Biblia Todo Logo
온라인 성경

- 광고 -




2 Tihosi 19:4 - Tshwa Bible

4 Kutani Jehova Nungungulu wa wena i zwile tontlhe timhaka ta Rabxeka, leti a rumilweko hi nwinyi wakwe a hosi ya le Asiria, a ku ta rukatela Nungungulu loyi a hanyako; kutani Jehova Nungungulu wa wena i ta kawuka a timhaka leti a ti zwileko, na wena u ta maha mukombelo hi kota ya vanhu lava va seleko.

장을 참조하십시오 복사




2 Tihosi 19:4
34 교차 참조  

Abrahama i lo chula a vito ga wutshamu lego ku Jehova-Jire: kota lezi ka ha wulwako ni nyamutlha, xitsungeni lexi Jehova a wonekako kona.


Kutani Jehova i ta cuwuka kuxaniseka ka mina, zonake a nzi nyika kurula hi kota ya kurukatela kakwe ka nyamutlha.


Hi lembe ga wu 14 ga kufuma ka Hezekia ku lota Senakeribe a hosi ya le Asiria; i lo kanziha ku ta hlasela a miti yontlhe ya makhokhola ya ka Juda, a yi teka. Isa. 36:1


Jehova, phuhunha a ndleve ya wena, uzwa! Jehova, vulula a mahlo ya wena u cuwuka; uzwa a timhaka ta Senakeribe, leti a ti rumeleko ku ta rukatela a Nungungulu loyi a hanyako.


Himani u mu rukateleko? Himani u mu tseketseleko? U tlakusele mani a gezu ga wena ni mahlo ya wena le hehla ke? A kulwa ni wa ku Basa wa ka Israeli.


U tlangamele Hosi hi mitsumi ya wena, uku: Nzi kanzihile hehla ka zitsunga ni wunyingi ga tikareta ta mina, nzi enghena xikari ka Lebanoni; nzi lo tsema tisinya ta kona to leha ta tisedare, ni leti to saseka ta nkuwu. Zonake nzi lo enghena lomu wutshanwini gakwe ga magumo, ni lomu mihanzweni yakwe yo saseka nguvu!


Va yaku kakwe: Hezekia i ngalo: Legi siku i siku ga hlomulo, ni ga kukawukwa, ni ga tingana, hakuva a vanana va lava ku huma lomu nzeni, kanilezi a ntamu wa ku pswala wu hava. Hos. 13:13


Kasike a misalela ya yindlu ya ka Juda leyi yi ta nga pona, yi ta tlhava mitsu lahasi, yi chela mihanzu le hehla.


Hakuva le Jerusalema yi ta huma misalela, le xitsungeni xa Zioni ku huma lava va ta nga pona. Lezo zi ta maheka hi kupangama ka Jehova.


A malanza ya hosi Hezekia ma loya ka Isaya.


Kanilezi hosi Hezekia i lo khongela hi kota ya timhaka leti, zinwe na muprofeti Isaya, va lo vitana le tilweni.


Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7


Lezi zilo u zi mahile, kanilezi mina nzi lo rutisa, U kala u alakanya lezaku mina nzi fana na wena. Kasike nzi ta ku laya, nzi xaxameta zontlhe mahlweni ka wena.


Jehova, alakanya lezaku a nala i ku rukatele, Ni tiko ga zipumbu gi kanyisile a vito ga wena.


Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29


Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.


A nzhwalo wa Jehova mu nga ta ha wu kumbuka kambe; hakuva a mhaka ya munwe ni munwani yi tava nzhwalo wakwe; kota lezi mu soholotileko a timhaka ta Nungungulu a hanyako, ta Jehova wa tiyimpi a Nungungulu wa hina.


Vitana ka mina, nzi ta ku hlamula, nzi ku komba zilo za hombe, leʼzi fihlilweko lezi u nga zi tiviko.


aku kabye: Jehova a Nungungulu wa Israeli, loyi mu nzi rumileko kakwe a ku ya veka a xikombelo xa nwina mahlweni kakwe, i ngalo:


Hosi Jehova i ngalo: Tlhatakumbiri, nza ha ta labyiwa hi yindlu ya ka Israeli a kuva nzi va mahela zona. Nzi ta enzelekisa a vanhu lezaku va fanana ni mitlhambi.


Hizalezo ni ka lexi xikhati, yi kona a misalela yi hlawulilweko hi tipswalo. Xip. 9:27


Na Isaya iba hungu ha Israeli, aku: Hambu loku a tsengo wa vanana va Israeli wuku khwatsi i seke ga bimbi, misalela basi yi ta nga hanyiswa. Isa. 10:22


Hakuva Jehova i ta yimela vanhu vakwe, Ni kambe i ta hawukela malanza yakwe, Laha a ta nga wona lezaku a ntamu wabye wu mbhelile. Ni lezaku ku nga ta sala ni munwe wa vona. 1 Tih. 14:10; 2 Tih. 14:26


Makunu nzi nyike a tiko ga xitsunga legi Jehova a nga gi wula lego siku; hakuva u zi zwile ha wece gwalego siku, lezaku va ka Anake va kona, ni miti ya hombe leyi yi bhiyelweko. Kutani Jehova i tava zinwe na mina, nzi va hlongola, khwatsi hi lezi Jehova a wulileko.


Zonake Joxua aku: Inyamutlha mu ta zi tiva lezaku i kona Nungungulu a hanyako xikari ka nwina, ni lezaku futsi i ta panzanya mahlweni ka nwina a vaKanani, ni vaHiti, ni vaHivi, ni vaPerezi, ni vaGirgaxi, ni vaAmori, ni vajebusi.


Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.


A muFilistia aku ngalo: Inyamutlha mina nza kanyisa a yimpi ya ka Israeli! Nzi nyikeni a nhenha nzi talwa nayo laha!


Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?


Davida aku ka muFilistia: Wena uta ka mina ni supado, ni tlhari, ni hubhula, kanilezi mina nzita ka wena hi vito ga Jehova wa tiyimpi, ni ga Nungungulu wa tiyimpi ta ka Israeli leti wena u ti tlangamelako:


우리를 팔로우하세요:

광고


광고