2 Kronekele 21:10 - Tshwa Bible

¹⁰ A va ka Edomi va lo hluwuka va ka Juda kala lezi. Xikhatini xwalexo Libna i lo hluwuka kakwe, hakuva yena, i wa fularele Jehova Nungungulu wa vadadani vakwe.

2 Kronekele 21:10 교차 참조

1 Tihosi 11:31

aku ka Jeroboamu: Teka khume legi ga mavemba, hakuva hi lezo a wulako Jehova Nungungulu wa ka Israeli, aku: Nzi ta wutla a mufumo wa va ka Israeli mandleni ya Solomoni, nzi ku nyika a khume ga tixaka.

1 Tihosi 11:33

Nzi ta maha lezo hakuva va nzi fularele va khozela mahlweni ka Axtarte, a nungungulu wa maSidoni, ni mahlweni ka Kemoxe, a nungungulu wa maMoabi, ni mahlweni ka Milkome, a nungungulu wa va ka Amoni: a va fambangi hi tindlela ta mina ta kuva va maha kululama mahlweni ka mina, ni ku hlayisa milayo ya mina, ni zileletelo za mina, khwatsi hi lezi a mahileko a raru Wakwe Davida.

2 Tihosi 19:8

Zinghaho laha Rabxeka a nga tlhela, i lo ya kuma a hosi ya le Asiria na yi kari yilwa na Libna, hakuva i wa zwile lezaku i sukile Lakixe.

2 Kronekele 13:10

Kasike hina, Jehova hi yena a nga Nungungulu wa hina; a hi mu tsikangi; ni vapristi lava va tirako ku khozela Jehova hi vona a vana va Aroni ni va ka Levi, va tirako mitiro yabye.

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

2 Kronekele 21:11

Jehoramu i lo engeta kambe a maha matshamu ma tlakukileko lomu zitsungeni za va ka Juda; i lo kucetela a vanhu va le Jerusalema ku ti nyiketela wubhayini, a pengisa va ka Juda.

2 Kronekele 21:8

Xikhatini xakwe a va ka Edomi va lo hluwuka va ka Juda, va ti yimisela hosi.

2 Kronekele 21:9

Zonake Jehoramu i lo huma zinwe ni tinduna takwe, ni tikareta takwe tontlhe; i lo suka ni wusiku a ya hlasela va ka Edomi lava va mu ranzeleko, ni tinduna ta tikareta.

2 Kronekele 28:6

hakuva Peka nʼwana Remalia i lo daya 120,000 wa vavanuna hi siku ginwe lomu tikweni ga Va ka Juda, vontlhe va wa hi tinhenha; hi kota ya kuya va tiskileko Jehova Nungungulu wa vadadani vabye.

Isaya 1:28

Kanilezi a vahambunyeti ni vaonhi va ta lobyiswa khatiginwe, ni lava va tsikako Jehova va tafa.

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Deuteronome 31:17

Kanilezi a zanga ya mina yi ta vura hi lego siku, nzi va tsika, nzi fihla a nghohe ya mina ka vona, va lobyiswa, a makhombo ya ku tala ni hlomulo zi tata hehla kabye, zonake va ta ku ngalo: Kasi lawa makhombo ma tako hehla ka hina, a hi lezi Nungungulu wa hina a nga hiko kona xikari ka hina ke?

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

Joxua 10:29

Joxua ni vontlhe va ka Israeli va lo suka Makeda vaya le Libna va yalwa na Libna.

Joxua 21:13

Va lo nyika ka vanana va mupristi Aroni a muti wa wuponelo ga mudayi, Hebroni, ni wuriselo ga kona, ni Libna zinwe ni wuriselo ga kona,

Valamuli 10:13

Kanilezi nwina mu lo nzi fularela, mu nzi tsika, mu ya khozela vanwani vanungungulu. Hikwalaho nzi nga ta ha mu tlhatlhisa kambe. Deut. 32:15