2 Pedro 2:14 - Tshwa Bible

¹⁴ Va na ni mahlo ma teleko hi wubhayi, a va kolwi hi kuonha. Va kucetela a mihefemulo leyi yi nga tiyangiko. A timbilu tabye ti tolovela a mahlokoti; a vanana va rukatelweko.

2 Pedro 2:14 교차 참조

Joba 31:7

Loku a nkonzo wa mina wu hambukile ndleleni, Ni loku a mbilu ya mina yi lanzela mahlo ya mina, Ni loku a bawa gi namarele mandleni ya mina;

Joba 31:9

Loku a mbilu ya mina yi khohlisilwe hi wasati, Lezaku nzi xiyamele livatini la muakelane wa mina,

Mavingu 5:6

A nga khataleli a ndlela ya wutomi, tindlela takwe a ti riyangi, cima a ku na ku ti tiva.

Mavingu 6:25

A mbilu ya wena ngha yi nga naveli wumbhuri gakwe, e hambu ku kokiwa hi tisiyi takwe.

Isaya 1:16

Hlambani, mu ti basisa; susani mitiro ya nwina yo biha mahlweni ka mina; tsikani ku maha kubiha.

Isaya 34:5

Hakuva a supado ya mina yi popilwe le tilweni, Langutani, yi ta relela hehla ka Edome, A ku ya lamula a tiko legi gi rukateleko.

Isaya 65:20

Ku nga ta kuva kona kambe a lisana li to hanya masiku matsongwani ntsena, Ge hambu xikhosana leʼxi nga mbhetisiko a tsengo wa masiku ya xona. Hakuva a xinwanana xi tafa na xi hi ntangeni ya zana ga malembe, A muonhi i ta rukateliwa loku a hi ni zana ga malembe.

Jeremia 13:23

Xana a maEtiopia a nga hunzula a hlonge yakwe ke, Hambu a yingwe a mavalavala ya yona ke? Loku zi hi tano na nwinawo mu nga zi kota ku maha zinene, Nwina lava mu toloveleko ku maha kubiha.

Ezekieli 13:18

Hosi Jehova i ngalo: Khombo ka vavasati lava va rungelako a zitshikelo lomu ka magunyungu ya mawoko, va mahako tilesu to ringana tihloko ta tixakaxaka, kasi ku hlota mihefemulo! Xana mu ta hlota mihefemulo ya vanhu va mina, mu wuya mu ponisa ya nwina wutsumbu ke?

Mateu 12:34

Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. Xip. 3:7; Lu. 6:45

Mateu 23:14

Khombo a give ka nwina vatsali ni vaFarisi, nwina vaxengeteli! Hakuva mu phanga tiyindlu ta tinoni, na mu kari mu khohlisa hi ku maha mikhongelo yo leha; mu ta amukela a kukoneka ka hombe.

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Mateu 5:28

Kanilezi mina nziku ka nwina: Kani hi mani a cuwukako wasati a mu navela, i sina a bhayile naye mbilwini yakwe. Mav. 6:25

Marku 13:22

Hakuva ku ta huma vaKristu va mawunwa, ni vaprofeti va mawunwa; va ta maha zirewukiso ni zihlamaliso, kasi va fela ku pengisa ni vahlawulilweko loku zi koteka.

Johani 5:44

Mu ta kholwisa kuyini nwina lava va dzunzanako, kasi a wudzunzo legi gi tako hi ka Nungungulu a nga yece, a mu gi lavi? Xip. 12:43; Rom. 2:29

Va le Roma 16:18

Hakuva a va kunghahi a va tireli a Hosi ya hina Kristu, kanilezi va tirela a rumbu gabye ntsena; va xengetela lava va nga hiko na nanzu hi timhaka tabye to saseka ni kunanziha. Fil. 3:19; Kol. 2:4; 1 Tim. 6:5

1 Va le Korinte 11:19

Hakuva ku fela kuva kona mitlawa xikari ka nwina, kasi ku ta woneka lava va nga va nene xikari ka nwina. Lu. 17:1; 1 Joh. 2:19

Va le Efesusi 2:3

Hina hontlhe hi wa kari hi famba zinwe navo a kunaveleni ka nyama ya hina, hi maha a kuranza ka nyama ni ka maalakanyo; hi mahanyela ya hina hi wa hi vanana va khulo khwatsi hi vanwani. Tis. 51:5; Gal. 5:16; Tit. 3:3

Va le Efesusi 4:14

lezaku hi nga ha mahi zihlangi, hi ndlengandlengiswa kukotisa mabyandlati ya bimbi hi timheho tontlhe ta tigonzo, kutani hi kukanganyisa ka vanhu, ni wumbyori gabye ga ku khohlisa. Mat. 11:7

Va le Kolosi 2:18

Mu nga vumeli munhu a ku mu wutlela a nchachazelo wa nwina, hi kutikoramisa ka hava ni ku khozela tingelosi, a ti kulisa hi kota ya ziwoniso zakwe, a ti kukumukisa hava hi kupima kakwe ka nyama,

Jakobe 1:8

munhu loyi a nga ni timbilu timbiri, wa ndlengandlengiswa tindleleni takwe tontlhe.

2 Pedro 2:18

Hakuva hi ku wulawula a timhaka ta matshanza leti ti nga nyawuliko, va xengetela hi kunavela ka nyama ni wubhayi, a vanhu lava va ha ponako ka lava va hanyako kuhambukeni; Miti. 2:40; Juda 16

2 Pedro 2:3

Hi ku navela kufuma, va ta bhinzula ha nwina hi magezu ya kukanganyisa; kanilezi a kukoneka kabye ka kale a ku hlweli, ni kulobyiswa kabye a ku etleli. Deut. 32:35; Tit. 1:11; Juda 4, 15

2 Pedro 3:16

i maha lezo mapapilweni yakwe wontihe, loku a wulawula hi timhaka leti. A xikari ka wona ti kona timhaka tinwani leti ti tsanzako ku pimiwa, leti lava va nga gonzangiko ni va nga tiyangiko va ti hunzuluselako va lahleka, kota lezi va mahako hi yinwani mitsalo. Rom. 8:19; 1 Tes. 4:15

1 Johani 2:16

Hakuva zontlhe lezi zi nga laha tikweni: a kunavela ka nyama, ni kunavela ka mahlo, ni kutikulisa hi kota ya zilo za loku kuhanya, a ziti hi ka Dadani, kanilezi zita hi lomu tikweni.

Juda 1:11

Khombo a give ka vona! Hakuva va fambile hi ndlela ya Kana, hi kota ya hakhelo va tsutsumela kuhambukeni ka Balami, va lobyiswa hi kuhluwuka ka Kora. Gen. 4:5; Mitse. 16:1; 22:7, 21

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1