2 Kronekele 6:14 - Tshwa Bible

¹⁴ aku: Jehova Nungungulu wa ka Israeli, cima a ku na Nungungulu a fananako na wena, le tilweni ni laha misaveni; wena loyi u hlayisako a xivumelwano xa wena ni ku va mahela wuxinji a malanza ya wena lawa ma fambako mahlweni ka wena hi timbilu ta wona tontlhe; Ekso. 15:11; Deut. 4:39; 7:9

2 Kronekele 6:14 교차 참조

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 33:20

Laho i lo aka a alati, i lo gi chula ku ngalo hi El-Elohe-Israeli.

Genesisi 35:10

Nungungulu i te ngalo kakwe: A vito ga wena u Jakobe, kanilezi a vito ga wena va nga ta ha wula vaku Jakobe; a vito ga wena u Israeli; zalezo i lo mu chula vito ga Israeli.

Genesisi 5:24

Enoki i lo famba zinwe na Nungungulu; na yena i lo nyamalala, hakuva i lo tekwa hi Nungungulu. Maheb. 11:5

2 Samueli 7:22

Hikwalaho u wa hombe, Jehova Nungungulu! Hakuva a nga kona munwani wa ku fanana na wena, a nga kona Nungungulu ahandle ka wena, kukotisa zontlhe hi zi zwileko hi tindleve ta hina. Deut. 3:24; Isa. 44:6; Mar. 12:29, 32

1 Tihosi 18:36

Zonake hi xikhati xa ku nyikela a muphahlelo wa gambo, muprofeti Elija i lo tshinela laha kusuhani, aku: Jehova, Nungungulu wa Abrahama, na Isaka, na Israeli, a zi tibyiwe inyamutlha lezaku wena u Nungungulu wa ka Israeli, ni lezaku mina nzi nanza ga wena, ni lezaku mina nzi mahile lezi hi kota ya kuleletela ka wena! Ekso. 3:6; Mat. 22:32

1 Tihosi 3:6

Solomoni i lo hlamula, aku: U kombisile tipswalo ta hombe ka nanza ga wena Davida, a dadani wa mina, hi lezi a fambileko hi zinene mahlweni ka wena, ni kululama, ni nongameto ya mbilu; u mu hlayisele a tipswalo leti ta hombe, zonake u mu nyikile u nwanana loyi a tshamileko xitshanwini xa yena xa wuhosi kota lezi zi nga zona nyamutlha.

1 Tihosi 6:12

Xungetano ni yindlu leyi u akako, loku wena u famba hi milayo ya mina, ni loku wena u maha zileletelo za mina, u hlayisa milayo ya mina yontlhe, u famba ha yona, nzi ta tatisa a gezu ga mina legi nzi gi wulileko ka raru wa wena Davida.

1 Tihosi 8:23

Jehova Nungungulu wa ka Israeli! A nga kona munwani Nungungulu a fananako na wena, le hehla tilweni hambu lahasi misaveni; wena u loyi a hlayisako a xivumelwano ni tipswalo ka malanza ya wena lawa ma fambako mahlweni ka wena hi timbilu tontlhe ta wona.

1 Kronekele 29:10

Hikwalaho i lo bonga Jehova mahlweni ka tlhangano wontihe, aku: A ku bongiwe Jehova Nungungulu wa ka Israeli, a dadani wa hina, kala kupinzuka ni kupinzuka!

1 Kronekele 29:20

Davida i te ngalo ka wontihe tlhangano: Dumisani Jehova Nungungulu wa nwina! Zonake wontihe tlhangano wu lo dumisa Jehova Nungungulu wa vadadani vabye, va khizama mahlweni ka Jehova ni ka hosi.

2 Kronekele 20:6

aku: Jehova Nungungulu wa vadadani va hina, a hi wena Nungungulu wa le tilweni ni mufumeli wa matiko wontihe ke? Canjeni ga wena ku na ni ntamu ni wunhenha; a nga kona munhu a zi kotako kulwa na wena.

