I lo huma aya hlobyeni, a ya chela munyu lomu matini, aku: Jehova i ngalo: Nzi chumile a mati lawa. Cima ku nga ha ta kuva kona kambe a kufa ka wona, ge hambu kuhulukela.
Elixa i lo suka kakwe a renzelekela lomu ndlwini aya seno ni seno, a kanziha a ti nawula hehla ka nwanana. A nwanana i lo wetshemula 7 wa makhati a hanyanya.
Namani i lo zangara, a suka a famba, na aku: Mina nzi waku i ta huma ata ka mina a ta khongela ka Jehova Nungungulu wakwe, a nzi phuphutela hi canja gakwe, a nzi chuma a hlokonho ya mina.
Zonake Namani i lo relela a ya ti peta 7 wa zikhati le Jordani, khwatsi hi kuwula ka munhu wa Nungungulu; zonake a nyama yakwe yi lo hola yi fanana ni nyama ya xihlangana, a hlazeka. Lu. 4:27
Mosi i lo wuya ka Jetro, a muxade wakwe, a taku ka yena: Nzi vumele nzi tlhela nziya ka vamakabye va mina le Gipite, nzi ya va kamba nzi tiva kuhanya kabye. Jetro aku ka Mosi: Famba hi kurula.
Kasike loku a nguwo, hambu lezi zi swulilweko, kutani lezi zi lukilweko, hambu lezi zi mahilweko hi bhebhe, loku zi hlazilwe, a sakaveti gi sukile ka zona, zi ta hlaziwa ka wumbiri, zonake zi tava zi hlazekile.
Zonake mupristi i ta peta a litiho lakwe la canja ga xinene lomu ka mafura laya ma nga lomu canjeni ga xibhabha, a nwatsekela hi litiho leli li nga ni mafura ntlhanu wa zikhati ni zimbiri mahlweni ka Jehova.
I ta teka a sinya ya sedari, ni woya go pswhuka, ni hisope, ni xinyanyani lexi xi hanyako, a zi peta lomu ka nkhata wa xinyanyani lexi xi tlhabyilweko, ni lomu ka mati laya ma hlazekileko, zonake a nwatsekela a yindlu ntlhanu wa zikhati ni zimbiri.
Zonake i ta nwatsekela ha zona a ntlhanu wa zikhati ni zimbiri hehla ka munhu loye a faneleko ku basiswa a hlokonho, a mu byela lezaku u basisilwe, zonake a tsika a xinyanyani lexi xi hanyako xi puruma xi famba khwatini.
Zonake i ta teka a nkhata wa nkuzi hi litiho lakwe a nwatsekela ha wona hehla ka xitshamu xa wuxinji, hi le Mutsuwuka-gambo; a nwatsekela ha wona ntlhanu wa zikhati ni zimbiri hi litiho, mahlweni ka xitshamu xa wuxinji. Maheb. 10:4
Zonake i ta gi nwatsekela hi nkhata hi litiho ntlhanu wa zikhati ni zimbiri; a gi maha gi hlazeka ni ku gi basisa hi kota ya kungahlazeki ka vanana va ka Israeli.
A munhu loyi a hlazekileko i ta nwatsekela a munhu loyi a nyenyezileko hi siku ga wunharu, ni siku ga wuntlhanu ni mambiri. Zonake i ta hlaza tinguwo takwe, a hlamba lomu matini, laha gambyeni i tava a hlazekile.
Mupristi Eliazare i ta teka a nkhata wa homu hi litiho lakwe a nwatsekela ha wona ntlhanu wa zikhati ni zimbiri matlhelweni ya nyangwa ya tenda ga mutlhangano.
Hakuva a ngelosi yi wa relela hi zikhati zo kari, yi ta vindlukisa a mati ya lomu xitivaneni; zonake loyi a nga ranga a enghena matini loku mati ma vindlusilwe, i wa hanyiswa hi gihi wubabyi legi a nga hi nago.
Aku ngalo ka xona: Famba u ya hlamba xitivaneni xa Siloami (hi kutlhamuselwa ku ngalo, Kurumiwa). Yena i lo famba a ya hlamba, a wuya na a wona. Neh. 3:15
A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22
A 7 wa vapristi va ta famba mahlweni ka nghaxa na va rwele 7 wa mipunzu yi vumako, hi siku ga wu 7 mu ta renzelekela a muti 7 wa zikhati, a vapristi na vaba mipunzu.
