2 Kronekele 24:25 - Tshwa Bible

²⁵ Laha va nga suka va mu siya, hakuva va mu siya na a babya nguvu, a malanza yakwe ma lo mu hleva hi kota ya lezi a nga daya a vana va Jehoiada mupristi, va si mu daya laha mubhedini. Va lo mu lahla mutini wa Davida, kanilezi a va mu lahlangi xilahleni xa tihosi.

2 Kronekele 24:25 교차 참조

1 Tihosi 15:27

Baaxa wa Ahija, wa yindlu ya ka Isakare, i lo maha mahlevo yo mu vukela. Baaxa i lo mu daya le Gibetoni gi lumbako vaFilistia, laha Nadabe ni Vontlhe va ka Israeli va nga wa vimbezela Gibetoni.

2 Kronekele 21:16

Jehova i lo hlohlotela vaFilistia ni vaArabia lava va akileko kusuhani ni Etiopia a kuva va vukela Jehoramu.

2 Kronekele 22:6

I lo tlhela aya le Jezreeli a ku ya chumiwa a timbanga leti a nga wa gwazilwe le Rama na alwa na Hazaeli a hosi ya le Siria. Ahazia nʼwana Jehoramu hosi ya ka Juda, i lo relela aya le Jezreeli a ya wona Joramu nʼwana Ahabi, kota lezi a nga wa babya.

2 Kronekele 22:9

I lo rumela a vanhu a ku ya lava Ahazia; va lo ya mu khoma le Samaria le a nga wa fihlele kona, va mu neha ka Jehu. I lo ta dawa. Kanilezi va lo mu lahla, hakuva va te ngalo: I nʼwana wa Jehoxafate loyi a nga wa ranza Jehova hi mbilu yakwe yontlhe. Makunu ku wa nga ha salangi a munhu wa yindlu ya Ahazia a nga wa hi na malungelo yo fuma.

2 Kronekele 24:16

Va lo mu lahla lomu mutini wa Davida zinwe ni tihosi, hakuva i wa mahile kululama lomu tikweni ga ka Israeli, a tirela Nungungulu ni yindlu ya kona. Joaxi a onha.

2 Kronekele 24:26

Lava va nga maha mahlevo, hi tava: Zabada nʼwana Ximeate, wasati wa ka Amoni, na Jehozabada nʼwana Ximrite wasati wa ka Moabi.

2 Kronekele 25:27

Kusukela xikhatini lexo Amazia a nga fularela Jehova, ku lo bohiwa xikungo le Jerusalema xa ku mu vukela; zonake i lo chavela le Lakixe. Kanilezi va lo rumela vanhu va mu lanza kwale Lakixe, va ya mu daya.

2 Kronekele 25:3

Makunu laha a wuhosi gakwe gi nga wa tiyile, i lo daya malanza yakwe tawa ma nga wa dele hosi, a dadani wakwe.

2 Kronekele 28:27

Ahaza i lo etlela zinwe ni vararu vakwe, va mu lahla laha mutini le Jerusalema, hakuva a va mu enghenisangi xilahleni xa tihosi ta ka Israeli. Zonake a nʼwana wakwe Hezekia i lo fuma xikhundleni xakwe.

Tisimu 10:14

Wena u zi wonile, hakuva u wona a kuxaniseka ni hlomulo, U zi khoma hi canja ga wena; Loyi a nga hlomulweni i ti nyikela ka wena; Hi wena muvuni wa zisiwana.

Kuvululelwa 16:6

Hakuva va halatile a nkhata wa vobasa ni wa vaprofeti; u va nyikile nkhata a kuva vanwa, va fanele lezo.