2 Samueli 22:3 - Tshwa Bible

³ Nungungulu wa mina, a ribye ga mina legi nzi chavelako ka gona, A xitlhangu xa mina, ni limhonzo la kuhanya ka mina, Ni khokhola ga mina gi tlakukileko, ni wuchavelo ga mina! Muhlanguti wa mina, u nzi hanyisako ka lava va nzi hlokisako. Lu. 1:69; Maheb. 2:13

2 Samueli 22:3 교차 참조

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

2 Samueli 22:31

A ndlela ya Nungungulu yi lulamile, A gezu ga Jehova gi basile; Yena xitlhangu xa vontlhe lava va tsutsumelako ka yena.

2 Samueli 22:47

Jehova wa hanya! A gi dumiswe a ribye ga mina! A kuliswe Nungungulu, a nga ribye ga kuhanyisa ka mina!

2 Samueli 22:49

Loyi a nzi lwelako ka valala va mina. U rizi tlakusile nziva hehla ka lava va nzi vukelako; U nzi ponisile ka wanuna wo leva.

2 Samueli 22:51

Yena i ponisile a hosi yakwe hi kuhanyisa ka hombe, A kombisa wuxinji ka a totilweko wakwe, Ka Davida ni ka pswalo wakwe kala kupinzuka.

2 Samueli 23:3

Nungungulu wa ka Israeli i wulile, A Ribye ga ka Israeli gi te ngalo ka mina: Loyi a fumelako vanhu hi kululama, A mufumeli loyi a chavako Nungungulu,

Tisimu 14:6

Mu wisile tingana a khungo ga zisiwana, Kanilezi Jehova hi wuponelo gabye.

Tisimu 140:1

Jehova, nzi hlangute ka laʼvo biha, U nzi lonzowota ka vanhu va tihanyi,

Tisimu 140:11

A munhu wa mawunwa ngha a nga humeleli misaveni; A munhu wa tihanyi i ta susumetelwa makhombyeni hi kubiha.

Tisimu 140:4

Jehova, nzi vikela mandleni ya vakubiha, U nzi lwela ka: vanhu va tihanyi, Lava va xuvako ku phinganyeta milenge ya mina.

Tisimu 142:4

Cuwuka reveni ga mina ga xinene u wona lezaku a ku na loyi a nzi tivako. A ku na laha nzi nga chavelako kona, Ku hava munhu a khatalelako muhefemulo wa mina.

Tisimu 144:2

Hi yena tipswalo ta mina ni khokhola ga mina, I khokhola ga mina go tlakuka, tlhelo mutlhatlhisi wa mina, Xitlhangu xa mina, ni wuchavelo ga mina; Loyi a nzi tsongahatelako vanhu va mina.

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 27:5

Hakuva i ta nzi fihla xiluvelweni xakwe hi siku ga kuxaniseka, A nzi fihla xihundleni xa tenda gakwe; A nzi kanzihisa hehla ka ribye. Jer. 36:26

Tisimu 28:7

Jehova i ntamu wa mina ni xitlhangu xa mina; A mbilu ya mina yi lo tsumba yena, nzi vunekile; Hikwalaho a mbilu ya mina ya tsaka nguvu, Nzi ta mu dumisa hi lisimu la mina.

Tisimu 3:3

Kanilezi wena Jehova u xitlhangu xa mina, U wukosi ga mina, loyi a tlakusako hloko ya mina.

Tisimu 32:7

Wena u wuchavelo ga mina, wa nzi lonzowota zikaratweni; U ta nzi ranzela hi tisimu ta kuponiswa. (Sela.)

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Tisimu 46:2

Hi kota ya lezo hi nga ta chava hambu loku misava yi hunzulwa, Ni loku zitsunga zi ninginiswa giwa bimbini.

Tisimu 46:7

Jehova wa tiyimpi i na hina, Nungungulu wa Jakobe wuchavelo ga hina. (Sela.) Rom. 8:31

Tisimu 5:12

Hakuva wena Jehova u katekisa loyi a lulamileko, U mu vikela hi wuxinji ga wena khwatsi xitlhangu.

Tisimu 55:9

Jehova, va lovise, u hambanyisa a tirimi tabye, Hakuva nzi wonile lunya ni timholova lomu mutini. Gen. 11:9

Tisimu 59:16

Kanilezi mina nzi ta yimbelela a ntamu wa wena, Ina, ni mixo nzi ta yimbelela hi wuxinji ga wena hi gezu ga hombe, Hakuva u wa hi khokhola ga mina, Ni wuchavelo hi siku ga khombo ga mina.

