2 Kronekele 8:14 - Tshwa Bible

¹⁴ Kota kuleletela ka raru wakwe Davida i lo yimisa a mitlawa ya vapristi mitirweni yabye, ni vaLevi mitirweni yabye, a ku dumisa Jehova ni ku maha mitiro yabye mahlweni ka vapristi siku ni siku; i lo yimisa ni vahlayisi va tinyangwa hi mitlawa yabye, ka nyangwa yinwe ni yinwani, hakuva Davida a munhu wa Nungungulu i lo leletela zalezo.

2 Kronekele 8:14 교차 참조

2 Samueli 23:2

A Moya wa Jehova wu wulawulile ha mina, A mhaka yakwe yi lomu lirimini la mina. Mat. 22:43; 2 Ped. 1:21

1 Tihosi 13:1

Makunu laha Jeroboamu a nga wa yimile laha alatini a hisa libani, ku lota a munhu wa Nungungulu hi le tikweni ga ka Juda, ata Beteli na rumiwa hi Jehova.

1 Kronekele 16:37

Zonake Davida i lo siya Asafa ni vanakulobye laha mahlweni ka arke ga xivumelwano xa Jehova, kasi va fela ku khozela mahlweni ka arke wontihe masiku, maringano ni ntiro wa siku ni siku,

1 Kronekele 16:42

Hemani na Jedutuni va wa hlayisa a mipunzu ni tingomana ta vayimbeleli ni timbila to yimbelela a tisimu ta Nungungulu; a vana va Jedutuni va wa hi vahlayisi va tinyangwa.

1 Kronekele 23:1

Laha Davida a nga wa khosahele, hi kutala ka masiku yakwe, i lo yimisa nʼwana wakwe Solomoni a kuva hosi hehla ka va ka Israeli.

1 Kronekele 24:1

Leyi hi mitlawa ya va ka Aroni. A vana va Aroni: Nadabe, na Abihu, na Eliazare, na Itamare.

1 Kronekele 24:3

Davida na Zadoke a zukulu wa Eliazare, na Ahimeleki a zukulu wa Itamare, va lo va avela mitiro yabye kota kuxaxametwa kabye.

1 Kronekele 25:1

Davida ni tinduna ta yimpi va lo avanyisa a ntiro wa vana va ka Asafa, ni va ka Hemani, ni va ka Jedutuni, lava va nga wa yimbelela hi zitende, ni timbila, ni tingoma hi moya wa ku profeta. A tsengo wa lava va yimisilweko ntirweni lowo hi lowu:

1 Kronekele 26:1

Leyi hi mitlawa ya vahlayisi va tinyangwa. A va ka Kora: Mexelemia nʼwana Kore, wa vanana va ka Asafa.

1 Kronekele 28:19

Tontlhe timhaka leti ni zikombiso lezi za mitiro leyi yi ta nga mahiwa, zi tsalilwe; nzi pimisilwe zontlhe hi Jehova.

1 Kronekele 9:17

A vahlayisi va tinyangwa: Xalluma, na Akkuba, na Talmoni, na Ahimani ni vanakulobye; Xalluma i wa hi hosana;

1 Kronekele 9:24

Lomu ka mune wa matihelo ku wa hi ni vahlayisi va tinyangwa, le Mutsuwuka-gambo ni le Muhlwa-gambo ni le Nwalungu ni le Dzongeni.

2 Kronekele 23:19

I lo yimisa a vahlayisi va tinyangwa ta yindlu ya Jehova, kasi ku nga engheni a munhu loyi a nyenyezisilweko hi xilo xo kari.

2 Kronekele 23:4

Makunu mu ta maha lezi: a xipanze xa nwina xa wunharu, nwina vapristi ni vaLevi lava mu enghenako ntirweni hi siku ga sabado mu ta rinzela tinyangwa;

2 Kronekele 29:25

I lo yimisa vaLevi lomu ndlwini ya Jehova, na va hi ni tingoma, ni zitende ni timbila, khwatsi hi kuleletela ka Davida na Gadi a muwoni wa hosi, na muprofeti Natani, hakuva a xileletelo xi wata hi ka Jehova hi vaprofeti vakwe.

