2 Tihosi 7:17 - Tshwa Bible

¹⁷ A hosi yi wa rumile a nduna leyi yi khegelako canjeni gakwe a ku ya hlayisa a nyangwa; yona yi lo kanzihelwa lahasi hi mikonzo ya vanhu vo tala, afa, khwatsi hi lezi a munhu wa Nungungulu a nga wa wulile a siku legi a nga relela aya kakwe.

2 Tihosi 7:17 교차 참조

2 Tihosi 7:2

Kanilezi a nduna ya hosi leyi yi khegelako laha canjeni ga yona, yi lo hlamula a munhu wa Nungungulu, yiku: Hambu loku Jehova a vulula a tinjhanela ta le tilweni, lezo zilo u zi wulako cima zi nga mahekisa kuyini? Elixa i lo hlamula, aku: U ta zi wona hi mahlo ya wena, kanilezi cima u nga ta ziga.

2 Tihosi 6:32

Elixa i wa tshamile lomu ndlwini yakwe zinwe ni masingalakati. A hosi yi lo mu rumela a munwe wa malanza ya yona. Na wu nga se chikela a ntsumi, Elixa i te ngalo ka masingalakati: Langutani a nʼwana wa mudayi, loyi a rumelako a munhu a ku ta nzi tsema a hloko! Langutani! Loku a ntsumi wu chikela, valani livati, mu mu susumeta ha lona. Ma zizwa a zigingi za hosi yakwe yi mu lanzako ke?

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Isaya 25:10

Hakuva a canja ga Jehova gi ta tlhatekiwa hehla ka xitsunga lexi, Kanilezi Moabi i ta kanzihelelwa laha a nga kona, Khwatsi hi byanyi gi kanzihelwako nzhopeni ya wulongo.

2 Tihosi 9:33

Mu hoxeni lahasi! Va lo mu hoxa lahasi, a nkhata wakwe wu phandlukele laha khurisini ni lomu ka mahaxi, yena a mu kanzihela hi mikonzo ya wona.

Valamuli 20:43

Va lo ranzela va ka Benjamini va va hlasela ni ku va kanzihelela wutshanwini legi va nga xuvile ku humula ka gona, kala ku chikela Gibea le Mutsuwuka-gambo.

2 Tihosi 5:18

Kambe Jehova a rivalele a nanza ga wena, loku a hosi ya mina yi enghena lomu ndlwini ka Rimoni a ku ya khizama kona, ni kuva a khegela wokweni ga mina, nzi kala mina nzi khizama lomu ndlwini ya Rimoni; ngha Jehova a rivalele a nanza ga wena loku nzi ya khizama lomu ndlwini ya Rimoni.