2 Kronekele 32:31 - Tshwa Bible

³¹ Makunu laha a tihosi ta le Babuloni ti nga rumela a mitsumi ka yena a ku ta mu wutisa hi zihlamaliso lezi zi humelelako lomu tikweni ga va ka Israeli, Nungungulu i lo mu tsika a mu ringa, kasi ku tiva zontlhe zi nga wa hi mbilwini yakwe.

2 Kronekele 32:31 교차 참조

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

Johani 15:5

Mina nzi tshinya ga vina, nwina mu maravi. Loyi a tshamako ka mina, na mina ka yena, yaloye wa pswala mihanzu yo tala; hakuva ahandle ka mina a mu zi koti ku tira nchumu. Hos. 14:8; Fil. 1:11

Mavingu 17:3

A mbita yo nyekisela nja siliva, ni nzhimbo ngwa nzalama; anilezi Jehova i ringa timbilu.

2 Kronekele 32:24

Masikwini lawo Hezekia i lo babya wubabyi ga mahati; i lo khongela ka Jehova, Jehova a mu hlamula, a mu wonisa xiwoniso. 2 Tih. 20:1; Isa. 38:1

Genesisi 22:1

Zonake anzhako ka lezo zilo, Nungungulu i lo ringa Abrahama aku ngalo: Abrahama! Aku: Nzi laha. Maheb. 11:17-19

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Deuteronome 8:16

loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.

Jakobe 1:13

Loku munhu a ringwa ngha a nga wuli, aku: Nzi ringwa hi Nungungulu; hakuva Nungungulu a nga zi koti ku ringwa hi kubiha, yena wutsumbu a nga na ku ringa munhu.

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

Valamuli 16:20

I te ngalo kakwe: Ehe! Samsoni, Hi lawa maFilistia! I lo vuka hi lomu Wurongweni gakwe, aku: Nzi ta ti ponisa khwatsi hi manwani masiku, nzi ti vikela mandleni yabye; na a nga zi tivi lezaku Jehova i humile ka yena.

Deuteronome 13:3

u nga ingisi timhaka ta muprofeti loye ni mulori loye, hakuva Jehova Nungungulu wa nwina hi yena a mu ringako, kasi ku tiva lezaku xana ma ranza Jehova Nungungulu wa nwina hi timbilu tontlhe ta nwina ni mihefemulo yontlhe ya nwina.

Tisimu 27:9

U nga fihli a nghohe ya wena ka mina, U nga hlongoli a nanza ga wena hi zanga; Wena loyi u nga muvuneteli wa mina, u nga nzi hlongoli, hambu ku nzi tsika, Nungungulu wa kuhanyiswa ka mina.

2 Kronekele 32:25

Kanilezi Hezekia a nga tlheliselangi Nungungulu a wunene legi a mahelweko gona, hakuva a mbilu yakwe yi wa ti kukumukisa; hikwalaho a zanga ya Jehova yi wa hi hehla kakwe ni ka va ka Juda ni le Jerusalema.

2 Kronekele 32:32

A zinwani zimaho za Hezekia, ni wukhongeli gakwe, zi tsalilwe lomu bhukwini ga miwoniso ya muprofeti Isaya nʼwana Amozi, lomu bhukwini ga Matimu ya tihosi ta ka Juda ni ta ka Israeli.