2 Tihosi 6:10 - Tshwa Bible

¹⁰ A hosi ya ka Israeli yi lo rumela a vanhu va yona ka wutshamu lego a munhu wa Nungungulu a mu byelileko a kuva a ti wonela. I lo ponisa wutsumbu gakwe, na ku nga hi khati ginwe kutani mambiri.

2 Tihosi 6:10 교차 참조

Maheberu 11:7

Hi kukholwa Noa na a byelilwe hi Nungungulu hi zilo zi nga kala zi nga se woniwa, i lo ingisa, a aka a taru kasi ku hanyisa a nghamu yakwe; hi ku maha lezo i lo kona a tiko, a maha xiga-tshomba ya kululama loku ku nga ka kukholwa. Gen. 6:13; Rom. 3:22

Mitiro 27:24

yiku: U nga chavi, Paule; wena u yimelwe hi ku yima mahlweni ka Kesari; wangabye, Nungungulu i ku nyikile vontlhe lava va fambako zinwe na wena tarwini.

Mateu 3:7

Kanilezi laha na a wona a vanyingi va vaFarisi ni vaSadusi na vata kubapatizeni kakwe, i te ngalo kabye: Pswalo wa tinyoka, mu lulekilwe hi mani ku chava a khulo gi tako ke? Xip. 12:34; Rom. 5:9; 1 Tes. 1:10

Mateu 2:12

Na va layilwe hi Nungungulu hi kulora lezaku va nga hunzi hi ka Herodi, va lu tlhelela tikweni gabye hi yinwani byela; Xip. 1:20

Mavingu 27:12

A munhu a tlharihileko wa wona mhango a fihlala, anilezi a zipumbu ziya mahlweni zi ya xaniseka.

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

2 Tihosi 13:14

Elixa i lo babya a wubabyi legi a ngafa ha gona; Joaxi a hosi ya ka Israeli i lo relela aya kakwe, a rila nghoheni yakwe, aku: Dada, dada! wena u nga tikareta ta ka Israeli ni vakhileli va tona!

2 Tihosi 5:14

Zonake Namani i lo relela a ya ti peta 7 wa zikhati le Jordani, khwatsi hi kuwula ka munhu wa Nungungulu; zonake a nyama yakwe yi lo hola yi fanana ni nyama ya xihlangana, a hlazeka. Lu. 4:27

2 Tihosi 2:12

Elixa i wa kari a mu wona; i loba huwa aku: Dada, dada! Wena u nga tikareta ta ka Israeli ni vakhileli va mahaxi ya kona! A nga ha mu wonangi kambe. Zonake Elixa i lo tlemerela a tinguwo takwe a ti hanzula hi laha xikari.

1 Tihosi 20:15

Zonake Ahabi i lo hloma a malanza ya tinduna ta lomu tikweni; va wa hi 232 wa vavanuna. Anzhako ka lezo i lo hloma gontlhe tiko ga ka Israeli; va wa hi 7,000 wa vavanuna.

2 Tihosi 6:9

Kanilezi a munhu wa Nungungulu i lo ya tivisa a hosi ya ka Israeli, aku: Ti wonele, u nga hunzi hi wutshamu go kari, hakuva a maSiria ma ta relela hi kwalaho.

2 Tihosi 6:11

A hosi ya le Siria yi lo tshingelwa hi kuchava hi zilo lezo, a vitana malanza yakwe, aku ka wona: Hi nga nzi byelani lezaku himani xikari ka hina a yimelako a hosi ya ka Israeli!

Jeremia 11:18

Jehova i nzi tivisile, nzi zi tivile; u nzi kombisile a mitiro yabye.