2 Kronekele 9:23 - Tshwa Bible

²³ Tontlhe tihosi ta misava ti lo lava ku wona Solomoni ni kuzwa wutlhari gakwe, legi Nungungulu a gi vekileko mbilwini yakwe.

2 Kronekele 9:23 교차 참조

1 Tihosi 3:28

Zonake vontlhe va ka Israeli va lozwa hi malamulela ya hosi, va hlamala, hakuva va lo wona lezaku a wutlhari ga Nungungulu gi na yena kuxuxeni ka timhaka.

1 Tihosi 4:34

A vanhu va wata hi le matikweni wontihe a ku tazwa wutlhari ga Solomoni, na va rumiwa hi tihosi tontlhe ta misava, leti ti zwileko hi wutlhari gakwe.

2 Kronekele 9:22

Zinghaho Solomoni i lo hunza tontlhe tihosi ta misava a kufuma ni wutlhari.

2 Kronekele 9:24

Loyi ni loyi i wa neha a zinyikiwo, a zibya za siliva ni za nzalama, ni tinguwo, ni matlhari, ni makha, ni mahaxi, ni timula; va lo maha lezo lembe ni lembe.

Mavingu 2:6

Hakuva Jehova hi yena a nyikako wutlhari, kutiva ni kupimisisa ku huma nonwini wakwe.

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 11:2

A Moya wa Jehova wu ta tshama hehla ka yena, A moya wa wutlhari ni kupima, A moya wa wusungukati ni wa ntamu. A moya wa ku tiva ni wa ku chava Jehova.

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Danieli 5:11

I kona wanuna lomu mufunweni wa wena a nga ni moya wa vanungungulu va basileko. A masikwini ya raru wa wena ku wa kumiwa ka yena a kuwonekela ni kupimisisa ni wutlhari go fanana ni wutlhari ga vanungungulu. Hosi Nebukadnezzare, a raru wa wena, i lo mu maha nduna ya tinʼanga ni vangoma ni titlhari ni zitumbe.

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

1 Va le Korinte 1:30

Kanilezi i ntiro wakwe lezi nwina mu nga ka Kristu Jesu, loyi Nungungulu a nga mu yimisa a kuva wutlhari ga hina, ni kululama ka hina, ni kubasiswa ni kutirulwa.

1 Va le Korinte 12:8

Hakuva munwani i nyikiwa ha wona Moya a timhaka ta kutlhariha, ni munwani i nyikiwa a timhaka ta kutiva hi wona Moya lowo; Xip. 2:6; 2 Kor. 8:7

Va le Efesusi 1:17

Nzi kombela lezaku a Nungungulu wa Hosi ya hina Jesu Kristu, a Dadani wa kungangamela, a fela ku mu nyika a moya wa kutlhariha ni wa kuvululelwa lezaku mu mu tiva. Kol. 1:9

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22