2 Kronekele 21:7 - Tshwa Bible

⁷ Hambu lezo Jehova a nga ranzangi ku lovisa a yindlu ya Davida, hi kota ya xivumelwano lexi a xi mahileko naye, ni mhaka leyi a nga yi wula aku i ta mu nyika, yena ni vanana vakwe, a kandiya kala kupinzuka.

2 Kronekele 21:7 교차 참조

2 Samueli 21:17

Kanilezi Abixai wa Zeruia i lo mu ponisa hi ku tlhava muFilistia a mu daya. Zonake a vanhu va Davida va lo mu khongotela, vaku: U nga ta ha famba na hina le yimpini, u nga tala ku tima kandiya ya ka Israeli.

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

1 Tihosi 11:13

Hambu lezo, cima nzi nga ta wutla wontihe mufumo; nzi ta siyela a nʼwana wa wena a nyangwa yinwe, hi kota ya nanza ga mina Davida ni Jerusalema legi nzi gi hlawulileko.

1 Tihosi 11:36

A nʼwana wakwe nzi ta mu nyika a nyangwa yinwe, kasi a nanza ga mina Davida a fela kuva ni kandiya mahlweni ka mina lomu Jerusalema, a muti lowu nzi wu hlawulileko a ku veka a vito ga mina ka wona.

1 Tihosi 15:4

Hambulezo, hi kota ya Davida, Jehova, Nungungulu wakwe, i mu nyikile a kandiya lomu Jerusalema hi ku yimisa a nʼwana wakwe anzhako ka yena, ni ku tiyisa Jerusalema. 2 Sam. 21:17; Tis. 132:17; Mav. 13:9

2 Tihosi 8:19

Hambu lezo, Jehova a nga lavangi ku lovisa Juda, hi kota ya nanza gakwe Davida, khwatsi hi lezi a nga wa mu tsumbisile lezaku i ta mu nyika a kandiya xikari ka vanana vakwe kala kupinzuka. 2 Sam. 7:13, 16; Mav. 13:9

2 Tihosi 8:24

Joramu i lo etlela zinwe ni vararu vakwe le mutini wa Davida. A nʼwana wakwe Ahazia i lo fuma xikhundleni xakwe.

2 Kronekele 22:11

Kanilezi Jehoxabeate a nhanyana wa hosi Joramu i lo teka Joaxi wa Ahazia a mu nyemukisa xikari ka vana va hosi, lava va nga wa dayetelwa, a mu enghenisa lomu kwarutwini ni muanwisi wakwe. Zinghaho Jehoxabeate nʼwana hosi Joramu, a sati wa mupristi Jehoiada, hakuva yena i wa hi makabye wa Ahazia, i lo mu fihla a nga kumiwi hi Atalia; hikwalaho a nga mu dayangi.

2 Kronekele 23:3

Wontihe tlhangano wu lo maha xivumelwano ni hosi lomu ndlwini ya Nungungulu. Jehoiada i te ngalo kabye: Hi loyi nʼwana wa hosi, loyi a faneleko ku fuma, khwatsi hi lezi Jehova a wulileko xungetano hi vana va Davida.

2 Kronekele 6:16

Jehova Nungungulu wa ka Israeli makunu maha ka dadani wa mina, a nanza ga wena Davida, lezi u mu tsumbisileko zona, uku: Cima ku nga ta vumaleka ni siku ginwe mahlweni ka mina a munhu loyi a ta nga tshama xitshanwini xa wuhosi xa ka Israeli, loku a vana va wena hakunene va hlayisa tindlela tabye, va famba hi milayo ya mina khwatsi hi lezi u fambisileko zona wena mahlweni ka mina.

Tisimu 132:11

Jehova i mahile xihlambanyo xi nene ka Davida, Cima a nga ta hunzuluka ka xona; Ite: Nzi ta veka xitshanwini xa wuhosi xa wena a nʼwana wa nyimba ya wena. 2 Sam. 7:11; Miti. 2:30

Tisimu 89:39

U tsikile a xivumelwano lexi u nga xi maha ni nanza ga wena, U nyenyezisile a xidlodlo xakwe, u xi hoxa lahasi.

Luka 1:69

I hi vuxela a limhonzo la kuhanyisa A ndlwini ka Davida a nanza gakwe, Tis. 132:17

Luka 1:79

A ku va woninga lava va tshamileko munyameni ni le nzhutini wa kufa, Ni ku rangela a mikonzo ya hina ndleleni ya kurula. Isa. 9:2; Mat. 4:16