29 Tlhatakumbiri i lo ti akela a miti ni mitlhambi yo tala ya zifuyo zo hombe ni zitsongwani, hakuva Nungungulu i wa mu nyikile a tshomba ya hombe nguvu.
A mufumo ni wudumo zita hi ka wena; wena u fumelako zilo zontlhe; a ntamu ni wunhenha zi le canjeni ga wena; hi wena u zi kotako a ku nyika wukulu ni ntamu ka vontlhe.
Zinghaho Jehova i lo katekisa magumo ya Joba ku hunza masangulo yakwe: hakuva i wa hi ni 14,000 wa tiyivu, ni 6,000 wa makameli, ni 1,000 wa mipatswa ya tikavi, ni 1,000 a mapswele ya timbongola.
Ni tshomba yakwe yi wa hi 7,000 wa tiyivu, ni 3,000 wa makameli, ni 500 wa mipatswa ya tikuzi, ni 500 va mapswele ya timbongola, ni maanza yo tala; hikwalaho a munhu oye i wa hi wa hombe ka vontlhe vanhu va le tikweni ga Mutsuwuka-gambo.
I lo aka makhokhola le xiwuleni, a kela tihlowo tinyingi lomo, hakuva i wa hi ni tihomu to tala lomu mikoveni ni lomu tibaleni, ni varimi, ni varimi va zivina le zitsungeni za Karmeli, hakuva i wa ranza mitiro ya wurimo.
Amazia i te ngalo ka munhu wa Nungungulu: Nzi ta maha yini hi titalenta leti ta 100 nzi ti nyikeleko ka yimpi ya va ka Israeli? A munhu wa Nungungulu i lo hlamula, aku: Jehova i ta ku nyika zo tala nguvu ku hunza lezo.
Alakanya Jehova Nungungulu wa wena, hakuva hi yena a ku nyikileko ntamu a ku ti lavela tshomba, a kuva a tiyisa xivumelwano lexi a hlambanyileko ka vararu va wena, khwatsi hi lezi a mahako ni nyamutlha lezi.
I lo ti akela a tiyindlu to hlayisela kona mavele, ni vinya, ni mafura, a ti akela ni maranga ya zifuyo za tixaka ti tsalangeneko, a ti lavela mitlhambi ya zona.
Zinghaho Jehova i lo tiyisa mufumo lowu mandleni yakwe; hikwalaho vontlhe vaJuda va lo ta luva ka Jehoxafate; i wa hi ni tshomba ya hombe nguvu, ni wudzunzo ga hombe.
