Biblia Todo Logo
온라인 성경

- 광고 -




2 Tihosi 23:3 - Tshwa Bible

3 A hosi yi lo yima hi laha nyangweni yi maha xivumelwano mahlweni ka Jehova lezaku i ta lanzela Jehova, a hlayisa milayo yakwe, ni timhaka takwe, ni zileletelo zakwe hi mbilu yakwe yontlhe, ni muhefemulo wakwe wontihe, ni kutiyisa ka timhaka ta xivumelwano lexi, leti ti tsalilweko lomu bhukwini legi. A vanhu vontlhe va lo ti boha xivumelwaneni lexo. Jox. 24:25

장을 참조하십시오 복사




2 Tihosi 23:3
36 교차 참조  

I lo lunguza a wona a hosi na yi yimile laha wutshanwini gi tlakukileko, khwatsi hi nayo wa kona, a tinduna ni vabi va mipunzu na va yimile hi laha hosini, a vanhu vontlhe va tiko na va tsaka, vaba mipunzu. Zonake Atalia i lo hanzula a tinguwo takwe, aba huwa, aku: Mahlevo, mahlevo!


Jehoiada i lo maha xivumelwano xikari ka Jehova ni hosi ni vanhu, lezaku vona va tava vanhu va Jehova, a maha kambe xikari ka hosi ni vanhu.


Vontlhe vaJuda va lo tsaka hi xifungo xabye, hakuva va lo hlambanya hi timbilu tabye tontlhe, va hlota Jehova hi kuxuva kabye, va mu kuma. Jehova i lo va nyika kuhumula ka wontihe matlhelo yabye.


I lo wona a hosi na yi yimile wutshanwini ga yona hi laha nyangweni, a tinduna ni vabi va mipunzu na va hi laha hosini; vontlhe vanhu va tiko va wa hi kutsakeni, na vaba mipunzu. A vayimbeleli kambe va wa hi ni timbila, va yimbelela tisimu ta kubonga. Zonake Atalia i lo hanzula a tinguwo takwe, aku: Kuhluwuka! Kuhluwuka!


Jehoiada i lo maha xivumelwano xikari kakwe ni vanhu ni hosi, lezaku vona va tava vanhu va Jehova.


Makunu mina nzi xuva ku maha xivumelwano na Jehova, Nungungulu wa ka Israeli, kasi a zanga yakwe yo chaviseka ya suka ka hina.


Makunu a hi maheni xivumelwano ni Nungungulu wa hina a kuva hi va tlhelisa vontlhe vasati lava, ni vanana lava va belekilweko hi vona, khwatsi hi lezi a hosi ya mina yi wulileko, ni lava va rurumeliswako hi milayo ya Nungungulu wa hina, a ku mahiwe hi nayo.


Lava va nga tiyisa xifungo hi hosi ya kona Nehemia nʼwana Hakalia, na Zedekia;


Ni kambe nzi lo zuza a tinguwo ta mina, nziku: Nungungulu ngha a zuzisa lezo a yindlu ya munhu ni munhu, ni ntiro wakwe, a hoxiwa kule nazo loyi a nga tatisiko a xifungo lexi. Ngha a zuziswa zalezo, a halatiwa. A hlengeletano yontlhe yiku: Amen! Va lo dumisa Jehova va maha khwatsi hi lezi va nga wa hlambanyile.


Hikwalaho ka zontlhe lezo, ha maha xivumelwano xi tiyileko, hi ku xi tsala; a tihosana ta hina, ni vaLevi va hina, ni vapristi va hina va xi tiyisa.


Zinghaho Mosi i loya byela a vanhu tontlhe timhaka ta Jehova, ni zileletelo zontlhe. Zonake a vanhu va lo hlamula hi gezu ginwe, vaku: A timhaka tontlhe leti ti wulilweko hi Jehova, hi ta ti maha.


Nziku: Hlayisa a zileletelo za hosi, Hi kota ya xifungo xa wena ka Nungungulu. Mat. 22:21; 1 Ped. 2:17


Makunu mu wa hunzulukile, mu maha lezi zi lulamileko mahlweni ka mina, hi kuba hungu hi kutlhatlheka munwe ni munwani ka muakelwane wakwe; mu wa mahile a xivumelwano zinwe na mina lomu ndlwini leyi yi vitwako hi vito ga mina.


Leyi hi mhaka ya Jehova yi ngata ka Jeremia anzhako na hosi Zedekia a mahile a xivumelwano ni vontlhe vanhu va nga hi Jerusalema, lezaku vaba hungu ga kutlhatlheka;


Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17


Va ta wutisa ha Zioni, a tinghohe tabye na ti cuwuka kona, vaku: Tanani mu ta boha zinwe na Jehova a xivumelwano xa pinzukelwa lexi xi to kala xi nga rivaliwi.


Makunu-ke Israeli, Jehova Nungungulu wa wena i lava yini ka wena ke? A hi lezaku u mu chava Jehova Nungungulu wa wena, u famba hi tontlhe tindlela takwe, u mu ranza, u tirela Jehova Nungungulu wa wena hi mbilu yontlhe ya wena, ni muhefemulo wontihe wa wena;


Loku nwina mu ingisa khwatsi a milayo ya mina leyi nzi mu leletelako inyamutlha, mu ranza Jehova Nungungulu wa nwina, mu mu khozela hi timbilu tontlhe ta nwina, ni mihefemulo yontlhe ya nwina,


Nwina mu ta lanzela Jehova Nungungulu wa nwina; mu nyika xichawo ka yena mu hlayisa milayo yakwe, mu ingisa a gezu gakwe; mu mu khozela, ni ku namarela ka yena.


Leti hi timhaka ta xivumelwano lexi Jehova a nga leletela Mosi a ku maha zinwe ni vanana va ka Israeli le tikweni ga Moabi, ahandle ka xivumelwano lexi a nga xi maha zinwe navo le Horebe.


legi hi wumboni ni milayo ni zileletelo, lezi Mosi a nga nyika ka vanana va ka Israeli na va humile le Gipite,


Makunu lowu hi wona a nayo ni timhaka ni zileletelo lezi Jehova Nungungulu wa nwina a leleteleko ku mu gonzisa zona, kasi mu zi maha a tikweni legi mu ta nga ya enghena ka gona mu gi fumela;


U ta ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, ni ntamu wontihe wa wena. Lu. 10:27


Ku taku laha u ta nga rivala Jehova Nungungulu wa wena, u lanzela vanwani vanungungulu u va tirela, ni ku khizama mahlweni ka vona, nza tiyisa hakunene mahlweni ka nwina inyamutlha lezaku mu ta lova futsi.


ni ka Jesu a mutlhanganyisi wa xivumelwano xiswa, ni ka nkhata wa kunwatsekela, lowu wu wulako a timhaka ti nene to hunza a wa Abeli. Ekso. 24:8


Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33


우리를 팔로우하세요:

광고


광고