2 Tihosi 12:4 - Tshwa Bible

⁴ Joaxi i te ngalo ka vapristi: A mali yontlhe ya kubasa leyi yi nehiwako lomu ndlwini ya Jehova, yi nga mali ya munwe ni munwani loku vanhu va hlayiwa, ni mali yontlhe ya kutirulwa ka vanhu, leyi a mupristi munwe ni munwani a ta nga yi pima, ni mali yontlhe leyi a munhu ni munhu a ta nga yi neha hi kuranza ka mbilu yakwe lomu ndlwini ya Jehova; Ekso. 30:12; Levi 27:2; Deut. 16:10

2 Tihosi 12:4 교차 참조

1 Tihosi 3:2

Kanilezi a vanhu va wa phahlela le xitsungeni, hakuva kala ka lawo masiku a vito ga Jehova gi wa nga se ku aketwa yindlu.

1 Tihosi 3:3

Solomoni i wa ranza Jehova, a famba hi zileletelo za raru wakwe Davida; ntsena lezaku i wa phahlela ni ku hisa libani te zitsungeni.

1 Tihosi 7:1

Solomoni i lo aka a yindlu yakwe; i lo mbheta a yindlu yakwe yontlhe hi 13 wa malembe.

2 Tihosi 12:18

Kanilezi Joaxi a hosi ya ka Juda i lo teka zontlhe a zibya za kubasa, lezi zi hlazekileko zi nga wa nyikelisisile hi Jehoxafate na Jehoramu na Ahazia, a vararu vakwe, lava va nga wa hi tihosi ta ka Juda, ni zinwani lezi yena a nga wa zi nyikelisisile, ni nzalama yontlhe leyi nga wa kumilwe lomu ka mabako ya yindlu ya Jehova, ni lomu ndlwini ya hosi; i lo teka zontlhe a zi rumela ka Hazaeli a hosi ya le Siria, a suka le Jerusalema.

2 Tihosi 12:5

a vapristi va ta teka a mali leyo, a munwe ni munwani a teka ka va ka kabye, va ta lemetela a yindlu, va lulamisa zontlhe lezi va ta nga zi kuma na zi onhekile ka yona.

2 Tihosi 14:4

Hambu lezo, a matshamu yo tlakuka a ma susiwangi; a vanhu va lo simamisa va hisa tibani lomu matshanwini ma tlakukileko.

2 Tihosi 15:4

Ntsena lezaku a matshamu ma tlakukileko a ma susiwangi; a vanhu va lo simamisa va nyikela miphahlelo ni ku hisa tibani lomu matshanwini ma tlakukileko.

2 Tihosi 16:4

I lo nyikela miphahlelo, a hisa tibani lomu matshanwini ma tlakukileko ni lomu migangeni, ni lahasi ka tisinya tontlhe leti ti hlukileko.

2 Tihosi 17:11

Va lo hisa tibani lomu matshanwini wontihe ma tlakukileko, khwatsi hi matiko lawa Jehova a nga ma hlongole mahlweni kabye; va lo maha kubiha, va zangarisa Jehova.

2 Tihosi 22:4

Kanziha uya ka Hilkia a mupristi wa hombe, kasi a fela ku humesa yontlhe a mali leyi yi nehilweko lomu ndlwini ya Jehova, yi hlengisilweko ka vanhu va tiko hi vahlayisi va nyangwa;

1 Kronekele 18:11

Zona kambe hosi Davida i lo zi nyikela ka Jehova, zinwe ni siliva ni nzalama, lezi a nga wa zi phangile matikweni wontihe ya ka Edomi, ni ya ka Moabi, ni ya vana va ka Amoni, ni ya vaFilistia, ni ya vaAmaleki.

1 Kronekele 29:17

Nungungulu wa mina, nza zi tiva lezaku wena wa hlola a mbilu, ni lezaku wena u xalaliswa hi kululama. Loku ku hi mina, nzi nyikele zontlhe lezi zilo hi kutsaka ka mbilu ya mina; ni kambe a vanhu va wena lava va nga laha, nzi va wonile hi kutsaka loku va humesa a minyikelo yabye.

2 Kronekele 15:18

I lo neha lomu ndlwini ya Nungungulu a zilo lezi a raru wakwe a nga wa zi nyikelisisile: a siliva ni nzalama ni zibya.

2 Kronekele 31:12

Va lo neha a mihlengo, ni za wukhume, ni zilo zi basisilweko hi kukholeka. Konania a muLevi i wa hi muhlayisi wa zona; a nakulobye Ximei i wa hi muvuni wakwe.

2 Kronekele 35:2

I lo yimisa vapristi mitirweni yabye, a va tiyisa ntirweni wa yindlu ya Jehova.

Ezra 1:6

Vontlhe lava va nga wa akelene navo va lo seketela hi ku va nyika ni zibya za siliva, ni za nzalama, ni zilo, ni tihomu, ni zilo za malongo, ahandle ka lezi va nga nyikela hi kuranza kabye.

Ezra 2:69

Hi ku tizwa ka ntamu wabye, ya lo nyikela laha wutshanwini ga minyikelo ya ntiro 61,000 wa madariki ya nzalama, ni 5,000 wa tikilo ta siliva, ni 100 wa tinguwo ta vapristi.

Ezra 7:16

Ni siliva yontlhe ni nzalama leyi u ta nga yi kuma lomu tikweni gontlhe ga Babuloni, zinwe ni minyikelo leyi yi ta nga humeselwa a yindlu ya Nungungulu wabye le Jerusalema hi vanhu, ni vapristi, hi kuranza kabye.

Eksodusi 35:22

Ku lota vavanuna ni vavasati; vontlhe lava va zi ranzako hi timbilu tabye va neha zingwavila, ni masinza, ni tiphera, ni tixakaxaka ta mitiro ya nzalama; loyi ni loyi i lo nyikela a munyikelo wakwe wa nzalama lowu a wu longiseleko Jehova.

Eksodusi 35:29

A vanana vontlhe va ka Israeli, vavanuna kutani vavasati, vontlhe lava a timbilu tabye ti ranzako ku nyikela nchumu, kasi ku tira lezi Jehova a layeleko ha Mosi, va lo humesa hi matsenya a munyikelo ka Jehova.

Eksodusi 35:5

Humesani xikari ka nwina a hlengo ka Jehova. Munhu ni munhu loyi a ranzako hi mbilu yakwe, a neha ka Jehova a hlengo wakwe: a nzalama ni siliva ni suku;

Eksodusi 36:3

Va lo teka a mihlengo yontlhe ka Mosi, leyi yi nehilweko hi vana va ka Israeli, kasi ku tira a ntiro wa wutshamu go basa; kanilezi a vanhu va wa simamisa ku nyikela siku ni siku laha mixweni.

Levi 27:31

Loku munhu a lava ku tlhatlhisa za wukhume zakwe, i ta zi engetela hi xipanze xa wuntlhanu xa zona a tsengo wa zona.

Luka 21:4

hakuva vona vontlhe va chelile minyikelweni hi kutala ka zilo zabye; kanilezi yena hi kuvumala kakwe i chelile zontlhe lezi a nga hi nazo a ku hanya hi zona.