Yenawu i lo hluwuka ka hosi Nebukadnezare loyi a nga mu hlambanyisa hi vito ga Nungungulu; i lo nonohisa a nhamu ni mbilu yakwe, a nga tlhelelangi ka Jehova Nungungulu wa ka Israeli. Ezek. 17:13
Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.
Kanilezi ku lo hunza malembe yo hlaya na u timisela ha vona, u va khongotela hi moya wa wena hi milomu ya vaprofeti va wena; kanilezi va nga pangi tindleve tabye; hikwalaho u va nyikela mandleni ya vanhu va matiko.
Ingisa, wena tiko ga mina, Mu kangatela ndleve, nwina hlengeletano ya mina; Hakuva a nayo wu ta huma ka mina, Nzi maha nongameto wa mina a kuva kuwonekela ka tiko.
Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34
A kusukela ka lembe ga wukhume ni manharu ya Josia, a nʼwana Amoni, hosi ya ka Juda, kala legi siku, a ka malembe laya ya 23 a gezu ga Jehova gi tile ka mina, nzi gi kanele ka nwina na ga hi mixo, kanilezi nwina a mu ingisangi.
Hambu lezo a mu nzi ingisangi, ku wula Jehova, lezaku kasi mu vindlukisa a zanga ya mina hi mitiro ya mandla ya nwina, kasi ku ti hala khombo ha nwece.
Mu nge khwatsi hi vadadani va nwina, lava a vaprofeti va kale va nga kanyukelana kabye, vaku: Jehova wa tiyimpi i ngalo: Humani tindleleni ta nwina to biha, mu tsika a zimaho za nwina za hava! Kanilezi a va zwangi, hambu ku nzi ingisa, ku wula Jehova.
