2 Kronekele 28:9 - Tshwa Bible

⁹ Kanilezi ku wa hi kona a muprofeti wa Jehova, a vito gakwe hi Odedi; i lo huma a khinga a yimpi leyi yi nga wa wuya Samaria, aku kabye: Jehova Nungungulu wa vadadani va nwina i zangarele va ka Juda a va nyikela mandleni ya nwina, mu va daya hi titsheku, leti ti chikeleko ni le tilweni.

2 Kronekele 28:9 교차 참조

Genesisi 11:4

Vaku: A hi akeni a muti ni likhokhola, leli a xixungwa xa lona xi ta nga chikela tilweni; hi ti chula a vito kasi hi nga hangalaki misaveni yontlhe.

Genesisi 4:10

Jehova aku ngalo: U mahile yini ke? A gezu ga nkhata wa nakuloni gi rilile misaveni gita ka mina.

1 Tihosi 20:13

Kanilezi a muprofeti i lota ka Ahabi a hosi ya ka Israeli, a taku; Jehova i ngalo: Wa xi wona a xidlemo lexi xa hombe ke? Nzi ta xi nyikela mandleni ya wena inyamutlha, na wena u ta zi tiva lezaku hi mina Jehova.

1 Tihosi 20:22

A muprofeti i lo tshinela laha kusuhani ka hosi ya ka Israeli aku: Famba u ya ti longisela hi ntamu, u alakanya lezi u ta nga maha, hakuva a lembe gi tako a hosi ya le Siria yi ta kanziha yi ta ku vukela kambe.

1 Tihosi 20:42

Yena i te ngalo ka hosi: Jehova i ngalo: Lezi wena u tsikileko a munhu loyi nzi mu nyikeleko mandleni ya wena a famba, a wutomi ga wena gi ta rihela a wutomi gakwe, ni vanhu va wena va ta rihela a vanhu vakwe.

1 Kronekele 21:13

Davida i te ngalo ka Gadi: Nzi na ni gome ga hombe nguvu. Nzi ta wela mandleni ya Jehova, hakuva a wuxinji gakwe ga hombe nguvu; ngha nzi nga weli mandleni ya vanhu.

2 Kronekele 28:5

Hikwalaho Jehova Nungungulu wakwe i lo mu nyikela mandleni ya hosi ya Siria; a vaSiria va mu hlasela, va khoma a vanhu vakwe vo tala va va yisa le Damasku. I lo nyikelwa kambe mandleni ya hosi ya va ka Israeli a hlaselwa nguvu hi yena:

Ezra 9:6

nziku: Nungungulu wa mina, nzi na ni tingana ni gome a ku tlakusa a nghohe ya mina ka wena Nungungulu wa mina, hakuva a zigoho za hina zi kulile zi tlakuka hehla ka tihloko ta hina, ni nanzu wa hina wu kulile wu chikela tilweni. Gen. 18:20; Kuv. 18:5

Tisimu 69:26

Hakuva va xanisa loyi u mu bileko, Va wulawula hi kubayiseka ka lava u va tlhavileko.

Isaya 47:6

Nzi wa zangarele a tiko ga mina, Nzi nyenyezisa a tshomba ya mina, Nzi va nyikela mandleni ya wena. A ku va mahelangi wuxinji; U lo binzisa nguvu a muyoka wa wena hehla ka zikhosana.

Jona 1:2

Suka, uya Niniva, a mutini lowu wa hombe, u ya wu kanelela, hakuva a kubiha ka wona ku chikele mahlweni ka mina. Gen. 10:11; 18:20

Zakaria 1:15

na nzi tsanwiswa nguvu hi matiko lawa ma te ku ti njha; hakuva laha nzi nga wa tsanwile kutsongwani ha Israeli, wona ma lo engetela kubiha.

Kuvululelwa 18:5

Hakuva a zionho zakwe zi chikele ni le tilweni, Nungungulu i alakanyile a zihambuko zakwe. Gen. 18:20; Jona 1:2

Valamuli 3:8

Makunu a zanga ya Jehova yi vindlukela va ka Israeli, a va nyikela canjeni ga Kuxani-Rixataime, a hosi ya le Mesopotamia. A vanana va ka Israeli va lo fumelwa 8 wa malembe hi Kuxani-Rixataime.