2 Tihosi 21:4 - Tshwa Bible

⁴ I lo aka a alati lomu ndlwini ga Jehova, lomu Jehova a nga wa te ngalo: Nzi ta veka a vito ga mina le Jerusalema. Deut. 12:5; 1 Tih. 8:29

2 Tihosi 21:4 교차 참조

2 Samueli 7:13

Yena i ta akela vito ga mina a yindlu, minawu nzi ta yimisa xitshamu xakwe xa wukosi xa mufumo wakwe kala kupinzuka.

1 Tihosi 8:29

A mahlo ya wena a ma cuwuke ka yindlu leyi wusiku ni hlikanhi, ni wutshamu legi u nga gi wula, uku; A vito ga mina gi tava kona, kasi ku ingisa a mukhongelo lowu a nanza ga wena gi wu khongelako wutshanwini legi. Ekso. 20:24; Deut. 12:11

1 Tihosi 9:3

Jehova i te ngalo kakwe: Nzi zwile a mukhongelo wa wena ni kukombela loku u ku kombelileko mahlweni ka mina. Mina nzi basisile a yindlu leyi u yi akileko, a kuva yi lumba a vito ga mina kala kupinzuka; a mahlo ya mina ni mbilu ya mina zi tava kona kala kupinzuka. Deut. 12:11; Tis. 132:14

2 Tihosi 23:12

I lo khungumulela a maalati lawa ma nga wa hi le hehla ka yindlu yi tlakukileko ya Ahaza, lawa ma akilweko hi tihosi ta ka Juda, ni maalati lawa Manasa a nga wa akile ka tihubye timbiri ta yindlu ya Jehova; a hosi yi lo ma hahlula yi ma hoxa lahasi, yi ya halata a tsutsungwani wa kona le xicongwaneni xa Kidroni.

2 Tihosi 23:27

Hakuva Jehova i waku: Yenawu Juda nzi ta mu susa mahlweni ka mina, khwatsi hi lezi nzi susileko Israeli, nzi hoxa a muti lowu nzi wu hlawuleko, a muti wa Jerusalema, ni yindlu leyi nzi nga wa te ngalo: A vito ga mina gi ta tshama ka yona.

2 Kronekele 6:5

Kusukela siku lego nzi nga humesa a vanhu va mina le tikweni ga le Gipite, cima a nzi hlawulangi a muti lomu xikari ka tinyangwa ta ka Israeli a kuva ku akiwa kona a yindlu kasi ku tshama lomo a vito ga mina, ni kambe cima a nzi hlawulangi munhu a kuva hosi ya vanhu va mina, a va ka Israeli. 2 Sam. 7:6

2 Kronekele 6:6

Kanilezi makunu nzi hlawule a Jerusalema lezaku kasi a vito ga mina gi fela ku tshama lomo, nzi hlawula Davida a kuva a fuma hehla ka vanhu va mina, a va ka Israeli.

Eksodusi 20:24

U ta nzi akela a alati ga misava, laho u ta nga phahlela kona a miphahlo ya wena ya kuhiswa ni ya kukhesa, ni timhamba ta wena ta tiyivu ni ta tihomu. Kontlhe lomu nzi ta nga veka xialakanyiso xa vito ga mina, nzi tata ka wena nzi ta ku katekisa.

Jeremia 32:31

Hakuva lowu muti wu vindlusile a zanga ya mina ni xiviti xa mina a kusukela a siku lego va nga wu aka kala nyamutlha lezi; kasi nza fela ku wu susa mahlweni ka mina,

Jeremia 32:34

Kanilezi va yimisile a manyala yabye a ndlwini leyi yi vitwako hi vito ga mina, va yi nyenyezisa. 2 Tih. 21:4; Jer. 7:30

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Jeremia 7:30

Hakuva a vanana va ka Juda va mahile kubiha a mahlweni ka mina, ku wula Jehova; va enghenisile a manyalataniso yabye lomu ndlwini yi vitanwako hi vito ga mina, va yi nyenyezisa.

Ezekieli 23:38

Tlhatakumbiri va nyenyezisile a yindlu ya mina yo basa, va nyenyezisa ni masabado ya mina,

Ezekieli 23:39

hakuva a siku gwalego va nga wa dayele zifananiso a vana vabye, va lota ndlwini ya mina yo basa va ta yi nyenyezisa; hizalezo va nga mahisa zona ndlwini ya mina.

Deuteronome 12:5

Kanilezi a wutshamu lego Jehova Nungungulu wa nwina a ta nga gi hlawula xikari ka tontlhe tinyangwa ta nwina a ku veka a vito gakwe laho, hi kwalaho ku ta ngava wutshamu ga yindlu yakwe; na nwina mu ta mu lavisisa laho, mu khiringela kuya kona. 1 Tih. 8:29; 2 Kro. 7:12, 16