2 Tihosi 17:7 - Tshwa Bible

⁷ Hakuva a vanana va ka Israeli va wa onhele Jehova Nungungulu wabye loyi a va humesileko tikweni ga Gipite, lahasi ka canja ga Faro a hosi ya le Gipite, kambe va wa khozele vanwani vanungungulu. Levi 18:3

2 Tihosi 17:7 교차 참조

1 Tihosi 11:4

Hakuva laha Solomoni a nga wa khosahele, a vasati vakwe va lo hambukisa a mbilu yakwe yi lanzela vanwani vanungungulu; zonake a mbilu yakwe yi wa nga mbhelelangi yontlhe ka Jehova Nungungulu wakwe, kota a mbilu ya raru wakwe Davida.

1 Tihosi 15:3

I lo maha zontlhe zionho lezi zi mahilweko hi raru wakwe na a nga se fuma. A mbilu yakwe yi wa nga mbhelelangi ka Jehova Nungungulu wakwe, khwatsi hi mbilu ya dadani wakwe Davida.

2 Tihosi 16:2

Ahaza i wa hi ni 20 wa malembe laha a nga sangula ku fuma; i lo fuma 16 wa malembe le Jerusalema. A nga mahangi lezi zi sasekileko mahlweni ka Jehova Nungungulu wakwe, khwatsi hi raru wakwe Davida.

2 Tihosi 17:35

Jehova i mahile a xivumelwano navo, a va leletela, aku: Mu nga khozeli vanwani vanungungulu; mu nga va khizameli ge hambu ku va khozela mu phahlela ka vona. Ekso. 23:13; Vala. 6:10

1 Kronekele 5:25

Kanilezi va lo onhela Nungungulu wa vararu vabye, va ti nyiketela wubhayini ga ku lanzela vanungungulu va matiko lawa Nungungulu a ma lovisileko mahlweni kabye. Ekso. 34:15

2 Kronekele 36:5

Jehoiakimu i wa hi ni 25 wa malembe a xikhati a nga sangula ku fuma; i lo fuma 11 wa malembe le Jerusalema. I lo maha kubiha mahlweni ka Jehova Nungungulu wakwe.

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Tisimu 78:12

I lo maha zihlamaliso kuwoneni ka vararu vabye, Lomu tikweni ga Gipite, ni le Zoani.

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Isaya 57:5

Nwina lava mu vurako lahasi ka mikanyi, A hasi ka sinya yinwe ni yinwani yi hlukako; Nwina lava mu dayako vanana lomu mikoveni, Ni lomo timhakweni ta maribye. Levi 18:21; 1 Tih. 14:23

Jeremia 10:5

A zifananiso zi kotisa a mhanze sinwini ga maranga, Zi yima kona kanilezi a zi wula wuli; Zona zi lava ku pakatsiwa, hakuva a zi zi koti ku famba. Mu nga zi chavi, hakuva a zi tivi ku maha kubiha, Hambu a kuva ni ntamu wo maha zinene.

Ezekieli 39:24

Nzi lo maha ka vona maringano ni zivi zabye ni zihambunyeto zabye; nzi lo va fihlela a nghohe ya mina.

Hosea 12:14

Efraime i zangarisile nguvu Jehova; hikwalaho a milanzu yakwe ya nkhata yi tava hehla kakwe, a Hosi yakwe yi ta mu tlhelisela a tinzhukano takwe.

Hosea 4:12

A vanhu va mina va kombela wusungukati ka timhinga tabye, a nhonga yabye yi va tlhatlhambutela; hakuva a moya wa wubhayi wu va pengisile, va bhayile va tsika Nungungulu wabye.

Hosea 4:13

Va phahlela hehla ka zitsunga, va hisa libani lomu migangeni, ni lahasi ka mikuhlu ni mapoplari ni mikanyi, hakuva a minzhuti ya zona yi nene. Hikwalaho a vanhanyana va nwina va bhaya, ni vakatamwane va nwina va maha wuoswi.

Deuteronome 31:29

Hakuva nza zi tiva lezaku loku nzi file, mu ta ti bihisa futsi, mu hambuka ndleleni leyi nzi mu leleteleko yona; ni makhombo ma ta mu chikelela hi zikhati za ha tako; hakuva nwina mu ta maha kubiha mahlweni ka Jehova; mu ta mu zangarisa hi mitiro ya mandla ya nwina.

Joxua 23:16

Loku mu hambunyeta xivumelwano lexi Jehova Nungungulu wa nwina a mu leleteleko xona, mu ya khozela vanwani vanungungulu, mu khizama mahlweni ka vona, a zanga ya Jehova yi ta mu vukela, na nwina mu ta hatlisa mufa lomu ka tiko legi go saseka, legi a mu nyikileko gona. Levi 26:14; Deut. 4:25

Valamuli 6:10

Nzi wa te ngalo ka nwina: Hi mina Jehova Nungungulu wa nwina; mu nga dzuki mu chava vanungungulu va vaAmori, lava mu akileko lomu tikweni gabye. Kanilezi a mu ingisangi a gezu ga mina. 2 Tih. 17:35, 38