12 Zonake i lo humesa a nʼwana wa hosi, a mu tlhateka a xidlodlo, a mu nyika bhuku ga Wukustumunyu; va lo mu maha hosi, va mu tota hi mafura, va phakatela mandla yabye, vaku: A yi hanye, a hosi! Ekso. 25:16; Deut. 17:18
Zinghaho nzi lo tshinela nzi mu daya, hakuva zi wa su dlunya ka mina lezaku lezi a wileko cima a nga ta hanya. Nzi lo teka a xidlodlo lexi xi nga hi hlokweni yakwe ni sinza legi gi nga hi wokweni gakwe, lezi nzi zi nehileko ka hosi ya mina.
Yena i lo teka xidlodlo laha hlokweni ya hosi ya kona; a kubinza ka xona ku wa hi talenta ya nzalama, na xi hi ni maribye ya malongo. Zonake xi lo tlhatekwa hlokweni ya Davida; i lo teka muphango wa hombe lomu mutini.
A vavanuna va ka Juda va lota laho va ta tota Davida a kuva hosi hehla ka yindlu ya ka Juda. Zonake va lo byela Davida, vaku: A vanhu va le Jebexe-Gileade hi vona va nga lahla Saule.
Makunu lezi, ngha canja ga nwina gi hi ni ntamu, muva tinhenha; hakuva Saule a hosi ya nwina i file, ni yindlu ya ka Juda yi nzi wumbele a kuva hosi hehla ka yona.
Zinghaho wontihe masingalakati ya va ka Israeli ma loya hosini le Hebroni, zonake hosi Davida i lo maha navo xivumelwano le Hebroni mahlweni ka Jehova; va lo wumbela Davida a kuva hosi hehla ka va ka Israeli.
Hakuva i relele inyamutlha; i tlhavile tihomu ni marole yo nona, ni tiyivu to tala; i vitanile vontlhe vana va hosi ni tinduna ta yimpi, na muprofeti Abiatari. Languta, vona vaga vanwa mahlweni kakwe, na vaku: A simame a hanya hosi Adonija!
Zonake mupristi Zadoke i lo ya teka limhonzo la mafura lomu Tabernakelini ga Jehova, a tota Solomoni; zonake va loba mimpunzu, a vanhu vontlhe vaku: Hosi Solomoni, hanya kala kupinzuka!
Tlhatakumbiri, a hosi yi te ngalo ka Ximei: Wena wa tiva mbilwini ya wena a kubiha kontlhe loku u ku mahileko ka Davida, dadani wa mina. Makunu Jehova i ta tlhelisela hehla ka hloko ya wena a kubiha ka wena.
A varinzeli va lo yima ni matlhari yabye, kusukela tlhelweni ga xinene ga yindlu kala tlhelweni ga xibhabha, kusuhani ni alati ni yindlu, va renzelekela a hesi.
Kanilezi Jehoxeba, a nhanyana wa hosi Joramu nakulobye wa Ahazia, i lo nyemukisa Joaxi nʼwana Ahazia, a mu susa xikari ka vana va hosi lava va nga wa dawetelwa, a ya mu fihla ni muwundli wakwe lomu ndlwini ya kuetlela. Va lo fihlela Atalia, hikwalaho a nga mu dayangi.
Hi lembe ga wu 7, Jehoiada i lo vitana a tinduna ta mazana ta vaKereti ni varinzeli, a ta enghena zinwe navo lomu ndlwini ya Jehova; i lo maha xivumelwano navo, a va hlambanyisa lomu ndlwini ya Jehova, a va kombisa a nʼwana wa hosi,
Zonake u ta teka a limhonzo la mafura, u mu chela laha hlokweni yakwe, uku: Jehova i ngalo: Mina nzi ku totile a kuva hosi ya ka Israeli. Zonake u vulula livati u tsutsuma, u nga yimi.
Zonake va lo humesa a nʼwana wa hosi, va mu tlhateka xidlodlo xa wuhosi hlokweni yakwe, va mu nyika ni Bhuku ga milayo; va lo mu wumbela a kuva hosi. Jehoiada zinwe ni vanhu va lo mu tota hi mafura, vaku: Ngha hosi yi hanya!
