2 Kronekele 8:13 - Tshwa Bible

¹³ a nyikela miphahlelo ya siku ni siku khwatsi hi lezi Mosi a leleteleko, ya masabado, ni ya kusangula ka hweti, ni ya mibuzo, makhati manharu hi lembe, ni mibuzo ya zibaba zi nga comelwangiko, ni mibuzo ya tisonto, ni mibuzo ya matabernakeli. Levi 23:37; Mitse. 28:2

2 Kronekele 8:13 교차 참조

1 Tihosi 9:25

Zikhati zinharu hi lembe Solomoni i lo nyikela miphahlo ya kuhiswa ni ya kurula laha ka alati legi a nga wa gi akele Jehova, ni ku hisa libani hehla ka gona legi gi nga wa hi mahlweni ka Jehova. Zinghaho a mbheta za yindlu.

2 Kronekele 2:3

Solomoni i lo rumela mhaka ka Huramu, a hosi ya le Tire, aku kakwe: Hi nga nzi mahela lezi u nga mahela dadani wa mina Davida—u nzi rumela a tisinya ta sedare, kasi nza fela ku ti akela ha tona a yindlu yo tshama ka yona.

Nehemia 8:17

Yontlhe hlengeletano ya lava va nga wa humele wukhumbini, yi lo aka mixaxa va tshama lomo; hakuva kusukela masikwini ya Jexua nʼwana Nuni kala lego siku, a vanana va ka Israeli va wa nga maha zo kota lezo. Ku wa hi ni kutsaka ka hombe nguvu.

Eksodusi 34:22

U ta maha a mubuzo wa maviki, wu nga wona wa mavele yo ranga, ni mubuzo wa kutsutsela kumbheleni ka lembe.

Eksodusi 34:23

A vavanuna vontlhe xikari ka nwina va ta ti wonekelisa kanharu hi lembe mahlweni ka Hosi Jehova, Nungungulu wa Israeli.

Ezekieli 45:17

Ku tava fanelo ya hosana a ku humesa a minyikelo ya kuhiswa, ni ya tinzhoho, ni ya kunwa, lomu mibuzweni ni xikhatini xa kuwoneka ka hweti, ni masiku ya sabado, ni tihlengeletanweni tontlhe ta yindlu ya ka Israeli. Hi yona yi ta nga humesa minyikelo ya kuonha, ni ya tinzhoho, ni ya kuhiswa, ni ya kurula, kasi ku mahela nzhiho a yindlu ya ka Israeli.

Deuteronome 16:16

Wanuna munwe ni munwani i ta ya ti wonekelisa mahlweni ka Jehova Nungungulu wa wena zikhati zinharu hi lembe, laha ka wutshamu lego Jehova a ta nga gi hlawula; lezo hi lezaku mubuzo wa zibaba zi nga hiko na comelo, ni mubuzo wa maviki, ni mubuzo wa mixaxa, kanilezi va nga ti wonekelisi mahlweni ka Jehova na va nga welelangi nchumu;