Tisimu 61:3

Hakuva u wuchavelo ga mina, U khokhola gi tiyileko mahlweni ka nala. Mav. 18:10; Nah. 1:7

Tisimu 71:7

Mina nzi masingita ka vanyingi, Kanilezi wena u wuchavelo ga mina ga ntamu.

Tisimu 72:14

I ta va tirula kutsimbeketweni ni lomu kuxanisweni, A nkhata wabye wu tava ni ntsengo mahlweni kakwe.

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Tisimu 84:9

Nungungulu, xitlhangu xa hina, languta, U cuwuka a nghohe ya a totilweko wa wena.

Tisimu 86:14

Nungungulu, a vamatshanza va nzi vukela, A xidlemo xa zigevenga xi hlota wutomi ga mina; A va rangisi wena maalakanyweni yabye.

Tisimu 9:10

A va ku tsumbe lava va tivako a vito ga wena; Hakuva wena Jehova a ku tsiki lava va ku lavako.

Tisimu 9:9

Jehova i khokhola ga lava va xanisekako, Mbuchavelo zikhatini za zikarato.

Eksodusi 15:2

Jehova hi ntamu wa mina, ni lisimu la mina; Yena hi Muhanyisi wa mina. Hi yena Nungungulu wa mina, nzi ta mu dumisa; I Nungungulu wa dadani, nzi ta mu kulisa.

Mavingu 18:10

A vito ga Jehova i khokhola go tiya; oyi a lulamileko wa chavela ka gona a pona.

Mavingu 30:5

Tontlhe timhaka ta Nungungulu ti basisilwe; i yena xitlhangu xa vona lava va mu tsumbako.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Isaya 45:21

Tshawutelani mhaka, mu yi humesa, A va xuxe khatiginwe. Himani a nga vumba lezi zilo hi kaleloko, A zi byeletela hi mahlweni? A hi mina Jehova ke? A ku na munwani Nungungulu ahandle ka mina, Hi mina nzoce Nungungulu a lulamileko, tlhelo Muhanyisi.

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Jeremia 16:9

Hakuva Jehova wa tiyimpi, a Nungungulu wa Israeli, i ngalo: Languta, a wutshanwini legi nzi ta miyeta a magezu ya litsako ni kunengela, ni ya muteki ni mutekiwa, a kuwoneni ka nwina a ka masiku laya.

Luka 1:47

Ni moya wa mina wa tsaka ha Nungungulu a Muhanyisi wa mina;

Luka 1:69

I hi vuxela a limhonzo la kuhanyisa A ndlwini ka Davida a nanza gakwe, Tis. 132:17

Luka 1:71

A ku hi hanyisa valaleni va hina, ni mandleni ya vontlhe lava va hi vengako;

Deuteronome 32:37

Zonake i taku ngalo: Va kwihi vanungungulu vabye ke? Ni ribye gabye ga wuchavelo ke?

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Deuteronome 33:29

U katekile wena, Israeli! Himani a fananako na wena, Wena tiko u hanyiswako hi Jehova! A nga xitlhangu xi vikelako, Ni supado ya wukulu ga wena! A valala va wena va ta khoziswa mahlweni ka wena, Kanilezi wena u ta kanzihela a matshamu yabye ma tlakukileko!

Titusi 3:4

Kanilezi laha ku nga woneka a wunene ga Nungungulu a Muhanyisi wa hina, ni liranzo lakwe a ka vanhu,

Titusi 3:6

lowu a nga wu chela hehla ka hina hi matsenya, ha Jesu Kristu a Muhanyisi wa hina; Ezek. 36:25; Joeli 2:28; Joh. 1:16

Maheberu 2:13

Ni kambe: Nzi ta mu tsumba yena. Ni kambe: Hi mina loyi, ni vana lava Nungungulu a nzi nyikileko vona. Tis. 18:2; Isa. 8:18; Joh. 10:29

1 Samueli 2:1

Hana i lo khongela, aku: A mbilu ya mina yi tsakela Jehova. A limhonzo la mina li tlakusilwe hi Jehova, A nomu wa mina wu ahlamele a valala va mina; Hakuva nza bhuma lomu kuhanyiseni ka wena.

1 Samueli 2:2

Ku hava a basileko khwatsi hi Jehova; Hakuva a nga kona munwani ahandle ka wena; Ge hambu kuva kona ginwani ribye go fana ni Nungungulu wa hina.