2 Kronekele 32:25 - Tshwa Bible

²⁵ Kanilezi Hezekia a nga tlheliselangi Nungungulu a wunene legi a mahelweko gona, hakuva a mbilu yakwe yi wa ti kukumukisa; hikwalaho a zanga ya Jehova yi wa hi hehla kakwe ni ka va ka Juda ni le Jerusalema.

2 Kronekele 32:25 교차 참조

2 Samueli 24:1

A zanga ya Jehova yi lo engeta yi vukela va ka Israeli; i lo kucetela Davida a ku va vukela, aku: Famba u ya hlaya va ka Israeli ni va ka Juda.

2 Tihosi 14:10

Wena u hlulile Edomi, makunu a mbilu ya wena ya ti kukumukisa; tsaka hi wudumo ga wena u tshama kaya ka wena! Hi kuyini u ti vuxela hlomulo, laha ka kuva u ta nga hluliwa wena zinwe na Juda ke?

2 Tihosi 20:12

Xikhatini xwalexo Berodaki-Baladani nʼwana Baladani a hosi ya le Babuloni, i lo rumela a papilo ni zinyikiwo ka Hezekia, hakuva i wa zwile lezaku i wa babya.

2 Tihosi 20:13

Hezekia i lo ingisa mitsumi leyi yi rumilweko, a va kombisa yontlhe yindlu leyi yi nga hi ni titshomba takwe, a nzalama ni siliva, ni makha, ni mafura yo nuhela, ni wontihe matlhari yakwe, ni yontlhe tshomba yakwe, a nga siyi nchumu lomu ndlwini yakwe ni mufunweni wakwe wontihe xa kuva a nga va kombangiko.

1 Kronekele 21:1

Satani i lo vukela va ka Israeli, a kucetela Davida a ku hlaya va ka Israeli.

2 Kronekele 19:2

Jehu nʼwana wa muprofeti Hanani i lo suka ku mu khinga; i te ngalo ka hosi Jehoxafate: A wa kubiha i fanele ku vunetelwa ke? U ranza lava va vengako Jehova ke? Hi kota ya lezo Jehova i ku zangarele.

2 Kronekele 24:18

Va lo tsika yindlu ya Jehova Nungungulu wa vadadani vabye, va khozela zifananiso za Axtarte ni zinwani zifananiso; zonake Jehova i lo zangarela va ka Juda ni va le Jerusalema hi kota ya kugoha loko.

2 Kronekele 25:19

Wena u ngalo: Languta, mina nzi hlulile va ka Edomi, hikwalaho a mbilu ya wena yi na ni matshanza, ya ti kukumukisa; tshama kaya ka wena! Hi kuyini wa ti lavelako mhango ya ku lobyiswa, wena ni vaJuda ke?

2 Kronekele 26:16

Makunu laha a nga wa hi ni ntamu, a mbilu yakwe yi lo ti kukumukisa kala a huma zineneni; i lo onhela Jehova Nungungulu wakwe hi ku enghena lomu tempeleni ya Jehova a hisa libani laha alatini ga libani.

2 Kronekele 32:31

Makunu laha a tihosi ta le Babuloni ti nga rumela a mitsumi ka yena a ku ta mu wutisa hi zihlamaliso lezi zi humelelako lomu tikweni ga va ka Israeli, Nungungulu i lo mu tsika a mu ringa, kasi ku tiva zontlhe zi nga wa hi mbilwini yakwe.

Isaya 39:1

A ka xikhati lexo Merodak-baladani, a nʼwana Baladani, a hosi ya le Babuloni, i lo rumela a papilo ni zinyikiwo ka Hezekia, hakuva i wa zwile lezaku i wa babya, niku i kalamukile. 2 Tih. 20:12; 2 Kro. 32:23, 31

Isaya 39:2

Hezekia i lo tsaka ku wona mitsukano ya kona, a kombisa ni mabako yakwe: a siliva, ni nzalama, ni mipepo ni mafura ya lisima, ni matlhari yakwe wontihe, zontlhe lezi zi nga hi mabakweni yakwe. Ku wa nga hi kona a xilo lomu ndlwini yakwe ni mufunweni wakwe a nga kala ku va komba.

Ezekieli 28:17

A mbilu ya wena yi wa ti kukumukisa hi kota ya wumbhuri ga wena, u lo lahlekelwa hi wutlhari ga wena hi kota ya kungangamela ka wena. Nzi ku hoxile lahasi, nzi ku veka mahlweni ka tihosi kasi ti fela ku ku wona.

Ezekieli 28:2

Nʼwana wa munhu, byela a hosana ya Tire, uku: Hosi Jehova i ngalo: Hakuva a mbilu ya wena yi ti tlakusile, u wuya uku: Mina nzi nungungulu, nzi tshamile xitshanwini xa nungungulu xikari ka mabimbi; kasilezo u munhu, a ku nungungulu, hambu lezi u yimisileko a mbilu ya wena ku fanana ni mbilu ya nungungulu. Isa. 31:3; Dan. 5:20; Miti. 12:22

Ezekieli 28:5

Hi wukulu ga wutlhari ga wena ni mabhinzu ya wena u anzisile a kufuma ka wena; a mbilu ya wena yi ti tlakusile hi kota ya kufuma ka wena.

Ezekieli 31:10

Hikwalaho Hosi Jehova i ngalo: Hakuva u ti tlakusile hi wukulu, u lehisa a tichoka ta yona xikari ka marefu, u ti kukumukisa hi kota ya kuleha ka yona;

Danieli 11:12

A xidlemo xi ta hlaselwa ku dawa mazana ya mazana; a mbilu ya hosi yi ta ti kukumukisa, kanilezi yena a nga ta hlula.

Danieli 5:20

Kanilezi laha a mbilu yakwe yi nga ti kulisa, a nonohisa moya wakwe ava ni matshanza, i lo suswa xitshanwini xakwe xa wuhosi, a tekelwa wukosi gakwe.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Hosea 14:2

Tekani timhaka, mu tlhelela ka Jehova, mu yaku kakwe: Susa kugoha kontlhe, u hi amukela hi wuxinji; zonake hi ta ku phahlela hi milomu ya hina wutshanweni ga tihonwana. Maheb. 13:15

Habakuka 2:4

Languta, a muhefemulo wakwe wu kukumukile, a wu lulamangi nzeni kakwe. Kanilezi loyi a lulamileko! ta hanya hi kukholwa kakwe. Rom. 1:17; Gal. 3:11; Maheb. 10:38

2 Va le Korinte 12:7

Hi kota ya ku kasi nzi nga ti kukumukisi hi kuvululelwa loku ka hombe, nzi lo nyikiwa a muzwa lomu nyameni, a ntsumi wa Satani wa ku nzi tshekulela lezaku nzi nga ti kukumukisi hi ku hunzeleta nzheko. Ezek. 28:24; Gal. 4:13

Deuteronome 32:6

Kaxana mu ta tlhelisela ka Jehova hi za kunghahi ke? Nwina vanhu va zipumbu, mu nga hiko na wutlhari? Kasi a hi yena dadani wa wena, loyi a ku mahileko ke? Hi yena a ku wumbileko a ku yimisa.

Deuteronome 8:17

U nga wuli mbilwini ya wena ku ngalo: A ntamu wa mina ni canja ga mina ga ntamu gi nzi fumisile.

1 Timote 3:6

Ngha a nga hi loyi a ha sangulako ku kholwa, a nga taku a ti kukumukisa a koneka hi xionho xa Satani.