2 Kronekele 20:8 - Tshwa Bible

⁸ Vona va akile ka gona, va akela a vito ga wena a yindlu ya kubasa, vaku:

2 Kronekele 20:8 교차 참조

2 Kronekele 2:4

Languta, mina nzi lava ku aka a yindlu yi lumbako a vito ga Jehova Nungungulu wa mina nzi yi nyikela kakwe, nzi hisela lomo libani mahlweni kakwe, ni ku veka zibaba wontihe masiku mahlweni kakwe za zikombiso, ni ku mu phahlela hi munyikelo wa kuhiswa wa mixo ni gambo, ni wa masabado, ni wa kuhumeni ka hweti, ni wa mibuzo ya Jehova Nungungulu wa hina. Leyo hi yona a fanelo ya va ka Israeli kala kupinzuka. Levi 24:5; Mitse. 28:3

2 Kronekele 20:7

Nungungulu wa hina, a hi wena u panzanyileko a vaaki va tiko legi mahlweni ka vanhu va wena, a va ka Israeli, u gi nyikela kala kupinzuka ka pswalo wa Abrahama loyi a nga hi xaka ga wena hi masiku?

2 Kronekele 20:9

Loku hi humelwa hi makhombo manwani, kutani tiyimpi, a kulamula, kutani mitungu, a ndlala, hina hi ta yima mahlweni ka yindlu leyi ni mahlweni ka wena, hakuva a vito ga wena gi lomu ndlwini leyi; hlomulweni wa hina hi ta rila ka wena, u hizwa u hi ponisa.

2 Kronekele 6:10

Jehova i tatisile a gezu gakwe legi a gi wulileko. Mina nzi tshamile xikhundleni xa dadani wa mina Davida, nzi tshamile xitshanwini xa wuhosi xa ka Israeli, khwatsi hi lezi Jehova a tsumbisileko; mina nzi akile a yindlu yi lumbako a vito ga Jehova Nungungulu wa ka Israeli.

2 Kronekele 6:5

Kusukela siku lego nzi nga humesa a vanhu va mina le tikweni ga le Gipite, cima a nzi hlawulangi a muti lomu xikari ka tinyangwa ta ka Israeli a kuva ku akiwa kona a yindlu kasi ku tshama lomo a vito ga mina, ni kambe cima a nzi hlawulangi munhu a kuva hosi ya vanhu va mina, a va ka Israeli. 2 Sam. 7:6

2 Kronekele 6:6

Kanilezi makunu nzi hlawule a Jerusalema lezaku kasi a vito ga mina gi fela ku tshama lomo, nzi hlawula Davida a kuva a fuma hehla ka vanhu va mina, a va ka Israeli.

Joxua 21:43

Zinghaho Jehova i lo nyika ka Israeli gontlhe a tiko legi a nga wa hlambanyile ka vararu vabye a ku va nyika gona, zonake va lo gi amukela, va tshama ka gona.