2 Tihosi 3:23 - Tshwa Bible

²³ Vona va te ngalo: Lowu i nkhata! A tihosi ti dayene, ti hlaselene ha toce! Makunu nwina vaMoabi, a hi yeni hi ya phanga!

2 Tihosi 3:23 교차 참조

2 Tihosi 3:22

Va lo suka ni mixo laha a gambo na ga ha hatima hehla ka mati, a vaMoabi va lo wona a mati yo pswhuka khwatsi i mati ya nkhata mahlweni kabye.

2 Tihosi 3:24

Laha va nga wa chikele lomu wugovelweni ga va ka Israeli, a va ka Israeli va lo suka valwa ni vaMoabi, a vaMoabi va lo tsutsuma mahlweni kabye. A va ka Israeli va lo enghena lomu tikweni gabye va hlasela a vaMoabi.

2 Tihosi 7:6

Hakuva Jehova i wa zwatisile le wugovelweni ga maSiria a guwa ga tikareta, ni ga mahaxi, ni ga yimpi ya hombe; zonake vaku ka munwe ni munwani: A hosi ya ka Israeli yi hi rambele a tihosi ta vaHiti ni ta vaGipite a ku ta hi hlasela. Isa. 13:4

2 Kronekele 20:25

A xikhati lexi Jehoxafate ni vanhu vakwe va ngata ku ta phanga, va lo ta kuma xikari ka zirumbi a titshomba tinyingi ni zilo za lisima; va lo zi teka na zi tele va tlhela va tsanzeka ni ku zi rwala. Va lo phanga titshomba hi masiku manharu hakuva ti wa tele nguvu.

Eksodusi 15:9

A nala ite: Nzi ta tsutsumisa, nzi khoma, nzi phanga. A muhefemulo wa mina wu ta xuriswa ha vona; Nzi ta hlomula a tlhari ga mina, nzi va daya.

Isaya 10:14

A canja ga mina gi thumbile a titshomba ta matiko khwatsi hi loku ku thumbiwa zisaka, Nzi wungeletela a misava yontlhe Ko fana ni ku wungeletela a manza ma tsikilweko; Ku wa nga hi kona ni munwe a nga tshambuluta tipapa, Kutani ku vulula nomu, kutani ku keta.

Valamuli 5:30

Ina hambu vona a va lo kuma muphango va avelana? A wanuna munwe ni munwani a nga nyikwangi a nhwana kutani vanhwana vambiri ke? Sisera a ngava a nyikilwe tinguwo ta mivala yi hambeneko, A muphango wa tinguwo ta mavalavala ti komelweko, A tinguwo ta mivala yi lukelweko matlhelo mambiri, to bombisa a nhamu ya muhluli.