A hosi yi lo ranza Estere ku hunza vontlhe vavasati, a tsakelwa nguvu hi hosi ku hunza vanwani vanhwana; zinghaho i lo mu ambexa a xidlodlo xa wuhosi hlokweni yakwe, a mu maha muzinza xikhundleni xa Vaxti.
a ku nehiwe tinguwo ta wuhosi leti a hosi yi tolovelako ku ambala, ni haxi legi gi khilelwako hi hosi, ni xidlodlo lexi xi tlhatekwako hlokweni ya hosi;
Hakuva i lo yimisa a wumboni ka Jakobe, A veka nawo ka Israeli, Lowu a nga wu leletela ka vadadani va hina, lezaku va gonzisa a vana vabye. Ekso. 20:1; Deut. 4:9; Ezek. 20:10
Makunu laha Jehova a nga mbhetile ku wulawula na Mosi le xitsungeni xa Sinai, i lo mu nyika maribye mambiri ya milayo, laya ma tsalilweko hi litiho la Nungungulu.
Hakuva mu ta huma hi kutsaka, Mu rangelwa hi kurula. A zitsunga ni miganga zi ta tlhava zizimba mahlweni ka nwina, A tisinya tontlhe ta khwati ti ta phakatela mandla.
Loyi a totilweko hi Jehova, loyi a nga hi kuhefemula ka hina, i phasilwe marinzini yabye; Loyi hi nga wula ha yena hiku: Hi ta hanyela nzhutini wakwe xikari ka matiko. 2 Tih. 25:5
Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla. Tis. 118:26; Xip. 23:39
Va lo luka a xidlodlo xa mizwa, va xi tlhateka hlokweni yakwe, va mu khomisa lihlanga canjeni gakwe ga xinene; va lo khizama mahlweni ka yena, va mu tseketsela, vaku: Xewe, hosi ya vaJuda! Tis. 69:19; Isa. 53:3
Hakuva kunene vaHerodi na Pontiu Pilatu, zinwe ni vamatiko ni vanhu va ka Israeli, va wa tsombene a mutini lowu, kasi ku vukela Jesu, a Nanza ga wena gi basileko, loyi wena u mu totileko, Maheb. 7:26; Isa. 61:1; Joh. 10:36
Wena u ranzile kululama, u venga kubiha; Hikwalaho Nungungulu, a Nungungulu wa wena I ku totile hi mafura ya litsako ku hunza vanakuloni. Isa. 61:1; Miti. 4:27; 16:38
Kanilezi Jesu loyi a mahilweko ava lahasi ka tingelosi ka xikhatanyana, ha mu wona na a tlhatekilwe a xidlodlo xa kungangamela ni wudzunzo, hi kota ya kuxaniseka hi kufa, lezaku hi tipswalo ta Nungungulu a fela kuzwa kufa hi kota ya vanhu vontlhe. Joh. 3:16; Miti. 2:33; Rom. 5:18
A mahlo yakwe ma kotisa malangavi ya nzilo, ni hlokweni yakwe ku hi ni zidlodlo zinyingi; a hi ni vito gi tsalilweko, legi ku nga hiko kona loyi a gi tivako saseka yena yece. Xip. 2:17, 18; 6:2
Zonake Samueli i lo teka a xikudzana xa mafura a xi chulula laha hlokweni ka Saule, a mu pswopswa, aku: Hakunene Jehova i ku totile hi mafura lezaku u maha hosi hehla ka tshomba yakwe!
Samueli aku ka vontlhe vanhu: Cuwukani loyi Jehova a mu hlawulileko! A ku na munhu lomu tikweni gontlhe wo fanana naye. A vanhu vontlhe va lo hlalela hi kutsaka, vaku: A yi hanye hosi!
Zonake Samueli i lo teka a xikudzana xa mafura a mu tota laha xikari ka vanakulobye. A Moya wa Jehova wu lota ka Davida kusukela lego siku ku komama mahlweni. Zinghaho Samueli i lo suka a famba le Rama. Davida a yimbelela mahlweni ka Saule.
