2 Kronekele 30:8 - Tshwa Bible

⁸ Makunu nwina mu nga nonohisi tinhamu ta nwina, khwatsi hi vadadani va nwina; khomani a canja ga Jehova, muta ndlwini yakwe yo basa a yi basisileko kala kupinzuka, mu ta khozela Jehova Nungungulu wa nwina, kasi a zanga yakwe yo tshisa yi fela ku Suka ka nwina.

2 Kronekele 30:8 교차 참조

2 Tihosi 23:26

Hambulezo, a zanga ya Jehova cima a yi bohlangi, hakuva yi wa hi ya hombe, hakuva i wa holovela vaJuda hi kota yo zontlhe lezi Manasa a nga mu zangarisa ha zona.

1 Kronekele 29:24

Tontlhe tihosana ni tinhenha, ni vontlhe vana va hosi Davida, va lo ti koramisa lahasi ka hosi Solomoni.

2 Kronekele 28:11

Makunu nzi ingiseni, mu tlhelisa a tikhumbi leti mu ti khomileko xikari ka vanakuloni, hakuva a zanga ya Jehova yi le hehla ka nwina.

2 Kronekele 28:13

vaku kabye: Mu nga enghenisi a tikhumbi leti lomu, hakuva mu lava ku hi engetela a zionho za hina ni milanzu ya hina mu hi vangela nanzu mahlweni ka Jehova; hakuva a nanzu wa hina ngwa hombe, ni zanga ya hombe yi kona hehla ka Israeli.

2 Kronekele 29:10

Makunu mina nzi xuva ku maha xivumelwano na Jehova, Nungungulu wa ka Israeli, kasi a zanga yakwe yo chaviseka ya suka ka hina.

2 Kronekele 36:13

Yenawu i lo hluwuka ka hosi Nebukadnezare loyi a nga mu hlambanyisa hi vito ga Nungungulu; i lo nonohisa a nhamu ni mbilu yakwe, a nga tlhelelangi ka Jehova Nungungulu wa ka Israeli. Ezek. 17:13

2 Kronekele 6:5

Kusukela siku lego nzi nga humesa a vanhu va mina le tikweni ga le Gipite, cima a nzi hlawulangi a muti lomu xikari ka tinyangwa ta ka Israeli a kuva ku akiwa kona a yindlu kasi ku tshama lomo a vito ga mina, ni kambe cima a nzi hlawulangi munhu a kuva hosi ya vanhu va mina, a va ka Israeli. 2 Sam. 7:6

2 Kronekele 6:6

Kanilezi makunu nzi hlawule a Jerusalema lezaku kasi a vito ga mina gi fela ku tshama lomo, nzi hlawula Davida a kuva a fuma hehla ka vanhu va mina, a va ka Israeli.

2 Kronekele 7:16

hakuva makunu nzi hlawule yindlu leyi nzi yi basisa, kasi a vito ga mina gi fela ku tshama kona kala kupinzuka, ni lezaku kasi a mahlo ya mina ni mbilu ya mina zi tava kona laha kala kupinzuka.

Ezra 10:14

A tihosana ta hina a ti yimele a ntlhangano wontihe, kasi vontlhe lava va tekileko vavasati va vamatiko, va nga lomu mitini yabye, va tata hi xikhati xi ta nga yimiswa, vata ni masingalakati ya muti ni muti, ni Valamuli vabye, kala a khulo ga Nungungulu wa hina gi bohla xungetano ni mahungu lawa.

Ezra 10:19

va lo tlakusa mawoko yabye va hlambanya lezaku va ta tlhelisa vasati vabye, hakuva va wa hi ni nanzu; va lo maha muphahlelo wa milanzu yabye hi hamba.

Tisimu 63:2

Zinghaho, nza ku langutela lomu wutshanwini go basa, Kasi ku wona a ntamu wa wena ni wukulu ga wena.

Tisimu 68:24

Nungungulu, va wonile a kufamba ka wena; A kufamba ka Nungungulu wa mina, a Hosi ya mina, loku a enghena wutshanwini gi basileko.

Tisimu 68:31

A tihosana ti tata hi le Gipite, Lokuloku Etiopia i ta tshambuluta a mandla yakwe ka Nungungulu. Isa. 18:7; Miti. 8:26

Tisimu 73:17

Kala nziya wutshanwini ga kubasa ga Nungungulu, Nzi khumbula a kugumelwa kabye.

Tisimu 78:49

I lo va rumela a zanga yakwe yi hisako, A khulo, ni kutsanwa, ni zikarato. A ntlawa ta tingelosi ta makhombo.

Eksodusi 32:9

Jehova i lo wula kambe ka Mosi, aku: Nzi wonile lava vanhu, lezaku mbanhu va tinhamu to nonoha.

Jeremia 50:15

Kanyulukani, mu mu ranzela matlhelo wontihe. I tlakusile mawoko; a makhokhola yakwe ma wile, a makhurisi yakwe ma khungumukile! Loko hi ku ti photela ka Jehova! ti photeleni kakwe; lezi a nga maha ka nwina, mahaniwo zalezo kakwe.

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Johani 12:26

Loku munhu a nzi tirela, a nzi lanzele; ni laha nzi nga kona, i ta va kona loyi a nzi tirelako. Loku munhu a nzi tirela, yaloye i ta dzunziwa hi Dadani. Xip. 14:3; 1 Tes. 4:17

Va le Roma 10:21

Kanilezi hi tlhelo ga Israeli i ngalo: Gontlhelele siku nzi nawulutile a mandla ya mina ka vanhu va nga ingisiko, lava va kanetako;

Va le Roma 6:22

Kanilezi makunu na mu tlhatlhisilwe kuonheni, na mu hi malanza ya Nungungulu, mu bhinzule a kubasiswa, ni magumeso ya kona hi wutomi ga pinzukelwa.

Deuteronome 10:16

Enghenisani wukwera a timbilu ta nwina, mu nga nonohisi tinhamu ta nwina;

Deuteronome 6:13

U ta chava Jehova Nungungulu wa wena, u mu khozela, u hlambanya hi vito gakwe. Jer. 4:2; Mat. 4:10; Lu. 4:8

Deuteronome 6:17

Kanilezi mu ta hlayisa khwatsi a milayo ya Jehova Nungungulu wa nwina, ni wukustumunyu gakwe, ni zileletelo zakwe lezi a mu leleteleko zona.

Joxua 24:15

Kanilezi loku zi woneka na zi bihile mahlweni ka nwina a ku khozela Jehova, hlawulani legi siku loyi mu ta nga mu khozela; kutani mbanungungulu lava a vararu va nwina va nga wa va khozela le tlhatukweni wa congo, kutani mbanungungulu va maAmori, lava mu akileko tikweni gabye. Kanilezi mina ni ngango wa mina hi ta khozela Jehova.

Kuvululelwa 7:15

Hikwalaho va yimile mahlweni ka xitshamu xa wuhosi xa Nungungulu, va mu tirela mumu ni wusiku tempeleni yakwe. Loyi a tshamileko xitshanwini xa wuhosi i ta tshambuluta tabernakeli gakwe hehla kabye. Isa. 4:5, 6; Xip. 21:3