2 Kronekele 30:6 - Tshwa Bible

⁶ Zinghaho a mitsukano yi lo fambafamba lomu tikweni gontlhe ga va ka Israeli ni ga va ka Juda ni mapapilo ya hosi ni ya tinduna takwe, va hlawutela kota kuleletela ka hosi, vaku: Va ka Israeli, tlhelelani ka Jehova Nungungulu wa Abrahama na Isaka na Israeli, kasi yenawu a fela ku tlhelela ka misalela leyi yi ponileko xikari ka nwina mandleni ya tihosi ta vaAssiria. Mal. 3:7

2 Kronekele 30:6 교차 참조

1 Tihosi 18:36

Zonake hi xikhati xa ku nyikela a muphahlelo wa gambo, muprofeti Elija i lo tshinela laha kusuhani, aku: Jehova, Nungungulu wa Abrahama, na Isaka, na Israeli, a zi tibyiwe inyamutlha lezaku wena u Nungungulu wa ka Israeli, ni lezaku mina nzi nanza ga wena, ni lezaku mina nzi mahile lezi hi kota ya kuleletela ka wena! Ekso. 3:6; Mat. 22:32

2 Tihosi 15:19

Ku lota Pule a hosi ya le Asiria a ku ta vukela tiko ga ka Israeli. Zonake Menahema i lo nyika Pule 1,000 wa titalenta ta siliva, kasi a fela ku mu vunetela ku tiyisa wuhosi lomu mandleni yakwe.

2 Tihosi 15:29

Masikwini ya Peka hosi ya ka Israeli, Tiglate-Pilesera a hosi ya le Asiria i lota a ta teka Ijoni, na Abelabete-Maaka, na Janoa, na Kedexe, na Hazora, na Gileade, na Galile, ni gontlhe a tiko ga ka Naftali, a va khoma va maha tikhumbi a va fambisa le Asiria.

1 Kronekele 29:18

Jehova Nungungulu wa vadadani va hina, Abrahama, na Isaka, na Israeli, maha lezaku a timbilu ta vanhu va wena tiva ni maalakanyo ni mixuvo ya kunghahi kala kupinzuka, ni kuranza ka maalakanyo yabye, u koka a timbilu tabye ka wena.

1 Kronekele 5:26

Nungungulu wa ka Israeli i lo kucetela a mbilu ya Pule a hosi ya le Asiria, ni mbilu ya Tilgate-Pilnesera a hosi ya le Asiria, a khoma va ka Rubeni, ni va ka Gadi, ni khihlanya ga nyangwa ya ka Manasa, a va yisa le wukhumbini, a va yisa le Hala, ni Habora, ni le Hara, ni le Congweni wa le Gozani, laho va akileko kona kala nyamutlha.

2 Kronekele 28:20

Na Tilgate-Pilnesera a hosi ya le Assiria i lo ta mu hlokisa, a mu maha nala wakwe, a nga mu nyenyeleteli.

Estere 3:13

A mapapilo ma rumelwa hi mitsukano matikweni wontihe ya hosi, kasi ku hihirita, va chinza vaku bhi vontlhe vaJuda, a vatsongwani ni vahombe, a zihlangana ni vavasati, hi siku ginwe ga 13 hi hweti ya wu 12 yi nga Adare, va tlhela va phanga a nhunzu yabye.

Estere 8:14

Zinghaho a mitsukano leyi yi khileleko mahaxi yo tsutsuma nguvu ya hosi yi lo huma hi kutsutsuma, na yi hatlisiswa hi kuleletela ka hosi. Ni le Xuxani a zinzeni ku lo biwa nyiwo leyo.

Joba 9:25

Makunu a masiku ya mina ma tsutsuma ku hunza tsukano, Ma tsutsuma, na ma se nga wona kusaseka.

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Jeremia 29:1

Makunu leti hi timhaka ta papilo legi Jeremia muprofeti a nga rumela hi le Jerusalema a ka lava va seleko va masingalakati va le wukhumbini, ni ka vapristi ni ka vaprofeti ni ka vontlhe vanhu, lavo Nebukadnezzare a nga va khoma Jerusalema va yiswa Babuloni,

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 4:1

Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.

Jeremia 51:31

A tsukano munwe wu ta tsutsuma wu tlhangaveta munwani, ni ntsumi munwe wu ta tlhangaveta munwani, na va ya byela a hosi ya le Babuloni lezaku a muti wakwe wu engheniwile matlhelo wontihe.

Mikosi 3:40

A hi hlolisiseni hi ringa a mahanyela ya hina, Hi wuya hi tlhelela ka Jehova.

Mikosi 5:21

Hi wuyise ka wena Jehova, kasi hi tlhelela ka wena; Hunzula masiku ya hina mava maswa khwatsi hi kusanguleni.

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Hosea 14:1

Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Zakaria 1:3

Hikwalaho va byele uku: Jehova wa tiyimpi i ngalo: Tlhelelani ka mina, ku wula Jehova wa tiyimpi, na minawu nzi ta tlhelela ka nwina, ku wula Jehova wa tiyimpi.

Zakaria 1:4

Mu nge khwatsi hi vadadani va nwina, lava a vaprofeti va kale va nga kanyukelana kabye, vaku: Jehova wa tiyimpi i ngalo: Humani tindleleni ta nwina to biha, mu tsika a zimaho za nwina za hava! Kanilezi a va zwangi, hambu ku nzi ingisa, ku wula Jehova.

Jakobe 4:8

Tshinelani ka Nungungulu, na yena i ta tshinela ka nwina. Hlambani mandla, nwina vaonhi; mu basisa timbilu ta nwina, nwina va timbilu timbiri. 2 Kro. 15:2; Isa. 1:16; 1 Ped. 1:22