2 Kronekele 31:2

Hezekia i lo yimisa mitlawa ya vapristi ni va ka Levi lomu mitirweni yabye, munwe ni munwani hi ntiro wakwe, a vapristi ni vaLevi va wa fanele ku nyikela a munyikelo wa kuhiswa ni wa kubonga, ni ku khoma ntiro, ni ku dumisa Jehova, ni ku yimbelela lomu tinyangweni ta wugovelo ga Jehova. Levi 8:35; Mitse. 4:3

2 Kronekele 35:10

Makunu laha a ntiro wu nga wa lulamisilwe, a vapristi va lo yima matshanwini yabye, a vaLevi va yima hi mitlawa yabye, kota kuleletela ka hosi.

2 Kronekele 35:15

A vayimbeleli, a vana va Asafa, va wa hi wutshanwini gabye, khwatsi hi kuleletela ka Davida, na Asafa, na Hemani, na Jedutuni a muwoni wa hosi, ni vahlayisi va tinyangwa va wa hi lomu tinyangweni tontlhe; a va sukangi mitirweni yabye, hakuva a vanakulobye, a vaLevi, va va longisele Pasika.

2 Kronekele 35:4

Ti longiseleni hi tiyindlu ta vadadani va nwina, hi mitlawa ya nwina, kota lezi ku tsalilweko hi Davida a hosi ya ka Israeli ni nʼwana wakwe Solomoni;

2 Kronekele 5:11

Ni laha vapristi va nga wa humile hi lomu wutshanwini ga kubasabasa (hakuva vontlhe vapristi lavo va nga wa hi kona va wa ti basisile, va wa nga lanzelangi a nayo wa mitlawa;

2 Kronekele 8:15

A va mahangi lezi zi hambeneko ni kuleletela ka hosi xungetano ni vapristi, ni vaLevi, ni titshomba.

Ezra 6:18

Va lo yimisa vapristi mitlaweni yabye, ni vaLevi mitlaweni yabye, a kuva va tira mitiro ya Nungungulu wa le Jerusalema, kota lezi ku tsalilweko bhukwini ga Mosi.

Nehemia 12:24

A tinduna ta vaLevi: Haxabia, Xerebia, na Jexua nʼwana Kadmieli, ni vanakulobye lava va cuwukeneko navo; va wa dumisa ni ku bonga, kotisa zileletelo za Davida a munhu wa Nungungulu; a ntlawa wu cuwukana ni wunwani ntlawa.

Nehemia 12:25

Matania, Bakbukia, Obadia, Mexullamu, Talmoni, na Akuba, va wa hi varinzeli va tinyangwa ta yindlu ya wuveketelo, yi nga hi le ti nyangweni.

Nehemia 12:36

ni vanakulobye Xemaia, na Azareli, Milalai, Gilalai, Maai, Netaneli, na Juda, Hanani, ni zibya za wucenje za Davida a munhu wa Nungungulu; na Ezra mutsali a rangile mahlweni kabye.

Luka 1:5

A masikwini ya Herodi, a hosi ya le Judia, ku wa hi kona a mupristi wo kari, a vitwako Zakaria, wa ntlawa wa Abija; a sati wakwe i wa hi wa vana va ka Aroni, a vito gakwe i wa hi Elizabeti. Mat. 2:1; Neh. 12:4

Luka 1:8

Ku te laha Zakaria na tira a ntiro wa wupristi mahlweni ka Nungungulu hi xikhati xa ntlawa wakwe, 2 Kro. 8:14

Mitiro 13:22

Kanilezi i lo mu susa, a yimisa Davida a kuva hosi yabye, loyi Nungungulu a nga maha wukustumunyu ha yena, aku: Nzi mu kumile Davida nʼwana Jese, a nga munhu wa mbilu ya mina, loyi a ta nga maha kontlhe kuranza ka mina. 1 Sam. 16:1, 13; Tis. 89:20

Mitiro 13:36

Hakuva anzhako ka kuva Davida a tirile a khungo ga Nungungulu xizukulwaneni xakwe, i lo etlela, a lahliwa zinwe ni vakoko vakwe, a wona kubola;

Deuteronome 33:1

Lexi hi xikatekiso xa Mosi, a munhu wa Nungungulu, lexi a nga katekisa ha xona a vanana va ka Israeli na a nga se kufa, aku: