2 Tihosi 10:5 - Tshwa Bible

⁵ A muhlayisi wa yindlu ya hosi, ni nduna ya muti, ni masingalakati zinwe ni vawundli va vana va hosi va lo rumela mhaka ka Jehu, vaku: Hina hi malanza ya wena, hi ta maha zontlhe lezi u ta nga hi byela, kanilezi a hesi hi nga ta yi yimisa; maha lezi u zi ranzako.

2 Tihosi 10:5 교차 참조

1 Tihosi 20:32

Zinghaho va lo ambala a tinguwo ta tisakwa ziwunwini zabye ni tingoti tihlokweni tabye, vaya ka hosi ya ka Israeli, va yaku: A nanza ga wena Ben-Hadade i ngalo: Nzi tsike nzi hanya! Ahabi i lo hlamula aku: Wa hanya ke? Yena i nakulori!

1 Tihosi 20:4

A hosi ya ka Israeli yi lo hlamula, yiku: Khwatsi hi kuwula ka wena hosi ya mina, nzi wa wena, ni zontlhe za mina.

2 Tihosi 10:6

I lo engeta a va tsalela a papilo ga wumbiri, aku: Loku nwina mu yima zinwe na mina, ni loku mu ingisa a gezu ga mina, tekani a tihloko ta vavanuna lava va nga vana va hosi ya nwina muta nato manziko hi xikhati xwalexi leno Jezreeli. A vana va hosi va wa hi 70, na va hi ka masingalakati ya muti lawa ma nga va wundla.

2 Tihosi 18:14

Hezekia a hosi ya ka Juda i lo rumela mhaka ka hosi ya le Asiria le Lakixe, aku: Mina nzi onhile! Nzi tsike! Kani hi xihi u ta nga xi veka ka mina, nzi ta xi rwala. A hosi ya le Asiria yi lo rwexa Hezekia a hosi ya ka Juda a nanzu wa 300 wa titalenta ta siliva ni 30 wa titalenta ta nzalama.

Jeremia 27:17

Mu nga vazwi, tirelani a hosi ya Babuloni, mu ta hanya; hikuyini mu felako a muti lowu wu maha rumbi ke?

Mitsengo 11:12

Xana nzi mina dadani ni mamani wa vanhu lava vontlhe ke? Kutani nzi va pswalile, laha u nga ta ngha uku ka mina: va beleke khwatsi hilezi mupswali a belekako a nwanana loyi a mu anwisako, kala va chikela tikweni legi u tsumbisileko vararu vabye ke?

Johani 12:26

Loku munhu a nzi tirela, a nzi lanzele; ni laha nzi nga kona, i ta va kona loyi a nzi tirelako. Loku munhu a nzi tirela, yaloye i ta dzunziwa hi Dadani. Xip. 14:3; 1 Tes. 4:17

Joxua 9:11

Zi nga lezo a masingalakati ya hina, ni vontlhe va akileko tikweni ga hina va nga ku ngalo: Tekani timbuva ta pfhumba ga nwina mu va khinga, mu taku ngalo kabye: Hina hi malanza ya nwina, makunu mahani xivumelwano zinwe na hina.

Joxua 9:8

Na vona va te ngalo ka Joxua: Hina hi malanza ya wena. Joxua aku kabye: Hi nwina vamani, na muta hi kwihi ke?