2 Kronekele 34:3 - Tshwa Bible

³ Hakuva hi lembe ga wu 8 ga kufuma kakwe, na ha hi muswa, i lo sangula ku hlota Nungungulu wa dadani wakwe Davida. Hi lembe ga wu 12 ga kufuma kakwe i lo sangula ku basisa va ka Juda ni va le Jerusalema, a susa a tiyindlu ta matshamu ma tlakukileko, ni zifananiso za Axtarte, ni zifananiso zi vatlilweko ni lezi zi wumbilweko.

2 Kronekele 34:3 교차 참조

1 Tihosi 13:2

Yena i loba huwa mahlweni ka alati hi gezu ga Jehova, aku: Alati, alati! Jehova i ngalo: Languta, ku ta belekiwa a nisanyana lomu ndlwini ka Davida, a vito gakwe hi Josia. Yena i ta phahlela hehla ka wena hi vapristi va legi wutshamu gi tlakukileko, lava va hisako libani hehla ka wena, ku ta hiswa ni marambu ya vanhu hehla ka wena!

2 Tihosi 10:27

Va lo khungumula a xifananiso xa Baali, va khungumula a yindlu ya Baali va maha a tala ha yona kala nyamutlha.

2 Tihosi 18:4

I lo susa a matshamu ma tlakukileko, a fayetela a zifananiso, a khungumulela a zifananiso za Axtarte, a fayetela ni nyoka ya suku leyi yi nga wa mahilwe hi Mosi; hakuva kala masikwini lawo a vanana va ka Israeli va wa hisa tibani mahlweni ka yona; yena i lo yi chula vito ga Nehuxtani. Ekso. 34:13; Mitse. 21:9; Deut. 7:5

2 Tihosi 20:5

Tlhela uya ka Hezekia, a murangeli wa vanhu va mina, u yaku kakwe: Jehova Nungungulu wa dadani wa wena Davida, i ngalo: Nzi zwile mukhongelo wa wena, nzi wonile mihloti ya wena; nzi ta ku hanyisa. Hi siku ga wunharu u ta kanziha uta ndlwini ya Jehova.

2 Tihosi 23:14

I lo fayetela a zifananiso, a tsemelela ni zifananiso za Axtarte, a tata wutshamu ga zona hi marambu ya vanhu. Ekso. 34:13; Deut. 7:5

2 Tihosi 23:4

A hosi yi lo leletela mupristi wa hombe Hilkia, ni vapristi va tsongwani, ni vahlayisi va nyangwa a ku humesa lomu tempeleni ya Jehova zontlhe lezi zi mahelweko Baali na Axtarte, ni handla gontlhe ga tilo, a zi hisa lahandle ka Jerusalema, le koveni wa Kidroni, a yisa a khuma ga kona le Beteli.

1 Kronekele 22:5

Hakuva Davida i waku: A nʼwana wa mina Solomoni wa ha hi muswa, a nga na ntamu; kanilezi a yindlu leyi yi ta nga aketwa Jehova yi fanele ku saseka nguvu, yi dzunzeka ni ku dumiswa lomu matikweni wontihe. Hikwalaho nzi ta yi longisela. Zinghaho Davida i lo longisela a zilo zinyingi na a nga se kufa.

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

1 Kronekele 29:1

Hosi Davida i te ngalo ka tlhangano: A nʼwana wa mina Solomoni, loyi ku nga yena a hlawulweko hi Nungungulu, wa hi tsongwani, a nga se ngava ni ntamu, kanilezi a ntiro ngwa hombe, hakuva a yindlu leyo a hi ya munhu, kanilezi nja Jehova Nungungulu.

2 Kronekele 14:6

I lo aka a miti ya makhokhola lomu tikweni ga ka Juda, hakuva a tiko gi wa rulile; ku wa nga hi na yimpi lomu tikweni ka lawo malembe, hakuva Jehova i wa mu nyikile kuhumula.

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

2 Kronekele 30:14

Va lo sangula ku susa a maalati lawa ma nga wa hi le Jerusalema, va susa ni maalati ya ku hisela tibani, va ma hoxa le xicongwaneni xa Kidroni.

2 Kronekele 33:15

I lo susa a vanungungulu va vamatiko lomu ndlwini ya Jehova, ni zifananiso, ni maalati wontihe lawa a nga wa ma akile xitsungeni xa yindlu ya Jehova ni Jerusalema, a zi hoxa lahandle ka muti.

2 Kronekele 33:17

Kanilezi a vanhu a va tsikangi a ku phahlela lomu zitsungeni; ntsena lezaku va wa phahlela kona Jehova Nungungulu wabye.

2 Kronekele 33:22

I lo maha kubiha mahlweni ka Jehova, khwatsi hi lezi a mahileko a raru wakwe Manasa, a phahlela zifananiso zontlhe zi mahilweko hi raru wakwe, a zi khizamela.

2 Kronekele 34:33

Josia i lo susa a manyala wontihe ya matiko wontihe ya vanana va ka Israeli, a maha vontlhe lava va nga wa hi tikweni ga ka Israeli va khozela Jehova Nungungulu wabye. Masikwini yakwe wontihe cima a va fularelangi Jehova Nungungulu wa vadadani vabye.

Tisimu 119:9

A jaha gi nga basisisa kuyini a ndlela ya gona ke? Hi ku gonga a mhaka ya wena.

Tisimu 71:5

Hakuva u xitsumbo xa mina, O Hosi Jehova; Nzi ku tsumbile kusukela wusweni ga mina.

Eksodusi 34:13

Kanilezi mu ta khungumula maalati yabye, mu fayetela zifananiso zabye, mu tsema ni zifananiso za Axtarte.

Mavingu 20:11

Hambu a nwanana i ta tibyiwa hi zimaho zakwe, oku mitiro yakwe yi basile, kutani yi lulamile.

Mavingu 8:17

Nzi ranza lava va nzi ranzako; ava va nzi lavisisako va nzi kuma.

Mutshawuteli 12:1

Alakanya Muvangi wa wena masikwini ya wuswa ga wena, na ku nga se kuta a masiku ya kubiha, na ma nga se ku chikela malembe lawa u ta nga wula ha wona, aku; A nzi tsakiswi ha wona; Tis. 71:17; 119:9

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Mika 1:5

Zontlhe lezo zi ta maheka hi kota ya zihambunyeto za Jakobe ni zionho za yindlu ya ka Israeli, A xihambunyeto xa Jakobe xi huma kwihi? A hi le Samaria ke? Hi wahi a matshamu yo tlakuka ya ka Juda? A hi Jerusalema ke?

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

2 Timote 3:15

ni lezaku a kusukela wuhlangini ga wena u tivile a mitsalo yo basa, leyi yi nga ni ntamu a ku ku maha u tlhariha, u kala u hanyiswa hi kukholwa loku ku nga ka Kristu Jesu. Tis. 119:11; Joh. 20:31; Rom. 10:17