu, va nga vapizani va vaprofeti, va lo ta yima mahlweni ka vona hi le kulanyana; vonawu hi wumbiri gabye va lo yima hi le mbhirini ya Jordani.

2 Tihosi 4:1

Makunu a munwe wa vasati va vapizani va vaprofeti i loba huwa ka Elixa, aku: A nanza ga wena, a nuna Wa mina, i file! Wena wa zi tiva lezaku i wa hi munhu loyi a nga wa chava Jehova. Makunu loyi a nga wa mu pembile i tile ku ta teka a vana va mina va vambiri a ya va maha tikhumbi takwe! Levi 25:39; Mat. 18:25

2 Tihosi 4:29

Elixa i te ngalo ka Gehazi: Boha xiwunu xa wena u teka a nhonga ya mina u welela canjeni ga wena, u famba; loku u tlhangana ni munhu, u nga mu losi; ni loku a munhu a ku losa wena, u nga mu anguli, U ta ya tlhateka a nhonga ya mina lomu nghoheni ya nwanana. Lu. 10:4

2 Tihosi 9:4

Zinghaho a jaha lego ga muprofeti gi lo suka gi famba le Ramote-Gileade.

2 Kronekele 22:1

A vanhu va le Jerusalema va lo yimisa Ahazia, a xisiva-marumbu xakwe a kuva hosi xikhundleni xakwe, hakuva a tlawa lowu wu ngata ni vaArabia lomu wugovelweni, wu dele vontlhe a vana va hombe va hosi. Hikwalaho Ahazia nʼwana Jehoramu hosi ya ka Juda, i lo fuma.

2 Kronekele 22:5

Hi kota ya ku kucetelwa hi vona, i lo suka a famba na Jehoramu nʼwana Ahabi a hosi ya ka Israeli le yimpini ya kulwa na Hazaeli a hosi ya le Siria le Ramote-Gileade. A maSiria va lo gwaza Joramu.

Jeremia 1:17

Hikwalahoke, ti bohe a xiwunu xa wena, u yima, u va byela zontlhe lezi nzi ta nga ku laya zona. U nga dzuki u chava a mahlweni kabye, ku nga taku nzi ku chavisa mahlweni kabye. Lu. 12:35; Efe. 6:14; 1 Ped. 1:13

Mateu 26:7

ku lota kakwe a wasati na a hi ni xikhudzana xa alabasteri xi nga hi ni mafura ya tsengo wa hombe, a ta ma chulula hlokweni yakwe laha a nga tshamile kugeni.

Deuteronome 4:1

Makunu, Israeli, ingisa milayo ni zileletelo lezi nzi mu gonzisako, lezaku mu zi maha, kasi mu fela ku hanya, mu ya enghena mu fumela a tiko legi Jehova Nungungulu wa vararu va nwina a mu nyikako gona.

Deuteronome 4:3

A mahlo ya nwina ma wonile lezi Jehova a mahileko hi kota ya Baal-Peori; hakuva vontlhe lava va nga lanzela Baal-Peori, Jehova Nungungulu wa wena i lo va lovisa xikari ka nwina.

1 Pedro 1:13

Hikwalaho ti boheni a ziwunu za kupima ka nwina, mu ti khoma, muva ni kutsumba ku mbheleleko a tipswalweni leti mu ta nga hiwa tona kuwonekelisweni ka Jesu Kristu. Lu. 17:30; Efe. 6:14

1 Samueli 10:1

Zonake Samueli i lo teka a xikudzana xa mafura a xi chulula laha hlokweni ka Saule, a mu pswopswa, aku: Hakunene Jehova i ku totile hi mafura lezaku u maha hosi hehla ka tshomba yakwe!

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22