1 Masikwini walawo Hezekia i wa babya ga mahati. Muprofeti Isaya nʼwana Amozi i lota kakwe, a taku: Jehova i ngalo: Longisela a zilo za yindlu ya wena, hakuva u tafa, u nga ta hanya. Isa. 38:1
Makunu laha Ahitofeli a nga wona lezaku a xikungo xakwe a xi lanzelangi, i lo gabhatsela a mbongola yakwe, a suka aya mutini wakwe. Laha na leletele timhaka ta laha ngangweni wakwe, i lo ya ti sunga afa, a lahliwa xilahleni xa raru wakwe.
Zonake Elija i te ngalo ka yona: Jehova i ngalo: U kala u ruma mitsumi yi ya wutisa ka Baali-Zebuba a nungungulu wa le Ekroni, kasi lomu tikweni ga ka Israeli a ku na Nungungulu wa kuva u wutisa hi vito gakwe ke? Hikwalaho cima u nga ta vuka ka legi sango u etleleko ka gona, u tafa.
I lo ruma Eliakimu, a nduna ya yindlu ya hosi, na Xebna a matsalani ni masingalakati ya vapristi, vaya ka muprofeti Isaya nʼwana Amozi, na va fenengele tinguwo ta tisakwa.
Zonake Isaya nʼwana Amozi i lo rumela a mhaka ka Hezekia, aku: Jehova Nungungulu wa ka Israeli i ngalo: Nzi zwile mukhongelo wa wena xungetano na Senakeribe a hosi ya Asiria.
Jehova i te ngalo ka Mosi: A masiku ya wena ya kufa ma tshinele kusuhani! Vitana Joxua, uta naye lomu ka tenda ga mutlhangano, nzi ta ta mu wumbela lomo. Zonake Mosi na Joxua va lo ya yima lomu ka tenda ga mutlhangano.
Jehova i te ngalo ka Mosi: Wena U ta etlela zinwe ni vararu va wena; kanilezi lava vanhu va ta ya hlakana hi wuoswi ni vanwani vanungungulu va tiko lego va yako ka gona; va ta nzi tsika va hambunyeta xivumelwano lexi nzi mahileko zinwe na vona.
Kunene i wa babya a nghumbe ya mahati; kanilezi Nungungulu i lo mu mahela wuxinji, na ku nga hi ka yena yece, kanilezi ni ka mina kambe, kasi nzi nga engetelwi kuxaniseka hlomulweni wa mina.
Hakuva i wa hi kusuhani ni kufa hi kota ya ntiro wa Kristu, a nyikela wutomi gakwe mhangweni kasi ku ta nzi nyika lezi zi nga kiyela a ku nzi khozeleni ka nwina. 1 Kor. 16:17; Xip. 4:10