2 Kronekele 6:17

Jehova Nungungulu wa ka Israeli, ngha gezu ga wena, legi u gi wulileko ka nanza ga wena Davida, gi tatiseka makunu!

Nehemia 1:5

nziku: Nza ku khongotela Jehova, wena Nungungulu wa tilo, Nungungulu wa hombe a chavekako, loyi a hlayisako a xivumelwano, a mahela wuxinji lava va mu ranzako va hlayisako zileletelo zakwe, Ekso. 20:6; Mitse. 14:18; Dan. 9:4

Tisimu 86:8

Xikari ka vanungungulu a nga kona a fananako na wena, Hosi, A yi kona mitiro yi fananako ni ya wena. Ekso. 15:11; Deut. 3:24

Tisimu 89:28

Nzi ta mu hlayisela a wuxinji ga mina kala kupinzuka, A xivumelwano xa mina na yena xi ta tiya.

Tisimu 89:6

Hakuva himani le tilweni a nga ecanyiswako na Jehova? Himani xikari ka vana va Nungungulu a fananako na Jehova?

Tisimu 89:8

Jehova, Nungungulu wa tiyimpi, Himani a nga ni ntamu wo fanana ni wa wena, Jehova; A kutsumbeka ka wena ku ku ranzele.

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Eksodusi 3:15

Nungungulu a engeta aku ka Mosi: U ta va byela uku: Jehova, Nungungulu wa vararu va nwina, Nungungulu wa Abrahama, Nungungulu wa Isaka, Nungungulu wa Jakobe, i nzi rumele ka nwina. Hi vito ga mina ga kala kupinzuka; i vito ga xialakanyiso xa mina zizukulwaneni zontlhe.

Eksodusi 8:6

Aroni i lo tlakusa a canja gakwe hehla ka mati ya Gipite; a makhele ma lo huma, ma tata a tiko ga Gipite.

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 10:6

A nga kona a fananako na wena, O Jehova; U wa hombe, a vito ge wena ga hombe hi ntamu.

Danieli 9:4

Nzi lo kombela Jehova a Nungungulu wa mina, nzi wulela nziku: Hosi, Nungungulu wa hombe ni wo chavisa, loyi a hlayisako a xivumelwano ni tipswalo ka lava va mu ranzako, va hlayisako zileletelo zakwe; Deut. 7:8; Neh. 1:5

Luka 1:50

A zizukulwaneni zontlhe a wuxinji gakwe gi ka lava va mu chavako.

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Luka 1:72

Kasi ku va mahela wuxinji a vararu va hina, Ni ku alakanya a xivumelwano xakwe xo basa, Levi 26:42; Tis. 98:3; Ezek. 16:60

Deuteronome 3:24

Hosi Jehova, wena u sangule ku kombisa ka nanza ga wena a wukulu ga wena, ni ntamu wa canja ga wena, hakuva hi wihi nungungulu le tilweni ni laha misaveni a nga mahako mi-tiro yo kota ya wena ke?

Deuteronome 4:39

Zi tive nyamutlha, u zi alakanya mbilwini ya wena, lezaku Jehova i Nungungulu loyi a nga hehla tilweni ni lahasi misaveni; a ku na munwani,

Deuteronome 7:9

Zi tive lezaku Jehova Nungungulu wa wena hi yena Nungungulu; i Nungungulu a tsumbekako, loyi a hlayisako xivumelwano xakwe ni wuxinji, kala ka xizukulwana xa khume ga mazana xa lava va mu ranzako, ni ka lava va hlayisako milayo yakwe. Ekso. 20:6; 34:7

1 Va le Tesalonika 2:12

Kasi ma famba hi kufaneleko Nungungulu, loyi a mu vitaneleko mufunweni wakwe ni kungangameleni kakwe. Kol. 1:10; 1 Ped. 1:15