2 Tihosi 8:12 - Tshwa Bible

¹² Hazaeli i te ngalo: Hosi yanga, hi yini u rilako? Yena i lo hlamula, aku: Hi lezi nza yi tiva a xapi leyi u ta nga yi maha ka vanana va ka Israeli: u ta hisa a makhokhola yabye, u daya majaha yabye hi tlhari, u pswhandlasela a zivanana zabye, u bhoxetela a marumbu ya vasati vabye va nga ni tinyimba.

2 Tihosi 8:12 교차 참조

1 Tihosi 18:13

Kasi a hosi ya mina a yi byelwangi lezi nzi nga zi maha a xikhatini lexo Jezebeli a nga hlasela vaprofeti va Jehova ke? Lezaku nzi tekile a zana ga vaprofeti va Jehova nzi va avanyisa hi mitlawa mimbiri ya 50 a munwe, nzi va fihla lomu muhumeni, nzi va phamela ni ku vaha mati.

1 Tihosi 19:17

Kasi loye a ta nga pona a supado ya Hazaeli, i ta dawa hi Jehu. Ni loyi a ta nga pona a supado ya Jehu, i ta dawa hi Elixa.

2 Tihosi 12:17

Zonake Hazaeli a hosi ya le Siria i lo kanziha a yalwa na Gati, a teka muti lowo. Anzhako ka lezo i lo lava ku kanziha a yalwa ni Jerusalema.

2 Tihosi 12:18

Kanilezi Joaxi a hosi ya ka Juda i lo teka zontlhe a zibya za kubasa, lezi zi hlazekileko zi nga wa nyikelisisile hi Jehoxafate na Jehoramu na Ahazia, a vararu vakwe, lava va nga wa hi tihosi ta ka Juda, ni zinwani lezi yena a nga wa zi nyikelisisile, ni nzalama yontlhe leyi nga wa kumilwe lomu ka mabako ya yindlu ya Jehova, ni lomu ndlwini ya hosi; i lo teka zontlhe a zi rumela ka Hazaeli a hosi ya le Siria, a suka le Jerusalema.

2 Tihosi 13:22

Hazaeli a hosi ya le Siria i lo tsimbeketa Israeli wontihe masiku ya kufuma ka Jehoahaza.

2 Tihosi 13:3

A zanga ya Jehova yi lo vindlukela va ka Israeli, a va nyikela ka Hazaeli a hosi ya le Siria ni le mandleni ya Ben-Hadade a nʼwana Hazaeli a masiku wontihe. Vala. 2:14; 1 Tih. 19:15

2 Tihosi 13:7

Jehoahaza i lo sala ni yimpi ya 50 wa vakhileli va mahaxi, ni 10 wa tikareta, ni butho ga 10,000 wa vavanuna basi, hakuva a hosi ya le Siria yi wa lovisile va ka Israeli, yi va maha ku khwatsi i tsutsungwani lowu wu kanzihelelako.

2 Tihosi 15:16

Zonake Menahema i lo hlasela Tifsa ni vontlhe lava va nga wa hi lomo, ni matikwana ya kona, kusukela le Tirza, hakuva va wa nga mu vulule-langi a tinyangwa ta wona; hikwalaho i lo wu hlasela, a bhoxetela a marumbu ya vavasati lava va nga hi ni tinyimba.

2 Tihosi 4:28

Zonake a wasati i te ngalo: Xana mina nzi wa kombele nʼwana ka hosi ya mina ke? Mina a nzi ku byelangi nziku: U nga nzi khohlisi ke?

Isaya 13:16

A zihlangi zabye zi ta pswhandlasiwa mahlweni kabye, A tiyindlu tabye ti ta phangiwa, ni vasati vabye va gohiwa.

Isaya 13:18

A mawura yabye ma ta dayetela majaha, Cima va nga ta zwela wusiwana a xihlangi xa hiko nzeni, Ni mahlo yabye ma nga ta nyenyeletela zivanana.

Hosea 10:14

Ku ta huma pfilupfilu xikari ka vanhu va wena, a makhokhola ya wena wontihe ma ta khungumulwa, kota lezi Xalmani a nga khungumula Bet-arbeli hi siku ga kulwa, laha a vamamani va nga pswandlaswa zinwe ni vanana.

Hosea 13:16

Samaria i ta tsayiswa hikuva a vukeleko a Nungungulu wakwe. Va ta dawa hi supado; a zihlangana zabye zi ta pswhandlaselwa, ni vavasati vabye lava va nga ni tinyimba va ta hanzulelwa.

Hosea 14:1

Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

Amosi 1:13

Jehova i ngalo: Hi kota ya zionho ginharu za vana va ka Amoni, kutani mune wa zona, nzi nga ta susa a xitsayiso; hakuva va hanzulela a vavasati va le Gileade lava va nga ni tinyimba, kasi ku kulisa a tiko gabye.

Nahume 3:10

Hambulezo, i lo khomiwa a yiswa wukhumbini, ni vana vakwe va lo pswhandlaswa lomu maphangweni; va lo hlahluvela a vavanuna vakwe va dumileko, a vahombe vakwe vontlhe va bohiwa hi mangenje.