2 Tihosi 12:5 - Tshwa Bible

⁵ a vapristi va ta teka a mali leyo, a munwe ni munwani a teka ka va ka kabye, va ta lemetela a yindlu, va lulamisa zontlhe lezi va ta nga zi kuma na zi onhekile ka yona.

2 Tihosi 12:5 교차 참조

1 Tihosi 11:27

A xigelo xa kuvukela kakwe a hosi, hi lexi: Solomoni i wa kari a aka a khokhola ga Milo, na a lulamisa ligingisi la muti wa raru wakwe Davida.

2 Tihosi 12:12

Va lo hakhisa vavatli ni vaaki va yindlu, va xava ni minaneko yo aka ha yona, ni maribye ma vatlilweko, kasi ku lulamisa ha wona a tifa ta yindlu ya Jehova, ni ku hakhela yontlhe mitiro ya ku lulamisa a yindlu.

2 Tihosi 12:4

Joaxi i te ngalo ka vapristi: A mali yontlhe ya kubasa leyi yi nehiwako lomu ndlwini ya Jehova, yi nga mali ya munwe ni munwani loku vanhu va hlayiwa, ni mali yontlhe ya kutirulwa ka vanhu, leyi a mupristi munwe ni munwani a ta nga yi pima, ni mali yontlhe leyi a munhu ni munhu a ta nga yi neha hi kuranza ka mbilu yakwe lomu ndlwini ya Jehova; Ekso. 30:12; Levi 27:2; Deut. 16:10

2 Tihosi 12:6

Kanilezi hi lembe ga wu 23 ga kufuma ka Joaxi, a vapristi va wa nga se lemetela a tifa ta yindlu.

2 Tihosi 22:4

Kanziha uya ka Hilkia a mupristi wa hombe, kasi a fela ku humesa yontlhe a mali leyi yi nehilweko lomu ndlwini ya Jehova, yi hlengisilweko ka vanhu va tiko hi vahlayisi va nyangwa;

1 Kronekele 29:6

Zonake a tihosana ta tiyindlu ta vadadani, tihosana ta tinyangwa ta ka Israeli, ni tinduna ta matala, ni ta mazana, ni varangeli va hombe va mitiro ya hosi, va lo humesa a minyikelo hi matsenya.

1 Kronekele 29:9

A vanhu va lo tsaka hi kunyikela kabye, hakuva va lo nyikela minyikelo yabye ka Jehova hi matsenya; hosi Davida i lo tsaka nguvu.

2 Kronekele 24:5

I lo tsombanyisa vapristi ni vaLevi, aku kabye: Fambani lomu mitini ya va ka Juda, mu hlengisa mali lomu tikweni gontlhe ga ka Israeli, kasi hi fela ku lulamisa a yindlu ya Nungungulu wa nwina lembe ni lembe; mu hatlisisa mhaka leyi! Kanilezi a vaLevi a va hatlisangi.

2 Kronekele 24:7

Hakuva a nyamayi loyi wo biha Atalia, zinwe ni vana vakwe, va phangile a yindlu ya Nungungulu, va teka a zibya zo basa za yindlu ya Jehova va ya khozela ha zona Baali.

Eksodusi 30:13

Vontlhe lava va ta nga hlayiwa va ta humesa a khihlanya ga xekeli hi lipimo la xekeli gi basileko (gi nga ni makume mambiri ya magera), a khihlanya ga xekeli munyikelo wa Jehova.

Isaya 58:12

A vanhu va wena va ta tlhela va vuxa marumbi ya kale, Uta aketa a ziseketelo za kaleloko; U ta vitanwa lezaku Muvuxi wa makhurisi ma bhoxilweko Ni Mululamisi wa tindlela lezaku vanhu va aka laha tikweni.

Levi 27:2

Byela a vanana va ka Israeli, uku ka vona: Loku munhu a ti bohile hi kuhlambanya, lezaku i ta nyikela ka Jehova a mali yi ringanako ni tsengo wa munhu wa kona, u ta hlaya kota lezi;

Mitsengo 18:15

A matewula wontihe ya nyama yontlhe lawa ma nyikelwako ka Jehova, kutani nja vanhu, kutani nja zifuyo, ma tava ya wena. Ntsena lezaku u ta tirula matewula ya vanhu, ni matewula ya lezi zi nga hlazekangiko. Ekso. 13:2, 12; 34:19