2 Tihosi 13:5 - Tshwa Bible

⁵ Jehova i va nyika muhlanguti va ka Israeli, va tlhatlhiswa mandleni ya maSiria, va ya tshama lomu mitini yabye kota kale.

2 Tihosi 13:5 교차 참조

2 Tihosi 13:25

Joaxi nʼwana Jehoahaza i lo tlhela a teka kambe lomu mandleni ya Ben-Hadade nʼwana Hazaeli a miti leyi a nga wa yi tekile mandleni ya Jehoahaza a raru wakwe hi kulwa. Joaxi i lo mu hlula makhati manharu a tlhela a wutla a miti ya ka Israeli.

2 Tihosi 14:25

I lo vuxeta a mbhingano wa ka Israeli kusukela le nyangweni ya ndlela ya kuya le Hamate kala le bimbini ga Araba, khwatsi hi lezi Jehova Nungungulu wa ka Israeli a wulileko hi nomu wa nanza gakwe Jona nʼwana Amitai, a muprofeti loyi a nga wa hi wa le Gat-Hefera.

2 Tihosi 14:27

Kanilezi Jehova i wa nga wulangi lezaku i ta fuvisa a vito ga ka Israeli lahasi ka tilo; i lo va tlhatlhisa hi canja ga Jeroboamu nʼwana Joaxi.

1 Kronekele 11:2

A zikhatini zi hunzileko, na ka ha fuma Saule, ku wa hi wena u nga rangela Israeli. Na Jehova Nungungulu wa wena i ku byelile, aku: Hi wena u ta nga risa a vanhu va mina uva murangeli vabye, va ka Israeli. 1 Sam. 13:14; 18:5

Nehemia 9:27

Hikwalaho u lo va nyikela mandleni ya valala vabye va va hlokisa. Vaku va hi xikari ka zikarato, va ku rilela, wena u vazwa na u hi le tilweni; hi kota ya wuxinji ga wena go eta, u va nyika vahanyisi lava va nga va ponisa mandleni ya valala vabye. Vala. 3:9, 15

Estere 4:14

Hakuva hambu loku wena u miyela xikhatini lexo, a kuponiswa ka vaJuda ku tata hi ginwani wutshamu, kanilezi wena ni ngango wa raru wa wena, mu ta lova. Kona zi tibyiwa himani a ku kutani u tile laha wukosini hi kota ya mhaka leyi ke?

Eksodusi 4:10

Zonake Mosi aku ka Jehova: Ehe! Wena Hosi, a nzi munhu wo zi kota ku wulawula khwatsi, hambu tolo, ne tolweni, hambu kusukela lezi u sanguleko ku wulawula ni nanza ga wena, cima a nzi zi koti ku wulawula khwatsi, hakuva nzi munhu wa manghakamela ni xirimiti.

Isaya 19:20

Xi tava xikombiso ni wumboni ka Jehova wa tiyimpi lomu tikweni ga Gipite; hakuva va ta rila ka Jehova hi kota ya vatsimbeketi, na yena i ta va rumela a muhanyisi, a muyimeli, loyi a ta nga va tlhatlhisa.

Obadia 1:21

A vahanyisi va ta kanziha a xitsunga xa Zioni, kasi ku ta lamula xitsunga xa Esau; zonake a mufumo wu tava wa Jehova. Mik. 4:7; Lu. 1:33, 71

Luka 2:11

Hi lezaku nyamutlha mu belekelwe a Muhanyisi le mutini wa Davida, loyi a nga Kristu a Hosi. Isa. 9:6; Mat. 1:21

Deuteronome 19:4

A mhaka ya mudayi loyi a ta nga chavela leyo kasi a fela ku hanya hi leyi: Loye a dayako wakelane wakwe hi mhango, na a nga mu vengangi ka masiku ma hunzileko;

1 Samueli 12:11

Zonake Jehova i lo ruma Jerubaali, na Bedani, na Jefta, na Samueli, va mu ponisa mandleni ya valala va nwina lava va mu ranzeleko ka wontihe matlhelo, zonake mu tshama hi kurula,

1 Samueli 19:7

Zonake Jonatani i lo vitana Davida, a mu byela tontlhe timhaka leto, a mu neha ka Saule. I lo yimeletela hosi kota zinwani zikhati.