2 Tihosi 24:2 - Tshwa Bible

² Jehova i lo rumela a mabutho ya maKaldea, ni ya maSiria, ni ya vaMoabi, ni ya vanana va ka Amoni a ku yalwa na Jehoiakimu; i lo ma rumela a ku ya hlasela va ka Juda, khwatsi hi lezi Jehova a wulileko hi nomu wa malanza yakwe, a vaprofeti.

2 Tihosi 24:2 교차 참조

2 Tihosi 20:17

Languta a masiku mata lawa zontlhe lezi zi nga lomu ndlwini ya wena ni zontlhe lezi a vararu va wena va hlengeleteleko kala nyamutlha zi ta nga yisiwa Babuloni, ku nga sali ni nchumu, ku wula Jehova.

2 Tihosi 22:16

Nzi ta neha a khombo ka legi wutshamu ni hehla ka vanhu va gona, ti nga tona a timhaka tontlhe ta bhuku legi a hosi ya ka Juda yi gi gonzileko.

2 Tihosi 23:27

Hakuva Jehova i waku: Yenawu Juda nzi ta mu susa mahlweni ka mina, khwatsi hi lezi nzi susileko Israeli, nzi hoxa a muti lowu nzi wu hlawuleko, a muti wa Jerusalema, ni yindlu leyi nzi nga wa te ngalo: A vito ga mina gi ta tshama ka yona.

2 Tihosi 6:23

A hosi ya ka Israeli yi lo va mahela a kuga ko tala, yaga vanwa, a salisana navo, va tlhela va ti fambela ka hosi yabye. A mabutho ya maSiria a ma ha engetangi kambe mata lomu tikweni ga ka Israeli.

2 Kronekele 33:11

Hikwalaho Jehova i lo va nehela vanhu va ta va vukela, ti nga tinduna ta tiyimpi ta hosi ya Assiria, ti ta khoma Manasa, ti mu boha hi mangenje ya suku, va mu yisa le Babuloni. Deut. 28:36; 2 Tih. 20:17

Joba 1:17

Laha na a ha wulawula ku lota kambe wunwani, wu taku: A maKaldea ma ti avanyisile hi mintlawa minharu, va wela hehla ka makameli, va ma teka, va daya varisi hi tisupado; ku lo pona mina nzoce nzi ku byelako.

Isaya 13:5

Va huma tikweni ga le kule, a magemeta-musi ya tilo; Hi Jehova ni matlhari ya zanga yakwe a tako ku ta lovisa tiko gontlhe.

Isaya 28:19

Zikhati zontlhe loku a ntalo wu hunza wu ta mu khoma, Hakuva mixo ni mixo wu ta hunza, hlikanhi ni wusiku; Mu ta gonza hi ku dzukiswa ntsena.

Isaya 7:17

Jehova i ta neha hehla ka wena, ni vanhu va wena, ni hehla ka yindlu ya raru wa wena a masiku lawo ma kalako ma nga se kuta kusukela siku lego Efraime a nga hambana na Juda: yona hosi ya le Assiria.

Jeremia 12:9

Xana a tshomba ya mina yi ka mina kukotisa a makoti ya mivalavala? Loku zi hi tano a makoti ma ta yi vukela hi matlhelo wontihe. Yanani, mu ya tsombanyisa zontlhe zihari za khwati, zi ta yi khadamula.

Jeremia 25:1

A gezu legi gi ngata ka Jeremia xungetano hi vanhu va ka Juda hi lembe ga wumune ga kufuma ka Jehoiakimu, a nʼwana Josia, hosi ya ka Juda, gi nga hi lembe go ranga ga kufuma ka Nebukadrezzare, hosi ya Babuloni;

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 26:20

Kambe ku wa hi kona munwani munhu loyi a nga profeta vitweni ga Jehova, i wa hi Uria, nʼwana Xemaia, wa le Kiriat-Jearimu, a wihi a nga profeta a vukela muti lowu ni tiko legi, a ku ringana ni tontlhe a timhaka ta Jeremia.

Jeremia 26:6

mina nzi ta maha leyi yindlu kota Xilo, ni muti lowu nzi ta wu maha xiruko ka tontlhe tixaka ta misava.

Jeremia 32:28

Hikwalaho Jehova i ngalo: Languta, nzi ta nyikela lowu muti a mandleni ya maKaldea, ni canjeni ga Nebukadrezzare hosi ya Babuloni, i ta wu teka.

Jeremia 35:11

Kanilezi, kute loku Nebukadrezzare hosi ya Babuloni a hlasela tiko legi, hite: Tanani, hiya Jerusalema, hi suka mahlweni ka tiyimpi ta maKaldea ni ta maSiria; hikwalaho hi lo ta aka Jerusalema.

Jeremia 52:28

A tsengo wa vanhu lava Nebukadrezzare a nga va khoma a va yisa wukhumbini hi lowu: Hi lembe ga wuntlhanu ni mambiri, 3,023 wa vaJuda;

Mikosi 1:17

Zioni i nawulutile a mawoko yakwe, a nga kona a mu chavelelako; Jehova i leletela a valala va Jakobe lezaku va mu renzelekela xikari; Jerusalema i hunzukile manyalataniso ka vona.

Ezekieli 19:8

Zonake a matiko wontihe ma yi ranzeleko ma lo yi vukela, Ma yi vekela maziyo, yi phasiwa lomu rinzini gabye.

Ezekieli 23:23

a maBabuloni, ni maKaldea wontihe, Pekode na Xoa na Koa, ni wontihe maAssiria, a majaha ma hlawulekako, a vafumeli ni vatongi vontlhe, a tihosana ni vanhu va dumileko, vontlhe na va khilele mahaxi.

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Habakuka 1:6

Hakuva nzi ta vuxa a maKaldea, a tiko go leva ga tihanyi, legi gi tsemakanyako a misava yontlhe, kasi ku ya teka a wuakelo legi gi nga hiko gabye.