2 Kronekele 34:7 - Tshwa Bible

⁷ a fayetela zifananiso za Axtarte, ni zifananiso zi vatlilweko a zi maha tsutsungwani, a tsema zifananiso za gambo lomu tikweni gontlhe ga ka Israeli; zonake i lo tlhelela Jerusalema.

2 Kronekele 34:7 교차 참조

2 Tihosi 10:26

Va lo humesela zifananiso lomu ndlwini ya Baali va zi hisa.

2 Tihosi 23:15

Ni kambe i lo khungumula a alati legi gi nga wa hi le Beteli, ni wutshamu gi tlakukileko legi gi nga wa mahilwe hi Jeroboamu nʼwana Nebate, loyi a onhisileko va ka Israeli; i lo khungumula a alati lego ni wutshamu gi tlakukileko, a hisa a yindlu ya kona a yi maha tsutsungwani, a hisa ni xifananiso xa Axtarte.

2 Tihosi 23:19

Josia i lo susa ni tontlhe tiyindlu ta lomu ka matshamu ma tlakukileko ti nga wa hi lomu mitini ya tiko ga Samaria ti nga wa mahilwe hi tihosi ta ka Israeli, va zangarisa Jehova; i lo ti maha khwatsi hi leti ta le Beteli.

2 Kronekele 14:2

Asa i lo maha kusaseka ni kululama mahlweni ka Jehova Nungungulu wakwe.

2 Kronekele 14:5

I lo suselela matshamu ma tlakukileko ni zifananiso za gambo ka yontlhe miti ya ka Juda. A tiko gi lo rula xikhatini xakwe.

2 Kronekele 31:1

Makunu laha zontlhe lezi zi nga wa mbhetekile, vontlhe va ka Israeli lava va nga wa hi kona va lo suka vaya mitini ya va ka Juda va ya fayetela zifananiso, va tsema matshamu ya zifananiso za Axtarte, va khungumula matshamu ma tlakukileko ni maalati tikweni gontlhe ga va ka Juda ni ga ka Benjamini, ni ga ka Efraime, ni ga va ka Manasa kambe, va kala va mbheta zontlhe. Zonake vontlhe va ka Israeli va lo tlhelela mitini yabye.

2 Kronekele 34:1

Josia i wa hi ni 8 wa malembe a xikhati a nga sangula ku fuma; i lo fuma 31 wa malembe le Jerusalema.

Eksodusi 34:13

Kanilezi mu ta khungumula maalati yabye, mu fayetela zifananiso zabye, mu tsema ni zifananiso za Axtarte.

Isaya 17:8

Va nga ta cuwuka maganzelweni lawa ma mahilweko hi mandla yabye; Ge, hambu ku khatalela a mitiro ya titiho tabye, A zifananiso za Axtarte kutani za gambo.

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Mika 1:7

A zifananiso zakwe zontlhe zi vatlilweko zi ta fayetelwa, ni minzhiho leyi a yi amukeleko hi wubhayi yi ta hiswa hi nzilo, nzi khungumulela a zifananiso zakwe za vanungungulu; hakuva i zi kumile hi nzhiho wa wubhayi, zi ta tlhela zi maha hakhelo ya xibhayi. Deut. 23:18; Hos. 2:5

Deuteronome 9:21

A xionho xa nwina, gi nga gona role legi mu gi mahileko, nzi lo gi teka nzi gi hisa, ni ku gi fayetela, nzi gi gaya nzi gi silisisa, nzi maha tsutsungwani ha gona, zonake nzi wu chela lomu congweni lowu wu tako hi le xitsungeni.