2 Kronekele 32:23 - Tshwa Bible

²³ A vanhu vanyingi va lo neha mihlengo ka Jehova le Jerusalema, ni zilo za malongo ka Hezekia a hosi ya ka Juda; i lova loyi a tlakukileko ka wontihe matiko kusukela lezo.

2 Kronekele 32:23 교차 참조

1 Tihosi 10:10

Zonake i lo nyika a hosi a 120 wa titalenta ta nzalama, ni mipepo yo tala nguvu, ni maribye ya tsengo. Cima ku wa nga tangi ni siku ginwe a mipepo yo tala nguvu kota leyi yi ngata ni muzinza wa le Xeba ku ta nyika hosi Solomoni.

1 Tihosi 10:25

loyi ni loyi i lo nehela nzuwo yakwe, zi nga zona zibya za siliva ni za nzalama, ni tinguwo, ni matlhari, ni mipepo, ni mahaxi, ni mamula, zi mahiwa lezo lembe ni lembe.

1 Tihosi 4:21

Solomoni i lo fumela wontihe matiko kusukela Congweni wa Eufrate kala le tikweni ga vaFilistia ni le mbhinganweni wa le Gipite; va wa luva ka Solomoni ni ku mu tirela wontihe masiku ya kuhanya kakwe.

2 Tihosi 19:30

Kasike a misalela ya yindlu ya ka Juda leyi yi ta nga pona, yi ta tlhava mitsu lahasi, yi chela mihanzu le hehla.

1 Kronekele 29:25

Jehova i lo mu tlakusa nguvu Solomoni mahlweni ka vontlhe va ka Israeli, a kulisa kufuma kakwe ku hunza kufuma ka tihosi ta ka Israeli leti ti nga fuma mahlweni kakwe.

2 Kronekele 1:1

Solomoni nʼwana Davida i lo tiyisa mufumo wakwe, Jehova Nungungulu wakwe na hi zinwe naye a mu kulisa nguvu.

2 Kronekele 17:11

Ku wa hi ni manwani maFilistia ma nga wa luva ka Jehoxafate; hambu ni maArabia ma lo mu nehela mitlhambi ya 7,700 wa tihamba ni 7,700 wa timhongo.

2 Kronekele 17:5

Zinghaho Jehova i lo tiyisa mufumo lowu mandleni yakwe; hikwalaho vontlhe vaJuda va lo ta luva ka Jehoxafate; i wa hi ni tshomba ya hombe nguvu, ni wudzunzo ga hombe.

2 Kronekele 9:24

Loyi ni loyi i wa neha a zinyikiwo, a zibya za siliva ni za nzalama, ni tinguwo, ni matlhari, ni makha, ni mahaxi, ni timula; va lo maha lezo lembe ni lembe.

Ezra 7:27

A ku bongiwe Jehova Nungungulu wa vadadani va hina, loyi a vekileko a timhaka ta ku nghahi mbilwini ya hosi, ta ku dzunza a yindlu ya Jehova le Jerusalema,

Tisimu 68:29

Na u hi lomu tempeleni ya wena le Jerusalema; A tihosi ti ta ku humesela zinyikiwo.

Tisimu 72:10

A tihosi ta Tarxixi ni ta le zihlaleni ti ta neha nzhuvo, Ni tihosi ta le Xeba ni Seba ti ta humesa zinyikiwo. Isa. 60:5; Mat. 2:11

Tisimu 76:11

Fungani ka Jehova a Nungungulu wa nwina, mu tatisa zifungo za nwina; Vontlhe lava va mu ranzeleko ngha va neha zinyikiwo ka loyi a faneleko ku chabyiwa. Deut. 23:21

Mateu 2:11

Va lo enghena lomu ndlwini, va wona a xihlangana ni nyine wa xona Maria; va lo xi khizamela, va vulula zikhwama zabye va mu nyika zinyikiwo: a nzalama ni hlakati ni mira. Tis. 72:10