2 Kronekele 6:32 - Tshwa Bible

³² Tlhatakumbiri, xungetano ni wamatiko, loyi a nga hiko wa ka Israeli, na a sukela tikweni ga le kule hi kota ya vito ga wena ga hombe, hi kota ya canja ga wena ga ntamu, ni woko ga wena gi nawulutilweko, loku yena a khongela na cuwukile ngomama ni yindlu leyi,

2 Kronekele 6:32 교차 참조

2 Tihosi 5:15

Namani i lo tlhela ni vanhu vakwe aya ka munhu wa Nungungulu; laha na chikele i lo yima mahlweni kakwe, aku: Nza zi tiva lezaku a nga kona Nungungulu lomu misaveni yontlhe, saseka lomu tikweni ga ka Israeli. Makunu amukela a xinyikiwo lomu canjeni ga nanza ga wena.

2 Tihosi 5:3

Yena i te ngalo ka nwinyi wakwe: Loku a hosi ya mina yiya ka muprofeti loyi a nga le Samaria, i wa ta mu hanyisa.

2 Tihosi 5:8

Laha Elixa a munhu wa Nungungulu a nga wa zi zwile lezaku a hosi ya ka Israeli yi hanzule a tinguwo ta yona, i lo rumela a munhu ka hosi, a yaku: Hi kuyini u hanzula a tinguwo ta wena ke? A ate seno ka mina, kasi a fela ku zi tiva lezaku lomu tikweni ga ka Israeli ku na ni muprofeti.

2 Kronekele 6:31

kasi vona va fela ku ku chava, va famba hi tindlela ta wena masikwini wontihe lawa va ta nga hanya lomu tikweni legi u gi nyikileko ka vararu va hina!

Tisimu 136:12

Hi canja ga ntamu ni woko gi nawulutilweko, Hakuva a wuxinji gakwe ga kala kupinzuka. Deut. 4:34

Tisimu 89:13

U na ni woko gi tiyileko, A canja ga wena gi na ni ntamu; A canja ga wena ga xinene gi tlakukile.

Eksodusi 13:14

Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Isaya 66:20

Va ta neha vamakwenu vontlhe hi le matikweni a kuva munyikelo ka Jehova. Va tata na va khilele mahaxi, ni tikareta, va tlakuliwa hi machira, vanwani va famba hi mamula ni makameli, vaya xitsungeni xa mina xi basileko le Jerusalema, ku wula Jehova; va nehiwa khwatsi hi vanana va ka Israeli va nehako minyikelo yabye lomu zibyeni zi basileko a ndlwini ya Jehova. Levi 2:1

Zakaria 8:22

Ina, a matiko yo tala ni mifumo ya ntamu yi tata ku ta hlota Jehova wa tiyimpi lomu Jerusalema, ni ku khongela Jehova.

Mateu 12:42

A muzinza wa le Dzongeni i ta suka a yima kulamuleni zinwe ni xizukulwana lexi, i ta xi kona; hakuva i tile hi le magemeta-musi a ku tazwa a wutlhari ga Solomoni; kasi a wahombe ku hunza Solomoni i kona laha. 1 Tih. 10:1; Lu. 11:31

Mateu 2:1

Laha Jesu na belekilwe Betlehema wa le Judia, a masikwini ya hosi Herodi, a vanhu vo tlhariha va le Mutsuwuka-gambo va lota le Jerusalema, vaku: Lu. 2:4, 6, 7

Johani 10:16

Nzi na ni tiyivu tinwani, leti ti nga hiko ta lowu ntlhambi; na tona kambe nzi fanele ku ti neha, ti ta ingisa a gezu ga mina. Zonake ku tava ni ntlhambi munwe ni murisi munwe. Isa. 56:8; Ezek. 37:22; Efe. 2:14

Johani 12:20

Ku wa hi kona a vaGreki vo kari xikari ka lava va tileko a ku ta khozela mubuzweni. 1 Tih. 8:41; Miti. 8:27; 17:4

Mitiro 2:10

le Frigia, ni le Pamfilia, le Gipite, ni matlhelo ya Libia kusuhani ka Kirene, ni valuveli va le Roma, a vaJuda ni vaproselita, Ekso. 12:48; Isa. 56:6

Joxua 2:9

na yena i te ngalo kabye: Nza zi tiva lezaku Jehova i mu nyikile legi tiko, hina hi na ni manyeho hi nchavo lowu mu wu vuxileko, ni vontlhe vaaki Va tiko va mbhelile ntamu hi kota ya nwina. Ekso. 15:14; 23:27

Joxua 9:9

Vona va te ngalo kakwe: Malanza ya wena mata hi le tikweni ga le kule nguvu hi kota ya vito ga Jehova, Nungungulu wa wena, hakuva hina hi zwile wudumo ga yena, ni zontlhe lezi a zi mahileko le Gipite,

Rute 1:16

Kanilezi Rute i lo hlamula, aku: U nga nzi khongoteli ku ku tsika nzi tlhela. Hakuva ni kwihi laha u yako kona, minawu nzi taya; ni kwihi laha u tshamako kona, minawu nzi ta tshama laho. A vanhu va wena mbanhu va minawu; a Nungungulu wa wena i Nungungulu wa minawu.