2 Tihosi 4:13 - Tshwa Bible

¹³ Elixa i te ngalo ka Gehazi: Mu byele, uku: U hi amukele khwatsi; makunu xini nzi ta nga ku vuna ha xona ke? Xana u lava a kuva u wulawuliwa le hosini, kutani ka nduna ya yimpi ke? Yena aku: Mina nzi akile xikari ka vanhu va ka hina.

2 Tihosi 4:13 교차 참조

Genesisi 14:24

Saseka zalezi zi gilweko hi majaha, ni za ku nyika a vanhu lava va nga famba zinwe na mina; Aneri, na Exkole, na Mamre; lavo a va teke a xiavelo xabye.

2 Samueli 19:13

Mu ta ku ngalo ka Amasa: Kasi wena aku marambu ya mina ni nyama ya mina ke? Nungungulu a nzi tsayise makunu ni ku engetela, loku wena u nga yimisiwi a kuva nduna ya yimpi mahlweni ka mina kala kupinzuka wutshanwini ga Joabe.

1 Tihosi 2:32

Jehova i ta tlhelisela hlokweni yakwe a nkhata wakwe yena nwinyi, hakuva i dele a vavanuna vambiri va lulamileko ku hunza yena, a va daya hi tlhari na dadani wa mina Davida a nga zi tivi-—ku nga Abneri wa Neri, a nduna ya yimpi ya ka Israeli, na Amasa wa Jetera, a nduna ya yimpi ya ka Juda.

2 Tihosi 4:12

1 te ngalo ka nanza gakwe Gehazi: Vitana wasati loyi wa muXuname. I lo ya mu vitana; a wasati a ta yima mahlweni kakwe.

2 Tihosi 4:14

Elixa aku: Hi ta mu mahela yini ke? Gehazi i lo hlamula, aku: Hakunene, yena a nga na nʼwana, ni nuna wakwe i khosahele.

2 Tihosi 8:1

Makunu Elixa i wa tivisile a wasati loyi a nga mu hanyisela a nʼwana wakwe, aku: Suka ni ngango wa wena u ya luvela lomu u ta nga ku kuma, hakuva Jehova i vitanile a ndlala lomu tikweni; yi tava kona 7 wa malembe. Rute 1:1; 2 Tih. 4:33

2 Tihosi 9:5

A xikhati a nga chikela i lo kuma a tinduna timbiri ta yimpi na ti tshamile, aku: Nzi na ni mahungu nzi ma nehako ka wena hosi! Jehu i lo hlamula, aku: U wula mani xikari ka hina laha? Yena aku: Nzi wula wena hosi.

Tisimu 37:3

Tsumba Jehova, u maha kusaseka; Lezo u ta aka tikweni, u tsumbeka.

Va le Roma 16:2

lezaku mu mu amukela Hosini kota lezi zi faneleko vobasa, ni kuya mu mu vuna ka zontlhe lezi a ta nga zi lava ka nwina; hakuva yenawu i vunetele vanyingi, na minawu kambe. Fil. 2:29; 3 Joh. 5:6

Va le Roma 16:6

Rungulani Maria, loyi a nga tira nguvu xikari ka nwina. 1 Tim. 5:10

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3