2 Kronekele 8:12 - Tshwa Bible

¹² Zonake Solomoni lo maha a munyikelo wa kuhiswa laha alatini ga Jehova, legi a nga wa gi akile mahlweni ka nyangwa,

2 Kronekele 8:12 교차 참조

1 Kronekele 28:17

Ni ka mafoloko, ni mingelo, ni tikopo za nzalama yo saseka, ni ka maguwana ya nzalama, ni kutika ka guwana ginwe ni ginwani, ni ka maguwana ya siliva, hi kutika ka guwana ginwe ni ginwani.

2 Kronekele 1:6

Solomoni i lo mahela laho munyikelo wakwe mahlweni ka Jehova, a muphahlo wa kuhiswa wa 1,000 laha alatini ga suku legi gi nga wa hi mahlweni ka tenda ga mutlhangano.

2 Kronekele 15:8

Laha Asa a ngazwa a timhaka leti ti nga hlawutelwa hi muprofeti Odedi, i lo tiya hlana, a susa wontihe manyalataniso ya tiko gontlhe ga ka Juda ni ga ka Benjamini, ni lomu mitini leyi a nga wa yi tekile le xitsungeni xa ka Efraime; i lo sasisa a alati ga Jehova legi gi nga hi mahlweni ka nyangwa ya ka Jehova.

2 Kronekele 4:1

Tlhatakumbiri, i lo maha a alati ga suku; a kuleha ka gona gi wa hi 20 wa mikono, a kuanama ka gona gi wa hi 20 wa mikono, ni kutlakuka ka gona gi wa hi 10 wa mikono. Ekso. 27:1

Ezekieli 45:17

Ku tava fanelo ya hosana a ku humesa a minyikelo ya kuhiswa, ni ya tinzhoho, ni ya kunwa, lomu mibuzweni ni xikhatini xa kuwoneka ka hweti, ni masiku ya sabado, ni tihlengeletanweni tontlhe ta yindlu ya ka Israeli. Hi yona yi ta nga humesa minyikelo ya kuonha, ni ya tinzhoho, ni ya kuhiswa, ni ya kurula, kasi ku mahela nzhiho a yindlu ya ka Israeli.

Ezekieli 8:16

I lo nzi yisa hubyeni ya lomu xikari ka yindlu ya ka Jehova. Languta, laha nyangweni ya tempeli ya Jehova, xikari ka nyangwa ni alati, ku wa hi ni Xipimo xa 25 wa vavanuna, na va fularele a tempeli ya Jehova, a tinghohe tabye na ti cuwukile Mutsuwuka-gambo, na va khozela a gambo hi tlhelo ga Mutsuwuka-gambo, 2 Tih. 23:5, 11

Joeli 2:17

A vapristi va nga malanza ya Jehova, a va rile laha xikari ka ligumbagumba ni alati, vaku: Rivalela a vanhu va wena Jehova, u nga nyikeli a tshomba ya wena a kuva yi tseketselwa, yi hlekiwa hi vamatiko. Ku ta wulelwa yini xikari ka matiko, vaku: I kwihi a Nungungulu wabye?

Johani 10:23

Jesu i wa kari a fambafamba lomo tempeleni, a ligumba-gumbeni la Solomoni. Miti. 3:11; 5:12