2 Kronekele 23:13 - Tshwa Bible

¹³ I lo wona a hosi na yi yimile wutshanwini ga yona hi laha nyangweni, a tinduna ni vabi va mipunzu na va hi laha hosini; vontlhe vanhu va tiko va wa hi kutsakeni, na vaba mipunzu. A vayimbeleli kambe va wa hi ni timbila, va yimbelela tisimu ta kubonga. Zonake Atalia i lo hanzula a tinguwo takwe, aku: Kuhluwuka! Kuhluwuka!

2 Kronekele 23:13 교차 참조

2 Tihosi 11:14

I lo lunguza a wona a hosi na yi yimile laha wutshanwini gi tlakukileko, khwatsi hi nayo wa kona, a tinduna ni vabi va mipunzu na va yimile hi laha hosini, a vanhu vontlhe va tiko na va tsaka, vaba mipunzu. Zonake Atalia i lo hanzula a tinguwo takwe, aba huwa, aku: Mahlevo, mahlevo!

2 Tihosi 23:3

A hosi yi lo yima hi laha nyangweni yi maha xivumelwano mahlweni ka Jehova lezaku i ta lanzela Jehova, a hlayisa milayo yakwe, ni timhaka takwe, ni zileletelo zakwe hi mbilu yakwe yontlhe, ni muhefemulo wakwe wontihe, ni kutiyisa ka timhaka ta xivumelwano lexi, leti ti tsalilweko lomu bhukwini legi. A vanhu vontlhe va lo ti boha xivumelwaneni lexo. Jox. 24:25

2 Tihosi 9:13

Zonake va lo hatlisa, munwe ni munwani a teka a nguwo yakwe, va ti andlala laha hehla ka mayingo, vaba punzu vaku: Jehu i hosi! Mat. 21:8

2 Tihosi 9:23

Joramu i lo hunzuluka a tlhela hi kutsutsuma, aku ka Ahazia: Yi kona a mhango laha, wena Ahazia!

1 Kronekele 12:40

Hambu lava va nga wa akile lomu kusuhani, kala ku chikela ka va ka Isakari, na Zebuloni, na Naftali, vonawu va wa neha timbuva hi timbongola, ni makameli, ni mamula, ni tihomu, va neha timbuva ta mapa, ni zikhekhetselo za makuwu ma womileko, ni mihanzu ya mauva ma womileko, ni vinya, ni mafura, ni tihomu, ni tiyivu to tala nguvu, hakuva a va ka Israeli va wa tsakile.

1 Kronekele 15:24

Xebania na Joxafate na Netaneli, na Amasai, na Zakaria, Beneia, na Eliezere, va wa hi vapristi kuba mipunzu mahlweni ka arke ga Nungungulu; Obed-Edomi, na Jehia, va wa hi vahlayisi va tinyangwa ta arke.

1 Kronekele 15:27

Davida i wa ambele a nguwo ya wukene yo saseka, ni vaLevi vontlhe lava va nga wa rwele a arke, ni vayimbeleli, na Kenania a murangeli wa vayimbeleli; Davida i wa ambele kambe a efode ya wukene.

2 Kronekele 23:12

Laha Atalia a ngazwa a guwa ga vanhu ga kutsutsuma-tsutsuma va dumisa hosi, i lota enghena ndlwini ya Jehova xikari ka vanhu.

2 Kronekele 23:14

Mupristi Jehoiada i lo vitana a tinduna ta mazana, a varangeli va yimpi, tita mahlweni, aku ka tona: Mu humeseni xikari ka vanhu, kasi ni wihi loyi a ta nga mu lanza a fela ku dawa hi tlhari! Hakuva mupristi i waku: Mu nga mu dayeli ndlwini ya Jehova!

2 Kronekele 34:31

A hosi yi lo yima wutshanwini ga yona yi maha xivumelwano mahlweni ka Jehova ku lanzela Jehova ni ku hlayisa milayo yakwe, ni wukustumunyu gakwe, ni zileletelo zakwe, hi mbilu yakwe yontlhe, ni muhefemulo wakwe wontihe, ni ku lanzela a timhaka ta xivumelwano leti ti tsalilweko lomu bhukwini.

Tisimu 14:5

Va wa hi ni kuchava ka hombe lomo; Hakuva Nungungulu i lomu zizukulwaneni xa valulamileko.

Mavingu 11:10

Loku a vakululama va humelela a muti wa nengela; oku a va kubiha va lova ku kona kuhlalela.

Mavingu 29:2

Loku a va kululama va anza, a tiko ga tsaka; anilezi loku a wa kubiha a fuma a tiko ga rila.

Mutshawuteli 9:12

Hakuva munhu a nga xi tivi xikhati xakwe; khwatsi hi zidluwani zi phasiwako hi likoka, ni tinyanyani ti phasiwako hi tlhamu, hilezo ni vana va vanhu va phasiswako zona xikhatini xa kubiha, va welwa hi khombo hi xitshuketi. Mar. 13:35; Lu. 12:20

Ezekieli 46:2

A hosana yi ta enghena hi ndlela ya ligumbagumba la nyangwa ya lehandle, a ya yima kusuhani ni mhanze ya nyangwa; loku yena a khizama laha xipimbitsini xa nyangwa a vapristi va ta nyikela a munyikelo wakwe wa kuhiswa ni wa kurula, zonake i ta huma. Kanilezi a nyangwa yi nga ta valiwa kala laha gambyeni.

Valamuli 7:8

Zinghaho lava va 300 va lo teka timbuva tabye ni mipunzu yabye. A vanwani va ka Israeli, Gideoni i lo va tlhelisa vaya matendeni yabye, ku sala lava va 300. A wugovelo ga vaMidiani gi wa le nzhelelweni.