2 Tihosi 18:4 - Tshwa Bible

⁴ I lo susa a matshamu ma tlakukileko, a fayetela a zifananiso, a khungumulela a zifananiso za Axtarte, a fayetela ni nyoka ya suku leyi yi nga wa mahilwe hi Mosi; hakuva kala masikwini lawo a vanana va ka Israeli va wa hisa tibani mahlweni ka yona; yena i lo yi chula vito ga Nehuxtani. Ekso. 34:13; Mitse. 21:9; Deut. 7:5

2 Tihosi 18:4 교차 참조

1 Tihosi 22:43

I lo famba hi tindlela ta raru wakwe Asa; a nga hambukangi aya tlhelweni, kanilezi i lo maha lezi zi lulamileko mahlweni ka Jehova. Ntsena lezaku a tiyindlu ta lomu zitsungeni ti wa nga khungumulwangi. A vanhu va lo simama va hisa tibani lomu zitsungeni.

2 Tihosi 10:26

Va lo humesela zifananiso lomu ndlwini ya Baali va zi hisa.

2 Tihosi 11:18

A vanhu vontlhe va tiko va loya ndlwini ya Baali va ya yi khungumulela, va fayetela maalati yakwe, ni zifananiso zakwe, va daya Matani a mupristi wa Baali mahlweni ka maalati. Zonake a mupristi i lo yimisa a vahlayisi va yindlu ya Jehova.

2 Tihosi 12:3

Hambu lezo, a matshamu ma tlakukileko a ma susiwangi; a vanhu va lo simama ku ya maha miphahlelo ni ku hisa tibani lomu matshanwini ma tlakukileko.

2 Tihosi 14:4

Hambu lezo, a matshamu yo tlakuka a ma susiwangi; a vanhu va lo simamisa va hisa tibani lomu matshanwini ma tlakukileko.

2 Tihosi 15:35

Ntsena lezaku a matshamu ma tlakukileko a ma susiwangi. A vanhu va lo simamisa va nyikela miphahlelo ni ku hisa tibani lomu matshanwini ma tlakukileko. I lo aka a nyangwa ya le hehla ya yindlu ya Jehova.

2 Tihosi 15:4

Ntsena lezaku a matshamu ma tlakukileko a ma susiwangi; a vanhu va lo simamisa va nyikela miphahlelo ni ku hisa tibani lomu matshanwini ma tlakukileko.

2 Tihosi 16:15

Hosi Ahaza i lo leletela mupristi, aku: U ta hisela laha ka alati legi ga hombe a munyikelo wa kuhiswa wa laha mixweni ni muphahlelo wa laha gambyeni, ni munyikelo wa kuhiswa wa hosi, ni munyikelo wa kuhiswa wa vanhu vontlhe va tiko, ni zakunwa zabye. U ta nwatsekela kwalaho a nkhata wontihe wa munyikelo wa kuhiswa; kasike a alati legi ga suku nza ha ta alakanyela ha gona.

2 Tihosi 18:22

Loku nwina muku ka mina: Hi tsumba Jehova Nungungulu wa hina! a hi yena loyi Hezekia a khungumuleleko a matshamu yakwe ma tlhakukileko ni maalati, lawa a ngaku ka Juda ni ka Jerusalema: Mu ta khozele mahlweni ka alati legi gi nga le Jerusalema ke?

2 Tihosi 21:3

I lo aketa a matshamu ma tlakukileko lawa ma nga wa khungumulwe hi raru wakwe Hezekia, a aketa ni alati ga Baali, a maha xifananiso xa Axtarte, khwatsi hi lezi a nga wa mahile Ahabi a hosi ya ka Israeli; i lo khizamela wontihe mabandla ya tilo a ma khozela.

2 Tihosi 23:14

I lo fayetela a zifananiso, a tsemelela ni zifananiso za Axtarte, a tata wutshamu ga zona hi marambu ya vanhu. Ekso. 34:13; Deut. 7:5

2 Tihosi 23:4

A hosi yi lo leletela mupristi wa hombe Hilkia, ni vapristi va tsongwani, ni vahlayisi va nyangwa a ku humesa lomu tempeleni ya Jehova zontlhe lezi zi mahelweko Baali na Axtarte, ni handla gontlhe ga tilo, a zi hisa lahandle ka Jerusalema, le koveni wa Kidroni, a yisa a khuma ga kona le Beteli.

2 Kronekele 19:3

Hambu lezo zi kona zilo zo saseka zi kumilweko ka wena, hakuva wena u susile a zifananiso za Axtarte lomu tikweni, u hlota Nungungulu hi mbilu yontlhe ya wena.

2 Kronekele 31:1

Makunu laha zontlhe lezi zi nga wa mbhetekile, vontlhe va ka Israeli lava va nga wa hi kona va lo suka vaya mitini ya va ka Juda va ya fayetela zifananiso, va tsema matshamu ya zifananiso za Axtarte, va khungumula matshamu ma tlakukileko ni maalati tikweni gontlhe ga va ka Juda ni ga ka Benjamini, ni ga ka Efraime, ni ga va ka Manasa kambe, va kala va mbheta zontlhe. Zonake vontlhe va ka Israeli va lo tlhelela mitini yabye.

2 Kronekele 33:3

Hakuva yena i lo aka kambe a matshamu ma tlakukileko, lawa a raru wakwe Hezekia a nga wa ma khungumule; i lo engeta a aka a alati ga Baali, a maha zifananiso za Axtarte, a khizamela wontihe mabandla ya tilo a ma tirela.

Tisimu 78:58

Va lo mu zangarisa hi matshamu yabye ma tlakukileko, Va vuxa xiluse xakwe hi zifananiso zabye. Deut. 32:16, 21

Eksodusi 23:24

U nga khizameli vanungungulu vabye, u nga va khozeli, u nga mahi mikhuwo yabye; kanilezi u ta va daya vontlhe, u khungumula zifananiso zabye zontlhe.

Eksodusi 34:13

Kanilezi mu ta khungumula maalati yabye, mu fayetela zifananiso zabye, mu tsema ni zifananiso za Axtarte.

Isaya 36:7

Kutani u taku ka mina: Hi tsumba Jehova, a Nungungulu wa hina; xana a hi yena loyi Hezekia a suseleleko matshamu yakwe ma tlakukileko ni maganzelo, aku ka Juda na Jerusalema: Mu ta khozela laha ka ganzelo legi basi?

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Deuteronome 5:5

mina nzi wa yimile xikari ka nwina na Jehova, ku mu tlhamusela a gezu ga Jehova, hakuva mu wa chava a nzilo lowo, a mu kanzihangi xitsungeni; aku ngalo: Ekso. 19:16; 20:18

Deuteronome 7:5

Hikwalaho mu ta va mahisa lezi: Mu ta khungumula maganzelo yabye, mu fayetela timhinga tabye, ni ku tsemelela zifananiso zabye za Axera, mu hisa zifananiso zabye zi vatlilweko,

Valamuli 6:25

Gwalego wusiku Jehova i te ngalo kakwe: Teka a honwana ya raru wa wena, ni yinwani honwana ya 7 wa malembe wukale, u khungumula a alati ga Baali legi a raru wa wena a nga nago, u tsemelela ni xifananiso xa Axtarte lexi xi nga lomo. Deut. 7:5

Valamuli 6:28

Laha a vanhu va muti va nga vuka ni mixo, va lo wona a alati ga Baali na gi khungumulwe, a xifananiso xa kona na xi tsemelelwe, a honwana ya wumbiri na yi mahilwe muphahlelo laha alatini legi gi nga wa akilwe.